PILOTIMUA̒TA 32:12 - KITABI HABARI MOPIOHE

¹² Wonu Eeya mopobinasa mao̒ olimongolio, yi taulo Masiri mamoloi̒ya deu̒ Eeya lodelo bangusa boito yilumualao̒ lonto Masiri, u momate olimongolio mate-mateelo mao̒ to hihui̒-hui̒dee wau mopobinasa olimongolio sama-samaata. Ambunguola diila mao̒ odito, yaa Eeyaau̒, ambunguolo lomela mao̒ niyati lo Eeya wau ambunguola diila mao̒ potopo talawa bangusa boito.

PILOTIMUA̒TA 32:12 ပူးပေါင်းရင်းမြစ်များ

ILOOWALI 6:6

Tio olo malolee̒e lopowali olimongolio wau lopo tambati olimongolio todunia. Tio malo ilokikiio̒ hilao,

BOHULO MONGO OLONGIA 8:51

Timongolio yito umati lo Eeya lohihilao tamaa dilelo lo Eeya yilumualai lonto Masiri lipu tou̒toonu timongolio hesilii-kisaalio.

ESRA 10:14

Poluasia mai tomongo tau̒wa lamiaatia motibiluloa̒ to Yerusalemu wau monguurusi mao̒ sua̒li boito. Lapatao̒ timii̒du tau to kokoo-tawaalo lamiaatia, tao̒ dilebua monto bangusa deli musi monao̒ mai towakutu utilantu mao̒ pee̒-pee̒enta wolo mongo tau̒wa wau mongo hakimu lo kotaalio ngota-ngota. Lou̒ odito Allahu Taa̒ala diila tamomuuka mai poli olanto sababu palakala boito.”

JABURU 106:45

Domi timongolio Eeya loe̒elai daantia-Lio wau lodehu hilao olimongolio sababu ponu lo Eeya u udaa̒.

JABURU 74:18

Eelailo mai woloolo mola musu helohina to Eeya, yaa Eeya, bangusa tadiila motota to Eeya hemo tombulaa̒ tanggulo Eeya.

JABURU 78:38

Bo Allahu Taa̒ala lomonu wau helo ngambungu umati-Lio, wau diila helo pobinasa olimongolio. Pipiiu̒wa Eeya helo ngotonga omuluka lo Eeya, wau diila helo pomukaa̒i omuluka lo Eeya.

JABURU 85:3

Eeya malo ngambungu mai duduu-sawaalo umati lo Eeya; hemilaa̒apu lo Eeya totoonulalo totalaalio.

JABURU 90:13

Yaa Eeya, tunggula omolua Eeya muluka? Pohualingolo mai wau ponualo mongo wato lo Eeya.

PILOTIMUA̒TA 32:14

Yi Eeya lolomelao̒ niyati-Lio wau diila lomata loponao̒ anjamu-Lio u mopo dungga mai baala ode bangusa boito.

PILOTIMUA̒TA 33:13

Wonu odito, ambunguolo Eeya mopoo̒taa mai wolo lanjana lo Eeya, Eeya, alihu watia mowali momaya to Eeya wau debo moo̒sanangi hilaa lo Eeya. Eelailo mao̒ olo deu̒ bangusa botie matilulaoto lo Eeya lowali haku lo Eeya.”

YESAYA 64:7

Diaaluo talodua̒ ode Eeya, meaambo lei̒ tuulungi to Eeya, sababu Eeya loluuo̒ baya lo Eeya to olamiaatia, wau lopoluli mai olamiaatia pilobinasa lodusa lamiaatia.

YESAYA 64:8

Bo Eeya, yaa Eeya, deu̒yito-yito ti Paapa lamiaatia, amiaatia huta modudangia, wau Eeya talo powali mai olamiaatia; amiaatia ngoa̒amila yito huhutu uluu̒ lo Eeya.

YEREMIA 28:16

Sababu uito Eeya lohihilao lotahuda mai deu̒ yio̒ mainggilo lo Eeya monto tudu lodunia. To taunu botieelo yio̒ maa mate, sababu yio̒ malopoa̒hu bangusa botie loluwali to Eeya.”

YEHESKIEL 20:14

Bo Wau̒ diila loponao̒ mao̒ domi ohulumati tanggulu-U̒, alihu tanggulu-U̒ diila mao̒ hinaa lo babaa-ngusawalo tamoo̒onto ola-U̒ mopolualao̒ Isirai̒lu monto Masiri.

