PILOTIMUA̒TA 3:7 - KITABI HABARI MOPIOHE

⁷ Lapatao̒ Eeya lotahuda mai, “Wau̒ maloo̒onto polo dutolo lo umati-U̒ to Masiri, wau malo dunggohe olimongolio hiwaatia̒ mei̒ lopata monto tau-tauwalo tahi podeehea olimongolio. Tutuulio mao̒ tutu, otaawa-U̒ ngoa̒amila polo dutolo limongolio.

PILOTIMUA̒TA 3:7 ပူးပေါင်းရင်းမြစ်များ

ILOOWALI 16:11

Diilalo mohiheo yio̒ mamo potutu mai walao̒ talolai̒; tangguli mao̒ tio Ismai̒lu, sababu Eeya malo dungohe wuwaatiu̒mu.

ILOOWALI 18:21

Sababu uito Wau̒ mamolaahei odito mola u momalakisao̒ wolo ngoa̒amila potuludu u ilodungohe-U̒ boito otutu meaalo diila.”

ILOOWALI 21:17

Allahu Taa̒ala loo̒ dungohe suala lei Ismai̒lu, wau lonto hulungo malai̒kati lo Allahu Taa̒ala lotahuda mai odeli Hagar, tahudaa-Lio, “Wolo u hemoo̒suusa olemu, Hagar? Diila mao̒ oohe. Allahu Taa̒ala maloo̒ dungohe suala lo walau̒mu.

ILOOWALI 29:32

Ti Lea maa ilombodaa̒ tulusi lopotutu mai walao̒ talolai̒ ngota. Ualio mao̒, “Eeya maloo̒onto mai osuusa lowatia, wau botia dile lowatia mamo tolia̒ngo olaatia.” Lapatao̒ iluntelio mao̒ walai̒o boito Ruben.

ILOOWALI 31:12

Malai̒kati luli lotahuda, ‘Bilohi, ngoa̒amila batade lai̒ u donggo hemo hiilaya boito lorengi, wau hibonto-bontoa̒a wau tambala. Wau̒ sangaja helo ngatulu mai uito ode olemu karana maa iloontonga-U̒ ngoa̒amila u mapilohutu lei Laban to olemu.

ILOOWALI 31:42

Humayaalio watia diila diluo̒lai lo Allahu Taa̒ala loluuhuru lowatia, deu̒yito-yito Allahu Taa̒ala tahe pujaa lei Abraham wolei Isihaka, yi ti Oomu tantuulo mao̒ malopoa̒hu olaatia lonao̒ wolo uluu̒ laulau. Bo Allahu Taa̒ala malo poo̒tuotai osuusa lowatia wau kalaja u mapilohutu lowatia, wau ohui Tio malongohi mai putusani-Lio.”

OLUO LO SAMUEL 22:28

Taa u dupa-dupaapa lohilao piloa̒ahu lo Eeya; bo taa u sombongi pilopo taa̒aluku lo Eeya.

OLUO MONGO OLONGIA 13:4

Lapatao̒ tei Yoahas lodua̒ mola ode Eeya, wau Eeya lodungohei dua̒lio boito, sababu Eeya loo̒onto mai mailaba parangilio olongia lo Siria hemodeehe taulo Isirai̒lu.

OLUO MONGO OLONGIA 20:5

odelei Hiskia, olongia umati lo Eeya, wau lopo tunggulao̒ tahuli botie, “Wau̒, Eeya, Allahu Taa̒ala tahe tuboo lei Dauda loluuhurumu, malo dungohe dua̒amu wau loo̒onto ponumu. Wau̒ mamo poo̒luli mai olemu; ngoonu mola yio̒ mamonao̒ mota ode Bele-U̒.

NEHEMIA 9:9

Bililohe mai lo Eeya sikisa loluuhuru lo mongowatotia tou̒ yilalu mola; Dilungohe lo Eeya hiyongio to Masiri wau to Lau Teberau.

JABURU 106:44

Bo Eeya lodungohe wuwaatii̒ mongolio, Eeya lopoo̒ tuotai osuusa limongolio.

JABURU 12:6

Tahuda lo Eeya, “Taa mosikini dileehe wau taa modutolo mopoilaalo suusa. Yi botiaalo olo Wau̒ monao̒ mai mongohi otantaramu u hewooloolo limongolio.”

JABURU 142:3

Totalu lo Eeya watotia mopotoodu pongolaasa suusa wau mopodulohu; piloo̒taa lowatotia totoonulalo osuusa lowatotia to Eeya.

JABURU 145:19

Eeya moposanangi hilaa lotaa u hisaalea; Eeya modungohe iibodi mongolio wau mopoa̒ahu olimongolio.

