PILOTIMUA̒TA 3:8 - KITABI HABARI MOPIOHE

⁸ Sababu uito Wau̒ lolaahei mai molopata olimongolio lonto uluu̒ taulo Masiri wau mamodelo olimongolio lumualao̒ monto lipu boito motidulungo ode lipu tuwau u luasi. Hutalio kaya wau molomiodu, wau botia hiluloa̒a lobangusa lo Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 3:8 ပူးပေါင်းရင်းမြစ်များ

ILOOWALI 11:5

Yi malolaahei Eeya lomilohe kota wau monala u pilopo tihulo manusia.

ILOOWALI 11:7

Opioheelio ito molaahe mola wau mopo puyoo̒to bahasa limongolio alihu timongolio diilalo mongalati ngota timongota.”

ILOOWALI 15:13

Eeya lotahuda mai ode olio, “Eelailo mao̒, waliimu mai mamowali tau deli tolipu wewo; timongolio mamowali wato mola teto wau madeehelio ngotilonggadu wopato hetuto lotaunu mola hiheolio.

ILOOWALI 15:14

Bo bangusa tamopowato waliimu boito mahukuu-maniyo-U̒ wau towakutu waliimu mololaa mao̒ lipu boito, timongolio mamodelo halata upango dadaata.

ILOOWALI 18:21

Sababu uito Wau̒ mamolaahei odito mola u momalakisao̒ wolo ngoa̒amila potuludu u ilodungohe-U̒ boito otutu meaalo diila.”

ILOOWALI 43:11

Lapatao̒ ti paapa limongolio loloi̒ya mao̒, “Wonu memangi musi odito, delowalo mola tilapulo ulaba-labaalo mopiohe monto lipu botie todelomo kadomu odelo palaseni odeli gubolonulu boito: hungo lo angguru mohengu udiila obotulio, hula lotiia̒, ramba-ramba, hungo lobintalo, wau hungo lobadam.

ILOOWALI 46:4

Wau̒ mapee̒-pee̒enta wolemu ode Masiri, wau muli mopowalingai waliimu ode lipu botie. Tei Yusu demaa maito totilimu wonu meidungga wakutuulio yio̒ maamate.”

ILOOWALI 50:24

Ualio mao̒ ode mongo wutatio, “Opopate lowatia malembidei, bo Allahu Taa̒ala tantu mamolaalao̒ olimongoli wau modelo olimongoli lumualao̒ monto lipu botie, ode lipu u mapilo danti-Lio mai wolo tadia odelei Abraham, Isihaka wolei Yako.”

BOHULO TAWARI 1:15

Hewi, Arki, Sini,

NEHEMIA 9:8

Ilodungga lo Eeya tio tatapu wau molotolo lo hilao to Eeya wau modungohu. Lapatao̒ pilohutu mai lo Eeya wolio daantia u mototoheto. Huta lo Kanaa̒n, Het wau Amori, huta lo Perisi, Yebus wau Girgasi, ngoa̒amila boito mawohi mai lo Eeya olio; odelo tambati potibiluloa̒ lo ngoilanggubu waliilio mai. Lapatao̒ piloo̒polu mai lo Eeya, danti boito to olio, sababu Eeya aadili wau tatapu wau molotolo hilao.

JABURU 12:5

tahemo loi̒ya, “Ami okawasa wolo dila lami! Penu boli wolo wambai̒o mowali loi̒ya lami, wau diaaluo tamowali molanggu olami!”

JABURU 12:6

Tahuda lo Eeya, “Taa mosikini dileehe wau taa modutolo mopoilaalo suusa. Yi botiaalo olo Wau̒ monao̒ mai mongohi otantaramu u hewooloolo limongolio.”

JABURU 34:8

Malai̒kati lo Eeya hemodaha taa usaale, wau helopo lopato olimongolio lonto baala.

JABURU 91:15

Wonu tio mongiibodu ola-U̒, Wau̒ mamolametai olio. Tou̒ oweepita, Wau̒ mamotulungi olio; tio malopato-U̒ wau wohiya-U̒ ohurumati.

PILOTIMUA̒TA 12:41

Todulahee pulitio totaunu opaato hetotu tolo pulu boito, ngoa̒amila baliisani umati lo Eeya helo lolaa mao̒ huta lo Masiri.

