PILOTIMUA̒TA 30:3 - KITABI HABARI MOPIOHE

³ Towimbihu yitaatio, tuwotuwoto opato biihio wau tutuu-ngeelio musi woludela wolo hulawa tutu wau dutuwalo lesi hulawa topalitio.

PILOTIMUA̒TA 30:3 ပူးပေါင်းရင်းမြစ်များ

BOHULO MONGO OLONGIA 6:20

Huwali Leidaa̒ boito hayai̒o, tanggalio, wau langgatio tutuuwauwa, deu̒yito-yito tio lomeeteri. Mesba totalu lo Huwali Leidaa̒ Laba-labaalo mantali boito pilohutu lonto ayu woohu Libanon. To huhebu potuwotalo ode huwali leidaa̒ boito bua̒bua̒adu rante hulawa. Ngoa̒amila wimbihu delomio Bele lo Eeya boito leituwoto Huwali Leidaa̒ Laba-labaalo mantali wau mesbalio heilolude wolo hulawa tutu.

BOHULO MONGO OLONGIA 7:48

Ti Olongia Salomo helei̒hutu olo totoonulalo powimumuto wewolio lonto hulawa ode Bele lo Eeya. Utieelo totoonulalo powimumuto u pilohutulio boito: Mesba Meja ode roti upodewolo ode Allahu Taa̒ala Mopulu oa̒ato tohe upilopo tambati totalu lo Huwali Leidaa̒ Laba-labaalo mantali, deu̒yito-yito limo to ambahu huliaalio wau limo to ambahu tilayo Bubuu-ngawaalo Totoo-heyaalo Tutuu-pitowaalo Mamaa-nggowaalo Pakaakasi pomateaalo tohe Momoo-kuwaalo Pipii-nggeyalo ode dupa Pipii-nggeyalo ode bohu Ee̒eng-seliyaalo ode huhebu lo Huwali Leidaa̒ Laba-labaalo mantali wau huhuu-hebuwaalo bulemengo Bele lo Eeya.

PILOTIMUA̒TA 25:11

Woludi mao̒ wimbihu delomio wau bulemengio wolo hulawa tutu wau pohutua mao̒ biihio monto hulawa.

PILOTIMUA̒TA 25:24

Woludi mao̒ wolo hulawa tutu, wau popohulia mao̒ lesi hulawa tuwau tobiihio pali-palito.

PILOTIMUA̒TA 30:2

Pongawaa̒ lomesba boito musi hitutu-tuuwa; hayao̒ wau tanggalio tinggai wopato pulaa limo losenti, wau langgatio tio lopulu losenti. To opato tutulio pohutui mao̒ tutuu-ngeyaalo umowali tuwau wolo mesba boito.

PILOTIMUA̒TA 30:4

Pohutua mao̒ pateda duluo tohulii lolesi tobiihio duuduluo huna molahangi ayu pohuluhelo mesba boito.

WAHI 8:3

Ngotaalio lo malai̒kati wewo, tadelodelo podupawa hulawa tuwau, lonao̒ mai wau tilimihula totalu lomesba. To olio yilohia dadaata daa̒ alama u pomuyuhuto to duduu-aawaalo lo ngoa̒amila umati lo Allahu Taa̒ala wau u podewolo tomesba hulawa uwoluo totalu tambati huhuloa̒ li olongia.