PILOTIMUA̒TA 30:13 - KITABI HABARI MOPIOHE

¹³ Timii̒du taa u moduduo̒ lekeniyolo todelomo poyiaa̒apalo boito musi momayali ngojumula doi utilantu mao̒ moduduo̒ halaga upohu-pohutu to Kema-U̒ odelo dembulo ola-U̒.

PILOTIMUA̒TA 30:13 ပူးပေါင်းရင်းမြစ်များ

ILOOWALI 23:15

“Huta ngopita u bo ohalaga wopato hetuto doi talaa̒ – wolo boliilio uito ode olanto duulota? Lobungalo dile li Tuani mota teto.”

OLUO MONGO OLONGIA 12:4

Tou̒ dulahee tuwau tei Yoas lotiangai mongo iimamu wau helo poa̒hu olimongolio lolahu mao̒ doi ulotapu lonto dedee-wowaalo to Bele lo Eeya, mopio doi pomaayali u mopowoluo mai bake, meaalo doi uilohi wolo iloheela hilao.

OLUO MONGO OLONGIA 12:5

Timii̒du iimamu musi tihu-tihula todoi upilodewo lotau-tauwalo tahe bayaalio. Doi boito mapomake u mopoo̒piohe totoonulalo u hiruusawa to Bele lo Eeya.

PILOTIMUA̒TA 30:14

Timii̒du taa u rekeniyolo todelomo poyiaa̒apalo boito, deu̒yito-yito timii̒du mongo lolai̒ tamaa ou̒umulu dulopulu lotaunu meaalo lebe mao̒, musi mongohi dembulo pohetu boito.

PILOTIMUA̒TA 38:24

Hulawa u pilopodewo ode Eeya duo̒lo Kema Mantali ngoa̒amilalo ngojumula ngolihu lokilo, tonggadulo moduduo̒ titimenga upohu-pohutu to Kema lo Eeya.

PILOTIMUA̒TA 38:26

Jumula boito tuutuuwauwa lou̒ wolo u pilomayali lo ngoa̒amila taa ulei daputali todelomo daputali jumulaa ulipu boito. Timii̒du tau momaayali mao̒ halaga u tilantulio, tonggadulo moduduo̒ titimenga upohu-pohutu. Todelomo daputali jumulaa ulipu boito leidaputali wolomo hetuto tololihu wau limo lohetuto limo lopulu mongo lolai̒ tao̒ umulu dulopulu lotaunu deitaato.

YEHESKIEL 45:12

Titimengamu musi odie: Ngosikali tutuuwauwa wolo wolomo pulu lo gera Ngomina tutuuwauwa wolo wolomo pulu losikali

IMAAMATI 27:25

Ngoa̒amila halaga musi tantuwola moduduo̒ halaga upohu-pohutu to Kema lo Eeya.

IMAAMATI 27:3

moduduo̒ halaga upohu-pohutu to Kema lo Eeya: – toitaato wolomo pulu lotaunu: talolai̒ mopulaa limo doi talaa̒ taabua mopulu doi talaa̒ – wolota dulopulu demola wolomo pulu lotaunu: talolai̒ limo lopulu doi talaa̒ taabua tolopulu doi talaa̒ – wolota limo tunggula dulopulu lotaunu: talolai̒ dulo pulu doi talaa̒ taabua mopulu doi talaa̒ – towalungo limo lotaunu: talolai̒ limo doi talaa̒ taabua totolu doi talaa̒

IMAAMATI 5:15

Wonu tahingota-ngotaawa lou̒ diila tilunggai helohutu dusa sababu lomalonga tou̒ mohudu mao̒ dedee-wowaalo u pilowajibu ode Eeya, yi tau boito musi modelo mao̒ bake poluloo̒ uiluhi. Bake boito musi himba tuwau meaalo batade ulai̒ udiila otailolio, wau wohiyalo halaga modudua̒a halaga upohu-pohutu to Kema lo Eeya.

YIA̒APO 18:16

Taukekeei̒ musi tolotalo tou̒ timongolio ou̒umulu ngohula. Halaga utilantu mao̒ woleeto yito limo lopita doi talaa̒, moduduo̒ halaga upohu-pohutu to Kema-U̒.

YIA̒APO 3:47

U timii̒du walao̒, musi bayalia mao̒ limongoli limo lopita doi talaa̒ moduduo̒ halaga upohu-pohutu to Kema-U̒;

MATIUSI 17:24

Tou̒ ti Isa wau tahidudua̒ o-Lio leidungga mola ode Kapernaum, tahipo tagia beya Bele lo Eeya lonao̒ mai odelei Petrus wau lohintu mao̒, “Ti Gurumu hemomayali beya Bele lo Eeya meaanto diila?”

MATIUSI 21:12

Lapatao̒ ti Isa tilimuwoto ode Bele lo Eeya, wau helo pohinggi ngoa̒amila tahipo tataalia mota teto. He bilantulele-Ngio memee-jawaalo lo tahipo tutuuloa̒ lodoi, wau babaa-nggawalo lotahi podahangia poombo.

MATIUSI 27:24

Pulitio mao̒ tei Pilaatu malongalati deu̒ tio diilalo mowali mohutu wolo-wolo wau deu̒ tau-tauwalo boito tanu mamo malakala. Oditolio tio malohama mai taluhu, tulusi totalu lotaa dadaata boito yilulowalio uluu̒lio wau loloi̒ya, “Wau̒ diila momanta tau botie mate! Uito uluusani limongoli!”