PILOTIMUA̒TA 12:51

Todulahee boito Eeya lodelo ngoilanggubu umati lo Isirai̒lu yilumualao̒ lonto Masiri.

PILOTIMUA̒TA 13:5

Wolo tadia Eeya helodanti mai odeli nenemoyamu u mohudu mao̒ olemu lipu lo bangusa Kanaa̒n, Het, Amori, Hewi wau Yebus. Lapatao̒ Eeya modelo olimongoli ode lipu ukaya wau molomiodu boito, timii̒du taunu todelomo hulalo Abib, timongoli musi mohutu mao̒ upacala botie.

PILOTIMUA̒TA 3:17

Wau Wau̒ malolantu mai u modelo olimongolio lumualo lonto Masiri, tambati u hepilo deehelio olimongolio, wau modepito olimongolio ode lipu tuwau u kaya wau molomiodu, lipu lobangusa Kanaa̒n, bangusa Het, Amori, Perisi, Hewi wau Yebus.

PILOTIMUA̒TA 34:11

Dungohilo bubuu-too̒o-U̒ olimongoli todulahee botie. Wau̒ mopolahi mao̒ bangusa lo Amori, Kanaa̒n, Het, Peris, Hewi wau Yebus tou̒ timongoli momaju mota.

PILOTIMUA̒TA 5:23

Tumulalo mai watotia helotaalua woli olongia wau lobisala to tanggulo Eeya, yi tio malo lumulo helo ngalinaya bangusa botie. Wau Eeya diila helohutu wolo-wolo u motulungi mao̒ olimongolio.”

YESAYA 36:17

dilumutu timongoli limbatou̒ mola ode tambati tuwau u mohaamawa wolo lipu limongoli lohihilao. Mola teto woluo ilengi lo angguru u mongohi tilapulo olimongoli, wau halabolu lopale u mongohi tilapulo labu ode ua̒aloomu.

YESAYA 64:1

Kaidingaalo hulungo wau potuhutolo mai, yaa Eeya, pohutuwalo mai huhuu-ideyaalo molotau̒lo totalu lo Eeya,

YEREMIA 11:5

Wonu timongolio moponao̒ ngoa̒amilalo boito, Wau̒ mamoe̒elao̒ danti-U̒ to loluuhuru limongolio deu̒ lipu u molomiodu wau maa̒amulu, u masaatia piloti biluloa̒ limongolio boito, mawohi-U̒ olimonglio.” Watia lolametao̒, “Mopio, yaa Eeya.”

YEREMIA 2:7

Ode lipu u molomiodu dilepitu-U̒ timongolio u molamitao̒ titii-lapuwaalo wau totoonulalo u mopiohu mola teto. Bo mota teto huta-U̒ pilopo najisi limongolio wau milikii-U̒ pilowali limongolio tuwaulio u moo̒lonuo̒.

YEREMIA 32:22

Lipu u mopiohu wau molomiodu botie yilohi lo Eeya ode limongolio debo odelo umapilo danti lo Eeya ode loluuhuru limongolio.

YEHESKIEL 20:6

Tou̒ boito Wau̒ lotadia mamodelo olimongolio u lumuala monto Masiri motidulunga ode lipu u tilulaotu-U̒ ode limongolio. Lipu boito kaya wau molomiodu, huta u mopiohe daa̒ to ngoilnggubu dunia.

IMAAMATI 20:24

Huta ukaya wau molomiodu boito mapilo danti-U̒ mai olimongoli, oditolio wohi-U̒ mai olimongoli mowali haku limongoli. Wau̒lo Eeya Allahu Taa̒ala limongoli talo pohalahe olimongoli lonto babaa-ngusawalo wewo.

AMOS 2:10

Timongoli madilelo-U̒ yilumualai lonto Masiri, wau dilelo-U̒ lolibaya huta ohungayo u luasi wau delita wopato pulu lotaunu mola hiheolio. Huta taulo Amori mailohi-U̒ mai olemu lowali lipumu lohihilao.

