PILOTIMUA̒TA 30:34 - KITABI HABARI MOPIOHE

³⁴ Eeya lotahuda odelei Musa, “Hamawa mao̒ dengolo dalaala ramba-ramba u tutuuwauwa daatalio, deu̒yito-yito tangilo damahu, alipo lokan, tangilo rasamala wau dupa u pulua.

PILOTIMUA̒TA 30:34 ပူးပေါင်းရင်းမြစ်များ

NEHEMIA 13:5

Tei Elyasib longohi mao̒ odelei Tobia huwali udaa̒ tuwau u otutuulio mao̒ pilohetu tolomodu u polahuwalo dewo lopale, alama, pakaa-kasiyaalo u pomake to Bele lo Eeya, dewo ode mongo iimamu, dewo lopale ngotayade mopulu, angguru, wau winulo jaitun, u matayadulo ode tau-tauwalo Lewi, tahi pooitohea muusiki wau tamoodahawa hulubangi Bele lo Eeya.

PILOTIMUA̒TA 25:6

winulo ode tohe, ramba-ramba ode winulo upacala wau ode damahu umoonu,

PILOTIMUA̒TA 30:23

“Hamawa mao̒ ramba-ramba u mopiohe daa̒, wolomo kilo damahu moonu maayuhu, tolo kilo ayu moolingo, tolo kilo patodu moonu, wau wolomo kilo ayu teja.

PILOTIMUA̒TA 30:33

Taa u mohutu winulo debo odelo uito, meaalo mopomake mao̒ duo̒lo taa u diila iimamu, madiilalo anggapuolo pongawaa̒ lo umati-U̒.”

PILOTIMUA̒TA 30:35

Pomakea mao̒ ngoa̒amila boito u pohutu dupa lulau umoonu. Duhengi mao̒ watingo alihu dupa boito debo pulua wau mowali pomake ode ola-U̒.

PILOTIMUA̒TA 30:7

Timii̒du dumodupo tou̒ tei Haruna monao̒ mai mopo dapato mao̒ tohe, tio musi molapo dupa moonu toitaato mesba boito.

PILOTIMUA̒TA 31:11

winulo upacala, wau dupa moonu duo̒lo Huwali Leidaa̒ Mantali. Ngoa̒amila boito musi pohutuo mao̒ limongolio pasipasi modudua̒ potuhata uilohi-U̒ mai olemu.”

PILOTIMUA̒TA 35:15

mesba tambati pomobuwalo dupa wolo ayu pohulihelio, winulo upacala, dupa umoonu; podehu uolo huhebu lo Kema,

PILOTIMUA̒TA 37:29

Tei Bejaleel olo lohutu mao̒ winulo upacala wau dupa tutu umoonu ilulau debo odelo wimulo moonu.

LAHU MOLAMAHU 3:6

Wolo uito u leidungga mai lonto huta datahu wau luasi udelita, mohaamawa wolo bongga lopoloo̒? Woonulio debo odelo damahu moonu wau alama, wau babaa-daa̒awalo moonu lonto daahangi.

YESAYA 43:23

Yio̒ diila lodelo ode bake yilalangumu, diila lohurumati ola-U̒ wolo dewomu. Lele-lebe pomao̒ Wau̒ diila lopobanta olemu wolo bake, meaambo loposuusa olemu lou̒ mohile wolo moo̒ohuu̒ alama.

IMAAMATI 16:12

tio musi mohama mao̒ polutube monto mesba wau moluangao̒ polupolu wolo bohu lotulu wau dulo onggomo dupa moa̒aluti, lapatao̒ modelo mota ode Huwali Leidaa̒ Laba-labaalo mantali.

IMAAMATI 2:1

Wonu bolo tahingota-ngotaawa mopodewo mao̒ bake pohinta ode Eeya, bake boito musi debo odelo labu u mopiohe daa̒ u tuangalo winulo jaitun wau wohiyalo alama toitaatio.

IMAAMATI 2:15

Pale boito musi poluwatalo winulo jaitun wau wohiyalo alama toitaatio.

IMAAMATI 24:7

Dutui mao̒ alama tutu to motii̒du suusungi loroti u motuotaao̒ deu̒ roti boito bake lou̒ aalo ode Eeya.

IMAAMATI 5:11

Wonu taa u ototala diila mambo mopo dapato bulungi tarakuku ngopange meaalo bulungi poombo duo̒lo bake pongambungualo dusa, yi tio musi modelo mao̒ labu ngokilo. Labu boito diila mowali ulauwola wolo winulo jaitun meaalo wolo alama, sababu bake boito yito bake pongambungualo dusa wau diila bake pohinta.

MATIUSI 2:11

Timongolio tilumuwoto ode bele boito wau loo̒onto Walao̒ boito woli Maria, tiilo-Lio. Timongolio malo sujudu wau lolubo Walao̒ boito, tulusi lomuo̒ tambati lohalata limongolio wau lopodewo mao̒ o-Lio hulawa, alama wau damahu moonu.