YEHESKIEL 20:22

Bo Wau̒ diila lopohutu mai alihu tanggulu-U̒ diila mao̒ hinaa lo babaa-ngusawalo tamoo̒onto ola-U̒ mopolualao̒ Isirai̒lu monto Masiri.

YEHESKIEL 20:9

Bo Wau̒ diila lohutu mao̒, alihu tanggulu-U̒ diila mao̒ hinaa lo babaa-ngusawalo to tambati ilowoluwoa limongolio. Sababu totalu lo babaa-ngusawalo boito, Wau̒ malo pomalalumu deu̒ bangusa lo Isirai̒lu madeloo-U̒ lumuala lonto Masiri.

YOEL 2:17

Ahuliilo mongo iimamu tahi pomayawa to Eeya, humoyongo towolota lomesba wau sulambe totalu, sambela moloi̒ya, “Ponuwalo mai umati lo Eeya, yaa Eeya; diila mao̒ polulia miliki lo Eeya mowali o aibu,” tilinggula babaa-ngusawalo wewo mopodalili wau moloi̒ya, “Tou̒toonu Allahu Taa̒ala limongolio?”

AMOS 7:3

Eeya lolomelao̒ patujuu-Lio wau lotahuda mai, “U iloontongamu boito diila tamotoduo mai.”

AMOS 7:6

Eeya luli lolomelao̒ patujuu-Lio wau lotahuda, “Utie olo diila tamotoduo mai.”

YUNU 3:9

Otanu Allahu Taa̒ala mamo lomelao̒ niyati-Lio wau diilalo muluka tilinggula ito diila momata binaasa!”

JAKARIA 8:14

Eeya Taa Laba-labaalo kawasa lotahuda, “Tou̒ tinenemoyaamu lohutu ola-U̒ lomuluka, Wau̒ lolantu mai u mohukuumani olimongolio wolo moo̒ohuu̒. Wau̒ diila lolomelo putuusani-U̒ boito, bo loponao̒ mao̒.

YIA̒APO 14:19

Botia, Eeya, sababu udaa̒lio odehu hilaa lo Eeya wau Eeya tatapu wau molotolo hilao todanti lo Eeya, watotia momolohone ambungualo mai dusa lotau-tauwala botie tumulalo mai timongolio lololaa mao̒ huta lo Masiri.”

YIA̒APO 16:21

“Potoulilo monto tau-tauwalo boito; Wau̒ ohilaa mopobinasa mai olimongolio botiyaalo olo.”

TINGULI 13:17

Babaa-langiyalo ulaa̒-laa̒anati boito diila mowali tahuwola duo̒lo batanga limongoli lohihilao, bo musi pobinasalo sama-samaata. Yi omuluka lo Eeya mamoole wau Tio mamopo bilohei odehu hilao ode limongoli. Tio maa omuura lohilao ode limongoli wau mopowali mao̒ olimongoli bangusa uleidaa̒ debo odelo upilo danti-Lio mai ode loluuhuru limongoli,

TINGULI 32:36

Eeya mamo poa̒ahu mai umati-Lio wau momonu mongo wato-Lio, wonu Tio moo̒onto olimongolio diila olotolo wau mai̒lo pulita lo lotolo.

TINGULI 9:28

Wonu umati-Mu pobinasaa-Mu mai olo, yi taulo Masiri mamoloi̒ya deu̒ Eeya diila mambo modelo bangusaa-Mu ode lipu u pilodanti-Mu ode limongolio, wau deu̒ EEYA modelo olimongolio ode huta luasi udelita u momate mateelo mao̒ olimongolio, sababu EEYA molonua̒ olimongolio.

YOSUA 7:26

Lapatao̒ uito tilambulao̒ limongolio wolo botu dadaata daa̒ u tunggula todulahee botie donggo woluo mola teto. Uitolo sababuulio tambati boito donggo iluntee Lumbaya Polodutolo. Yi mailooleelo mola omuluka lo Eeya.

YOSUA 7:9

Taulo Kanaa̒n wau ngoa̒amila taa wewo tolipu botie mamodungohu pasali losua̒li botie. Timongolio mamomala wau momate mateelo mao̒ olo mongowatotia ngoa̒amila! Lapatao̒ wolo u mapohutuo mai lo Eeya u momintengi ohulumati lo Eeya?”

BOHULO SEMUEL 12:22

Eeya malotadia mai, deu̒ Tio diila tamololaa olimongoli sababu Tio malolantu mai u mopowali mao̒ olimongoli umati-Lio lohihilao.