YIA̒APO 13:18

Tuletea mao̒ woloolo mola lipu boito, wolo ulipulio dadaata meaalo ngoi̒di, wolo timongolio molotolo meaalo molulupuhu.

YIA̒APO 13:19

Palakisai mao̒ wolo lipu boito mopiohe meaalo diila, wau wolo ulipulio hibiluloa̒wa to kakaa-mbunguwalo u huo̒-huo̒ meaalo todelomo kokoo-tawaalo u obintengi.

YIA̒APO 13:27

Uali mongolio odelei Musa, “Amiaatia malo tulete mao̒ lipu boito wau iloontonga lamiaatia deu̒ hutalio kaya wau molomiodu, wau botie ngoi̒di huhuu-ngowaalo mola lonteeto mai.

YAHYA 3:13

Diaaluo penu boli ngotaa tapee̒enta mao̒ lobotula mola ode sologa, ngopohia Tio tamalo laahei ode dunia, deu̒ito-yito Walao̒ Manusia.

YAHYA 6:38

Sababu Wau̒ lotuhutai lonto sologa, diila mai mohutu u otohilaa-U̒ lohihilao, bo u otohilaa-Lio lo talolao mai ola-U̒.

TINGULI 1:25

Lapatao̒ timongolio luli lohualingai ode olanto lodelo huhuu-ngowaalo ulotapu mai limongolio mola teto wau lopodulohe deu̒ lipu u mawohi mai lo Eeya Allahu Taa̒alanto boito molomiode daa̒.

TINGULI 1:7

Botia longgalalo kemamu wau ponao̒lo mola ode madala hihui̒-hui̒dea taulo Amori wau ode ngoilanggubu madala topalitio, madala ohuludu wau datahu tudutudu, madala to ambahu huliaalio wau pentadu lo Lau Tenga. Ponao̒lo mola wau huloi̒ mao̒ huta lo Kanaa̒n wau Hihui̒-hui̒dea lo Libanon demola dutulaa daa̒ lo Eperat.

TINGULI 27:3

Tuladeelo to boboo-tuwaalo boito timii̒du loi̒ya monto bubuu-too̒waalo botie. Wonu bolo timongoli matilumuwoto ode lipu ukaya wau molomiodu udilanti mai lo Eeya, Allahu Taa̒ala linene moya limongoli ode limongoli,

TINGULI 28:11

Timongoli mawohiya-Lio walao̒ dadaata. Bibiahi mongoli mamowali dadaata wau tilapulo huta limongoli laba-labaalo daatalio tolipu u dilanti lo Eeya odeli nenemoya limongoli u wohi ode limongoli.

TINGULI 6:3

Sababu uito dungohilo mongo wutato, pohutua mao̒ uito wolo tatapu wau molotolo hilao, alihu timongoli moa̒ahu wau mowali bangusa uleidaa̒ tolipu ukaya wau molomiodu, debo odelo dilanti mai lo Eeya Allahu Taa̒ala loluuhurunto.

TINGULI 7:1

“Eeya Allahu Taa̒ala limongoli mamodelo olimongoli ode lipu u mapoti biluloa̒ limongoli, wau dadaata bangusa mapolahio-Lio monteeto. Totalu lomatomu Tio mamopolahi mao̒ pitu bangusa talebe udaa̒ wau molotolo woli mongoli, deu̒yito-yito tau-tauwalo Het, Girgasi, Amori, Kanaa̒n, Peris, Hewi wau Yebus.

YOSUA 9:1

Habari pasali lo ohohaama taulo Isirai̒lu malo loo̒opo demola ngoa̒amila olongia to ambahu otolopa lo Dutulaa Yordan – to hihui̒-hui̒dea tobungo lo hihui̒-hui̒dea, wau todatahu ngohilayaa̒ pentadu lo Lau Tenga demola ngoilamingo lo Hui̒dee Libanon to ambahu tilayo; deu̒yito-yito mongo olongia lo Het, Amori, Kanaa̒n, Peris, Hewi wau Yebus.

YOSUA 9:7

Bo tau-tauwalo Isirai̒lu loloi̒ya mao̒, “Pongola amiaatia mohutu daantia woli mongoli? Tanu tambati pilo tibiluloa̒ limongoli hiwimbide wambai̒o monteea!”