PILOTIMUA̒TA 31:14 - KITABI HABARI MOPIOHE

^14-15 Dulahu pohuheliyala boito musi hulumatia mao̒ limongoli odelo dulahu u mantali. Timongoli wohiya-U̒ mai wolomohui mola u pokalajaalo, bo todulahu opitulio yi todulahee daa̒ u pohetuwola ola-U̒. Tatoonu tadiila mohulumati mao̒ dulahee boito, bo mokalaja todulahee boito musi hukuu-maniyolo mate.

PILOTIMUA̒TA 31:14 ပူးပေါင်းရင်းမြစ်များ

YEHESKIEL 44:24

Wonu tumoodu hulinggila tomimbihu palakala lobutoo̒, timongolio musi mopoo̒ lapatao̒ motuuu̒de wolo bubuu-too̒o-U̒. Timongolio musi moporame potihunggu lo agama, modudua̒a wuu̒du wau butoo̒o-U̒, wau mohulumati Saabati odelo dulahu u poheetu ode Olau̒.

YEHESKIEL 20:24

sababu timongolio malo malonga papaa-lentaa-U̒, wau lolambanga ngoa̒amila bubuu-too̒o-U̒, loponajisi dulahu Saabati, wau debo hipoluboa dedeewaalo u hepiluja linenemoya limongolio.

YEHESKIEL 20:21

Bo hilaide lotahi muudawa boito olo helo tibaaa̒ngi to Olau̒. Timongolio lolambanga bubuu-too̒o-U̒ wau lomalonga papaa-lentaa-U̒, u pongakuwalo deu̒ taa u modunguheo̒ debo tumumulo. Timongolio helo pokootolo daa̒ dulahu Saabati. Sababu uito Wau̒ malo podapato ohilaa mopomukaa̒i omulukaa-U̒ uwali-walihuhu tohuta luasi ohungayo boito wau momate olimongolio mate-mateelo mao̒.

YEHESKIEL 20:16

Aanjamu boito yilapali-U̒ mai masababu timongolio helo malonga papaa-lentaa-U̒, helo lambanga bubuu-too̒o-U̒ wau helo ponajisi dulahu Saabati. Timongolio lebe motohilaa molubo babaa-laahalaalo limongolio.

NEHEMIA 9:14

Dulahu Saabati u mantali musi polameya mao̒ limongolio, wau lotimbulude olei Musa butoo̒ Eeya yilohi mai lo Eeya.

PILOTIMUA̒TA 20:8

Polameyaalo dulahu Saabati wau hulumatia mao̒ dulahee boito.

YAHYA 7:23

Wonu timongoli mohutu uito alihu diila mao̒ molambanga wuu̒du lei Musa pasali lou̒ sunati, yilongola timongoli moingo ola-U̒, sababu lopoo̒luli ngangaa-waa̒lo mao̒ batanga lotau todulahu Saabati?

IMAAMATI 16:29

Wuwuu-uduwaalo botie musi dungohelo u ohiheo-hiheolo mao̒. Todulahee opululio hulalo opitulio, taulo Isirai̒lu wau tau deli tahi tatapua towolota limongoli musi mopuasa wau diniyolo mokalaja, sababu todulahee botie dulahee umantali daa̒. Todulahee boito musi pohutuwola upacala u mopo mantali mao̒ bangusa lo Isirai̒lu monto totoonulalo dusa limongolio alihu timongolio belesi.

PILOTIMUA̒TA 30:33

Taa u mohutu winulo debo odelo uito, meaalo mopomake mao̒ duo̒lo taa u diila iimamu, madiilalo anggapuolo pongawaa̒ lo umati-U̒.”

PILOTIMUA̒TA 30:38

Tatoonu tamohutu yiyii-lontaalo debo odelo uito, diilalo anggapuola pongawaa̒ lo umati-U̒.”