PILOTIMUA̒TA 31:13 - KITABI HABARI MOPIOHE

¹³ u mopo malalumu ode bangusa lo Isirai̒lu, “Polameeya mao̒ dulahu Saabati, dulahee u matilantu-U̒ mai odelo dulahee pohuheliyalo. U ohiheo-hiheolo mao̒ dulahee boito mowali poe̒ela towolota limongoli wola-U̒, alihu otaawa mao̒ limongoli deu̒ Wau̒lo Eeya, wau deu̒ Wau̒ malo powali mai olimongoli, bangusaa-U̒ lohihilao.

PILOTIMUA̒TA 31:13 ပူးပေါင်းရင်းမြစ်များ

NEHEMIA 9:14

Dulahu Saabati u mantali musi polameya mao̒ limongolio, wau lotimbulude olei Musa butoo̒ Eeya yilohi mai lo Eeya.

PILOTIMUA̒TA 31:12

Eeya lomalentao̒ olei Musa

PILOTIMUA̒TA 31:17

Todulahee boito yito tuwaulio poe̒ela u tatapu towolota bangusa lo Isirai̒lu wola-U̒, sababu Wau̒, Eeya, malohutu hulungo wau dunia todelomo wolomohui mola, wau todulahee u opitulio Wau̒ malo belenti lokalaja wau lohuheli.”

YESAYA 56:2

Balakatiya-U̒ taa u moe̒elao̒ dulahu Saabati wau diila moponajisi dulahee boito. Taa udiila mohutu u moleeto mapohutuo-U̒ mai wolo mopiohu.”

YEREMIA 17:22

Diila mao̒ pokalaja meaambo modelo penu boli balangi wolo lumualao̒ monto belemu to dulahu Saabati. Potolomodua mao̒ dulahee boito ode Olau̒ debo odelo u mapiloa̒hu-U̒ ode loluuhurumu.

YEHESKIEL 20:12

Ilahulaa-U̒ timongolio mohulumati dulahu Saabati odelo tuoto lo daantia-U̒ woli mongolio, u mopoe̒ela olimongolio deu̒ Wau̒ulo Eeya, malo potolomodu olimongolio ode Olau̒.

YEHESKIEL 20:20

Hulumatiyalo dulahu Saabati alihu mowali tuotolo daantia to wolota-U̒ woli mongoli, u mopoe̒elao̒ olimongoli deu̒ Wau̒ulo Allahu Taa̒ala limongoli.’

YEHESKIEL 37:28

Wonu Bele-U̒ mailoluo to huungi mongolio u ohiheo-hiheolo mao̒, yi otaawalo mao̒ lo babaa-ngusawalo wewo deu̒ Wau̒, Eeya, malo lulaotai Isirai̒lu lowali umati-U̒ lohihilao.”

YEHESKIEL 44:24

Wonu tumoodu hulinggila tomimbihu palakala lobutoo̒, timongolio musi mopoo̒ lapatao̒ motuuu̒de wolo bubuu-too̒o-U̒. Timongolio musi moporame potihunggu lo agama, modudua̒a wuu̒du wau butoo̒o-U̒, wau mohulumati Saabati odelo dulahu u poheetu ode Olau̒.

IMAAMATI 19:3

Timii̒du tau musi mohulumati oliyamo wau oliilolio wau mopolame mao̒ dulahu Saabati debo odelo upilo malentaa-U̒ mai. Wau̒ Eeya Allahu Taa̒ala limongoli.

IMAAMATI 19:30

Polamea mao̒ dulahu Saabati wau hurumatia mao̒ tambati upiloheetu u polubowalo ola-U̒. Wau̒lo Eeya.

IMAAMATI 20:8

Dungohi mao̒ butoo̒o-U̒, sababu Wau̒ Eeya talo poheetu olimongoli ode ola-U̒.”

IMAAMATI 21:8

Bangusa lo Isirai̒lu musi mongaku mao̒ toli iimamu odelo taa u pohetuwola ode Olau̒ sababu tio mopodewo bake lou̒ aalo ode Olau̒. Wau̒lo Eeya; Wau̒ botie mantali wau Wau̒ mopo mantali umati-U̒.

IMAAMATI 23:3

Woluo wolomohui mola u mokalaja, bo todulahee u opitulio, dulahu Saabati, deu̒yito-yito dulahu pohuheliyalo u poheetuwolo ode Eeya. Todulahee boito timongoli musi mohutu mao̒ dudunggaya u poi̒baadatiyalo wau diila mowali mokalaja.

IMAAMATI 25:2

mopo tunggulao̒ wuwuu-uduwaalo botie ode bangusa lo Isirai̒lu. Wonu bolo timongoli tumuwota mola ode lipu u mawohi lo Eeya olimongoli, timongoli musi mohulumati to Eeya wolo dudelo botie: Timii̒du taunu opitulio timongoli diila mowali mokalaja mao̒ huta utolo kela-kelaalo.

IMAAMATI 26:2

Polameya mao̒ dulahu saabati wau duduu-laheyalo buka lo agama wewolio wau hulumatia mao̒ tambati upiloheetu u polubowalo ola-U̒. Wau̒lo Eeya.

AMOS 8:5

Timongoli hipoloiyawa to batangamu lohihilao, “Donggo boli hiheolio duduu-laheyaalo rameyangi. Ito motohilaa hua̒a mopotali paleento poli, bo rameyangi boito diila hemo pulito. Omolua dulahu Saabati mopulito, alihu ito mowali molumula mopotaalia poli? Ito ohilaa daa̒ mopo daahangi u hitua-tuawua wolo dudelo udiila patutilio wau mohama pae̒eda daata-daatalo mao̒, mohimbulo wolo titimenga, wau mohutu diila motulidu hale wolo titimenga.

MATIUSI 23:17

Timongoli tau-tauwalo mohulodu wau pitoo̒! Toonu ulebe polohuna daa̒; hulawalio, meaanto Bele lo Eeya u mopowali mao̒ hulawa boito mantali?

YAHYA 17:17

Powaliyalo mai timongolio tolomodu miliki li Paapa moli obobanali; tahuda li Paapa boitolo obobanali.

YAHYA 17:19

U polohuna daa̒ olimongolio, Watia mohudu mola batanga odelo tolomudu miliki li Paapa, alihu timongolio olo mowali tolomodu miliki li Paapa moli obobanali.

TINGULI 5:12

Polamea mola dulahu Saabati wau hulumatia mao̒ odelo dulahu umantali, sababu Wau̒lo Eeya Allahu Taa̒ala limongoli tamo malentai olimongoli.

1 TESALONIKA 5:23

Pohileaala dua̒ Allahu Taa̒ala lohihilao talongohi olanto salaamati, mopowali mai olimongoli taa u tio̒otutua tumumulo tolomodu ode Allahu Taa̒ala. Pohileaala dua̒ Allahu Taa̒ala modaha mai batanga limongoli ngoilanggubulo mao̒, mopio rohu, nyawa meaalo wawai̒ mongoli, tilinggula diila o aibulio tou̒ Eeyanto Isa Almasi muli meidungga mai.

YUDAS 1:1

Mongo wutato tamaa tiliango wau tapilonua daa̒ lo Allahu Taa̒ala ti Paapa, wau dilaaha duo̒li Isa Almasi. Odelo wato li Isa Almasi watia – Yudas – wutatee Yakobus,