JABURU 22:24

Pujialo mola Eeya, wuu tau-tauwalo tahi saalea! Pou̒daa̒alo mola Eeya, wuu ngoa̒amila wali mai lei Yako! Posujudulo to Eeya, ngoa̒amila wali mai lo Isirai̒lu!

JABURU 34:4

Pou̒daa̒alo mola Eeya pee̒-pee̒enta wolau̒, dulo pee̒-pee̒enta mopolamahu tanggu-Lio.

JABURU 34:6

Taa hideehea helo tiwunela mola to Eeya wau lotiwengahu, timongolio diila o alaasani u mowali moolito.

JABURU 35:22

Bo Eeya, yaa Eeya, maloo̒onto mai sua̒li boito; diila mao̒ potipoo̒oyo lo batanga, yaa Eeya, diila mao̒ polamingo monto watotia.

JABURU 9:14

Bilohilo, musu helo posikisa olo watotia; ponuwalo mai watotia, yaa Eeya, lopatalo mai watotia monto mautu,

PILOTIMUA̒TA 1:11

Yi tau-tauwalo Masiri malo mintaa̒ tamoo-ngimatoa duo̒lo bangusa lo Isirai̒lu u mopoo̒ totolo tutumuli mongolio wolo kalaja pakusa. Timongolio pilakusaalio helomongu odeli olongia lo Masiri kokoo-tawaalo Pitom wau Raamses u lowali wibuo̒ polahuwalo balangi.

PILOTIMUA̒TA 1:8

Lapatao̒ ngotaalio li olongia bohu tadiila motota olei Yusu lolumula helo malenta to Masiri.

PILOTIMUA̒TA 22:23

Wonu timongoli mopoo̒ leetoo̒ olimongolio, Wau̒, Eeya mamo dungohe olimongolio wonu timongolio mongiibodu mei̒ tulungi to ola-U̒.

PILOTIMUA̒TA 33:13

Wonu odito, ambunguolo Eeya mopoo̒taa mai wolo lanjana lo Eeya, Eeya, alihu watia mowali momaya to Eeya wau debo moo̒sanangi hilaa lo Eeya. Eelailo mao̒ olo deu̒ bangusa botie matilulaoto lo Eeya lowali haku lo Eeya.”

PILOTIMUA̒TA 5:10

Mongo tamoo-ngimatoa bangusa lo Masiri wau mongo manduru lo Isirai̒lu boito yimualao̒ tulusi loloi̒ya mao̒ ode tau-tauwalo Isirai̒lu, “Ti olongia lomalentai alihu timongoli diilalo pei̒wohilio laato.

PILOTIMUA̒TA 5:6

To dulahulo boito tamoo-ngimatoa bangusa lo Masiri wau mongo manduru bangusa lo Isirai̒lu loo̒tapu mao̒ palenta lonto li olongia,

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

YIA̒APO 20:16

wau amiaatia longiibode mola to Eeya lei̒tulungi mai. Eeya malo dungohe wuwaatii̒ lamiaatia wau lolao mai ngotaalio lo malai̒kati. Malai̒kati boito malodelo olamiaatia yilumualao̒ lonto Masiri. Botia amiaatia woluo to Kades, kota tuwau to sipatana lomadala li Tuaniu̒.

WUNGGULI LOMONGO RASULU 7:34

Wau̒ maloo̒onto wau lopoo̒ tuotai paa̒tio u hedilutola lo umati-U̒ to Masiri. Wau̒ malo dungohe poloi̒laalo suusa limongolio wau Wau̒ lotuhutai u molopata olimongolio. Botia, dulo! Wau̒ mamolao olemu muli mohualinga mola ode Masiri.’

IBRANI 4:15

Ti Iimamu Daa̒anto boito diila iimamu tadiila moo̒ dudua̒ molaasa mao̒ totoonulalo oluluu-puhunto. Bolii̒o mao̒, Tio maili montala todelomo totoonulalo sua̒li, tutuuwauwa debo odelo ito lohihilao; bo Tio diila helohutu dusa!

BOHULO SEMUEL 9:16

“Loombu dimodupo tanu tou̒ wakutu odie, Wau̒ mamopoa̒hu mai ngotaalio monto suku Benyamin mai modunggaya wolemu. Pudua̒alo mao̒ tio wolo upacala wilinulaa u mowali olongia to umati-U̒ Isirai̒lu. Tio mamopoa̒ahu umati-U̒ monto taulo Pilistin. Wau̒ maloo̒onto mai polodutolo umati-U̒ wau lodungohe hihiiyongi mongolio mei̒ tuulungi.”