PILOTIMUA̒TA 32:11 - KITABI HABARI MOPIOHE

¹¹ Tei Musa malo molohone ode Eeya Allahu Taa̒alaalio, ualio mao̒, “Eeya, ambunguolo yilongola Eeya musi mohutu mao̒ odito ode limongolio? Diila maa Eeya tamalo poa̒ahu olimongolio lonto Masiri wolo okokawasa wau olootolo daa̒?

PILOTIMUA̒TA 32:11 ပူးပေါင်းရင်းမြစ်များ

ILOOWALI 18:27

Tei Abraham luli loloi̒ya, “Ambungua mai obobuheli lo watotia mohumbutao̒ bibiisalawa botie. Yaa Eeeya, watotia botie bo manusia, wau diila ohaku moloi̒ya u hitua-tuawua.

BOHULO MONGO OLONGIA 8:51

Timongolio yito umati lo Eeya lohihilao tamaa dilelo lo Eeya yilumualai lonto Masiri lipu tou̒toonu timongolio hesilii-kisaalio.

NEHEMIA 1:10

Yaa Eeya, mongowatotia botie mongo wato lo Eeya umati lo Eeya lohihilao taa maa piloa̒ahu lo Eeya wolo kawasa wau olootolo Eeya upolu-polutuo̒.

JABURU 106:23

Yi Allahu Taa̒ala oniyati mopobinasa umati-Lio, bo yilabuta lei Musa, taa tilulao-Tio. Tei Musa talowali lotiwolota toli mongolio, tilinggula omuluka lo Allahu Taa̒ala yiloole.

PILOTIMUA̒TA 32:7

Yi Eeya lotahuda odelei Musa, “Hua̒a potuhutolo mola, sababu bangusaamu tadilelomu mai yilumualao̒ lonto Masiri malohutu u moleeto.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 8:8

Ti olongia lei̒ tiangai olei Musa wolei Haruna, wau loloi̒ya mao̒, “Podua̒alo mola ode Eeya alihu Tio mopodiaa̒a mao̒ tutuu-mbiheyalo botie, yi wau̒ mamongohi mai bangusaamu monao̒ u mopodewo bake ode Eeya.”

YESAYA 63:17

Yaa Eeya, yilongola piloluli mai lo Eeya amiaatia yilapalo? Yilongola Eeya lohutu mai hilaa lamiaatia diila mowali bolio̒olo tilinggula amiaatia diila moohe to Eeya? Pohualingo lo mai domi mongowato lo Eeya, domi umati lo Eeya, miliki pusaka lo Eeya.

YEREMIA 15:1

Eeya lotahuda mai odelaatia, “Wau̒ diila tamomonu mai bangusa botie, penu boli tei Musa wolei Semuel timihulao̒ tewe u momolohone odehu hilaa-U̒ ode limongolio. Ahuli mao̒ bangusa botie monao̒, Wau̒ diila mohuto momilohe olimongolio!

HIYONGO MOPOILAALO SUUSA 2:20

Yaa Eeya, bilohiilo wau poo̒tuotilo mai timongolio tasilikisa lo Eeya boito! Tingga woluo tapee̒enta mao̒ hepilohutu lo Eeya odito? Tiilo lolamela walai̒o pulua tao̒tolia̒ngo daa̒, iimamu wau nabi pilatelio yila-yilateelo mao̒ todelomo Bele lo Eeya umantali.

YEHESKIEL 20:9

Bo Wau̒ diila lohutu mao̒, alihu tanggulu-U̒ diila mao̒ hinaa lo babaa-ngusawalo to tambati ilowoluwoa limongolio. Sababu totalu lo babaa-ngusawalo boito, Wau̒ malo pomalalumu deu̒ bangusa lo Isirai̒lu madeloo-U̒ lumuala lonto Masiri.

DANIALI 9:15

Oo Eeya, Allahu Taa̒ala lo mongowatotia, Eeya malopo bilohei kawasa lo Eeya wolo lodelo umati lo Eeya yilumualai lonto Masiri, wau kawasa lo Eeya boito debo donggo tolo eela. Mongowatotia mai̒lodusa wau helohutu totala.

YOEL 2:17

Ahuliilo mongo iimamu tahi pomayawa to Eeya, humoyongo towolota lomesba wau sulambe totalu, sambela moloi̒ya, “Ponuwalo mai umati lo Eeya, yaa Eeya; diila mao̒ polulia miliki lo Eeya mowali o aibu,” tilinggula babaa-ngusawalo wewo mopodalili wau moloi̒ya, “Tou̒toonu Allahu Taa̒ala limongolio?”

YIA̒APO 11:11

Yi maloloiya tio ode Eeya, “Ambunguolo yilongola Eeya lopoo̒suusa mai odie olo watotia? Ambunguolo wolo Eeya diila sanangi to watotia? Ambunguolo yilongola Eeya lohudu mai titihula ode ngoa̒amila tau boito to watotia?

YIA̒APO 14:13

Lapatao̒ tei Musa loloi̒ya ode Eeya, “Yaa, Eeya, de taulo Masiri modungoheo̒ sua̒li boito! Lebe-lebe pomao̒ wolo kawasaa lo Eeya , malodelo mai mongowatotia yilumualao̒ lonto lipu boito,

YIA̒APO 16:22

Bo tei Musa wolei Haruna losujudu lolubo wau loloi̒ya, “Yaa Allahu Taa̒ala, Eeyaalo talongohi mai tutumulo ode totoonulalo u hitumula. Wonu bo ngotaalio wambao̒ tao̒dusa, ambunguolo wolo Eeya momuluka mai ode ngoilanggubu umati?”

YIA̒APO 21:7

Lapatao̒ bangusa boito malo dudulao̒ odelei Musa wau loloi̒ya, “Amiaatia mailodusa sababu helobiihu to Eeya wau olemu. Podua̒alo mola ode Eeya alihu tutuu-liduwaalo botie mohalaheo̒ monto olami.” Yi tei Musa malodua̒ mao̒ tobangusa boito.

YIA̒APO 27:4

Bo yilongola tanggulio musi mooli monto bangusa lo Isirai̒lu bo kalana tio diila o wali mai walao̒ talolai̒? Wohia mai amiaatia huta pusaka pee̒-pee̒enta wolo mongo ilaato liyamo lami.”

BOHULO SEMUEL 15:11

“Wau̒ lolee̒e malo mudua̒ olei Saul lowali olongia, sababu tio malohei lonto ola-U̒, wau diila helo ponao̒ palentaa-U̒.” Tei Semuel masiluukali, wau ilo-iloonua tio helo poi̒laalo suusa to Eeya.