PILOTIMUA̒TA 32:13 - KITABI HABARI MOPIOHE

¹³ Ambunguolo eelai mola mongo wato-Mu, tei Abraham, Isihaka wolei Yako. Ambunguola eelai mola deu̒ Eeya lodanti wolo tadia u mongohi mai olimongolio wali daatalio debo odelo poliyama tohulungo, wau olo deu̒ ngoilanggubu huta u pilodanti mai lo Eeya boito mamowali haku lo wali mola limongolio u ohiheo-hiheolo mao̒.”

PILOTIMUA̒TA 32:13 ပူးပေါင်းရင်းမြစ်များ

ILOOWALI 12:2

Wau̒ mamongohi mai olemu wali u dadaata wau timongolio mamowali bangusa udaa̒. Wau̒ mamo balakati mai olemu wau mohutu tanggulumu polu-polutuo̒, tilinggula yio̒ mamowali balakati.

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 15:18

Tou̒ boitolo Eeya lohutu mai daantia wolei Abram. Tahuda lo Eeya, “Wau̒ modanti mai mamongohi ode waliimu ngoilanggubu huta botie, tumulalo mao̒ monto sipatana lipu lo Masiri demola dutulaa Eperat,

ILOOWALI 15:5

Eeya lodelo olei Abram ode bulemengio tulusi lotahuda mao̒ olio, “Bilohi mola hulungo wau nte leekenia mola popoo-liyamaalo; yio̒ mamowali owali mai daatalio debo odelo popoo-liyamaalo boito.”

ILOOWALI 15:7

Lapatao̒ Eeya luli lotahuda olio, “Wau̒lo Eeya tamalodelo olemu yilumulai lonto lipu lo Ur to Babilonia, u mongohi mai huta botie to olemu mowali milikiimu.”

ILOOWALI 17:8

Wau̒ mamongohi olemu wau ode waliimu mai, huta botie, u botia bilu-biluloa̒ olemu odelo tau deli. Ngoa̒amila huta lo Kanaa̒n mamowali haku lo walao̒ wau wombumu ohiheo-hiheolo mao̒ wau Wau̒ mamowali Allahu Taa̒ala limongolio.”

ILOOWALI 22:16

“Eeya lotahuda mai: Wau̒ motadia mai domi tanggulu-U̒ lohihilao, sababu yio̒ malohutu sua̒li botie wau diila lotouli u mohudu mai walau̒mu tatuwa-tuwaulo boito ode ola-U̒,

ILOOWALI 22:17

Wau̒ mamo balakati mai olemu wolo diila o eenggadelio wau mohutu mai waliimu mola debo odelo daatalio lo poliyama to hulungo wau debo odelo daatalio lo hungayo to biihu deheto. Walao̒ wau wombumu mamoo̒laahe mumuu-suwaalo limongolio.

ILOOWALI 24:7

Eeya, Allahu Taa̒ala tamotolo kawasa hulungo, malodelo mai olau̒ lonto bele liyamau̒ wau lonto lipu lomongo ilaatau̒, wau Tio malotadia to olau̒ deu̒ Tio mamongohi mai lipu botie ode waliu̒ mai. Tio olo mamolao mai malai̒kati-Lio u motulungi olemu, alihu yio̒ moo̒tapu mao̒ dile ngota mola monteto mai ode walau̒uu̒.

ILOOWALI 48:16

Tiolo malai̒kati tamalo lopata olau̒ lonto totoonulalo baala. Hinta Allahu Taa̒ala boito mobalakati mai mongo walao̒ botie. Hinta tumumulo tulusi tangguluu̒ wau tanggulei Abraham wolei Isihaka masababu mongo walao̒ botie! Hinta owalaa̒a wombu mola, u dadaata todunia.”

PILOTIMUA̒TA 13:11

Tei Musa loloi̒ya mao̒ ode bangusa lo Isirai̒lu, “Eeya mamo depita olimongoli ode lipu lo Kanaa̒n u madilanti-Lio mai wolo tadia to olemu wau odeli nenemoyamu. Lapatao̒ huta boito mowali hakuumu,

PILOTIMUA̒TA 13:5

Wolo tadia Eeya helodanti mai odeli nenemoyamu u mohudu mao̒ olemu lipu lo bangusa Kanaa̒n, Het, Amori, Hewi wau Yebus. Lapatao̒ Eeya modelo olimongoli ode lipu ukaya wau molomiodu boito, timii̒du taunu todelomo hulalo Abib, timongoli musi mohutu mao̒ upacala botie.

PILOTIMUA̒TA 33:1

Lapatao̒ Eeya lotahuda odelei Musa, “Tolailo mao̒ tambati boito wau ponao̒lo pee̒-pee̒enta wolo bangusa tadilelomu mai lonto Masiri boito odelipu u pilodanti-U̒ odelei Abraham, Isihaka wau Yako wau wali mai limongolio.

IMAAMATI 26:42

Wau̒ mamoe̒ela mola daantia-U̒ wolei Yako, Isihaka wau Abraham. Wau̒ mamo pobohu mai danti-U̒ u mongohi mao̒ huta boito ode bangusaa-U̒.

TINGULI 1:10

Eeya Allahu Taa̒ala limongoli malohutu mai jumulaa limongoli heo̒duhenga mola daatalio debo odelo daata lo popoo-liyamaalo tohulungo.

TINGULI 7:8

Bo Eeya molulaotao̒ olimongoli sababu Tio momonu olimongoli wau ohilaa moe̒elai danti u pilohutu-Lio woli nenemoya limongoli. Uitolo sababuulio Tio malo poa̒ahu mai olimongoli wolo kawasa udaa̒ wau lolopato olimongoli lonto sua̒li lowali wato toli olongia lo Masiri.

TINGULI 9:27

Ambunguolo eelai mai tomongo wato-Mu Abraham, Isihaka wolei Yako, wau ambunguolo diila mao̒ poo̒tuota siipati baa̒ngiyola, ololeeto wau dusa lobangusa botie.

IBRANI 6:13

Tou̒ Allahu Taa̒ala lodanti odelei Abraham, Tio lotadia deu̒ Tio mamohutu mai wolo u mapilo danti-Lio. Wau sababu diaaluo talebe molaia̒ wolo Allahu Taa̒ala, yi Tio malo tadia totanggu-Lio lohihilao.