PILOTIMUA̒TA 32:10 - KITABI HABARI MOPIOHE

¹⁰ Diila mao̒ pohimontala momubula ola-U̒. Wau̒ muluka olimongolio wau mapobinasaa-U̒ timongolio. Bo yio̒ wau waliimu mola mapo waliyo-U̒ bangusa udaa̒ tuwau.”

PILOTIMUA̒TA 32:10 ပူးပေါင်းရင်းမြစ်များ

ILOOWALI 12:2

Wau̒ mamongohi mai olemu wali u dadaata wau timongolio mamowali bangusa udaa̒. Wau̒ mamo balakati mai olemu wau mohutu tanggulumu polu-polutuo̒, tilinggula yio̒ mamowali balakati.

JABURU 106:23

Yi Allahu Taa̒ala oniyati mopobinasa umati-Lio, bo yilabuta lei Musa, taa tilulao-Tio. Tei Musa talowali lotiwolota toli mongolio, tilinggula omuluka lo Allahu Taa̒ala yiloole.

PILOTIMUA̒TA 22:24

Wau̒ mamoluka mai wau momate mateelo mao̒ olimongolio todelomo popaatea, tilinggula mongo dile limongoli mowali janda, wau mongo walau̒mu mowali didu otiyamo.

PILOTIMUA̒TA 32:11

Tei Musa malo molohone ode Eeya Allahu Taa̒alaalio, ualio mao̒, “Eeya, ambunguolo yilongola Eeya musi mohutu mao̒ odito ode limongolio? Diila maa Eeya tamalo poa̒ahu olimongolio lonto Masiri wolo okokawasa wau olootolo daa̒?

PILOTIMUA̒TA 32:19

Tou̒ tei Musa malembideo̒ to kema boito, iloontongalio sapi hulawa boito wau tau-tauwala donggo hipo ngelunga, yi maloingolo mola tio. Teto olo, tobungo lohui̒dee boito, tei Musa malo pobantilo mola botu u dilelolio mai boito tunggula loa̒antulu hipita-pitanga.

PILOTIMUA̒TA 33:3

Timongoli motidulungo ode huta ukaya wau molomiyodu. Bo Wau̒ lohihilao diila moduduo̒ wolimongoli, alihu timongoli diila mao̒ pobinasa-U̒ tohungo dalaalo, sababu timongoli yito bangusa tabaa̒ngiyolo.”

YEREMIA 11:14

Sababu uito, Yeremia, diila mao̒ dua̒i timongolio meaambo mei̒ tuulungi to Olau̒ ode limongolio! Wonu timongolio todelomo usuukali wau mei̒ tuulungi to Olau̒, Wau̒ diila tamohuto modungohe olimongolio.”

YEREMIA 14:11

Eeya lotahuda mai odelaatia, “Diila mao̒ pohile ola-U̒ u motulungi totau-tauwala boito.

YEREMIA 15:1

Eeya lotahuda mai odelaatia, “Wau̒ diila tamomonu mai bangusa botie, penu boli tei Musa wolei Semuel timihulao̒ tewe u momolohone odehu hilaa-U̒ ode limongolio. Ahuli mao̒ bangusa botie monao̒, Wau̒ diila mohuto momilohe olimongolio!

YEREMIA 7:16

Eeya lotahuda mai, “Yeremia, diila mao̒ dua̒i tau-tauwalo botie. Diila mao̒ pohile tuulungi meaambo modua̒ mola olimongolio; diila mao̒ pohuntula ola-U̒, sababu Wau̒ diila mohuto modungohe polohone boito.

YEHESKIEL 20:13

Bo tohuta luasi ohungayo boito olo timongolio helo luwali ola-U̒. Timongolio helo lambanga papaa-lentaa-U̒ wau bubuu-too̒o-U̒ u mopongaku mao̒ deu̒ taa u modungoheo̒ debo tumumulo. Timongolio helo ponajisi daa̒ dulahu Saabati. Sababu uito, tohuta luasi ohungayo boito, Wau̒ ohilaa mopomukao̒ omulukaa-U̒ uwali-walihuhu ode limongolio wau mopobinasa olimongolio.

YIA̒APO 14:12

Wau̒ mamopo binasa mai olimongolio lou̒ mopodungga ngongoto u moe̒embita. Bo yio̒ mapo waliyo-U̒ tiyamo lobangusa tuwau ulebe udaa̒ wau lebe molotolao̒ woli mongolio!”

YIA̒APO 16:21

“Potoulilo monto tau-tauwalo boito; Wau̒ ohilaa mopobinasa mai olimongolio botiyaalo olo.”

YIA̒APO 16:22

Bo tei Musa wolei Haruna losujudu lolubo wau loloi̒ya, “Yaa Allahu Taa̒ala, Eeyaalo talongohi mai tutumulo ode totoonulalo u hitumula. Wonu bo ngotaalio wambao̒ tao̒dusa, ambunguolo wolo Eeya momuluka mai ode ngoilanggubu umati?”

TINGULI 9:14

Diila mao̒ pohimontala momubula ola-U̒. Wau̒ ohilaa mopobinasa mai olimongolio tilinggula diilalo oe̒ela. Bo yio̒ mapowaliyo-U̒ mai tiyamo lobangusa tuwau talebe udaa̒ wau lebe molotolao̒ woli mongolio.’

TINGULI 9:19

Watia moohe to omuluka lo Eeya uwali-walihuhu to olimongoli tunggula ohilaa pobinasaa-Lio mai, bo pee̒enta boite olo Eeya lodungohei olaatia.

YAKOBUS 5:16

Sababu uito, mamusi timongoli mongaa-ngaakua totala wau moduu-duua̒wa mola, alihu timongoli poo̒luli-Lio mai. Dua̒ lotaa umodudua̒ u otohilaa lo Allahu Taa̒ala okawasa daa̒.