PILOTIMUA̒TA 3:6 - KITABI HABARI MOPIOHE

⁶ Wau̒ botie Allahu Taa̒ala linenemoyamu, Allahu Taa̒ala lei Abraham, Isihaka wolei Yako.” Yi tei Musa malo lau̒beo̒ bayalio, sababu tio moohe momilohe Allahu Taa̒ala.

PILOTIMUA̒TA 3:6 ပူးပေါင်းရင်းမြစ်များ

ILOOWALI 12:1

Eeya lotahuda mai odelei Abram, “Tolailo mao̒ lipumu, kaumu ngaalaa̒mu wau bele li paapamu, lapatao̒ ponao̒lo mola ode lipu umaa pobilohu-U̒ mai olemu.

ILOOWALI 12:7

Eeya lopo bilohei batanga odelei Abram wau lotahuda mao̒ olio, “Uti-utieelo lipu u mawohi-U̒ mai ode waliimu mola.” Lapatao̒ tei Abram lopotihula mesba mota teto duo̒lo Eeya tamalo pobilohei batanga to olio.

ILOOWALI 17:3

Lapatao̒ malo sujudulo mola tei Abram tulusi Allahu Taa̒ala lotahuda,

ILOOWALI 24:12

Lapatao̒ wato boito malodua̒, “Eeya, Allahu Taa̒la lei Abraham lituani lo watotia, ambunguolo ponua mai, alihu tuugasi lo watotia otilapulo todulahee botie; ambunguolo poti piohulo mai lohilao odeli tuani lo watotia tei Abraham.

ILOOWALI 26:24

Tou̒ hui boito Eeya lopobilohei batanga to olio wau lotahuda, “Wau̒-wau̒lo Allahu Taa̒ala li paapamu Abraham. Diila mao̒ oohe; Wau̒ moduo̒lai olemu. Wau̒ mamo balakati mai olemu wau mongohi mai to olemu wali u dadaata sababu danti-U̒ to wato-U̒ Abraham.”

ILOOWALI 28:13

Wau totililio tihu-tihulo Eeya wau helo tahuda mai, “Wau̒-wau̒lo Eeya, Allahu Taa̒ala tahepujaa lei Abraham wau lei Isihaka. Wau̒ mamongohi mai olemu wau ode waliimu mola huta tambati upiloti balatamu botie.

ILOOWALI 28:17

Tio mailoohe tulusi loloi̒ya, “Otutu moo̒tihela daa̒ hapato tambati botie! Tantuulo mao̒ utie bele lo Allahu Taa̒ala, huhebu hulubangi losologa.”

ILOOWALI 31:42

Humayaalio watia diila diluo̒lai lo Allahu Taa̒ala loluuhuru lowatia, deu̒yito-yito Allahu Taa̒ala tahe pujaa lei Abraham wolei Isihaka, yi ti Oomu tantuulo mao̒ malopoa̒hu olaatia lonao̒ wolo uluu̒ laulau. Bo Allahu Taa̒ala malo poo̒tuotai osuusa lowatia wau kalaja u mapilohutu lowatia, wau ohui Tio malongohi mai putusani-Lio.”

ILOOWALI 32:9

Lapatao̒ tei Yako malodua̒, “Yaa Allahu Taa̒ala, tahe pujaa libaapu lowatotia Abraham, wau tiyamo lo watotia Isihaka, ambunguolo dungohi mai watotia! Eeya malo poa̒hu olo watotia luli lohualinga ode lipu lowatotia wau mongo pohutato lo watotia. Wau Eeya lodanti mai mamo ngatulu totoonulalo u hitua-tuwaua duo̒lo watotia.

BOHULO MONGO OLONGIA 18:36

Tou̒ leidungga wakutu mopodewo bake lolaango, ti Nabi Elia lohimbedeo̒ mesba boito tulusi lodua̒ mola, “Yaa Eeya, Allahu Taa̒ala tahe tuboo lei Abraham, Isihaka wolei Yako, poi̒laalo lomai masaatia botie deu̒ Eeyaalo Allahu Taa̒ala lo Isirai̒lu, watia wato lo Eeya. Poi̒laalo lomai olo deu̒ totoonulalo upilohutu lo watotia botie yito topalenta mai lo Eeya.

BOHULO MONGO OLONGIA 19:13

Tou̒ tei Elia loo̒dungohe suala boito, tio lolau̒be bayalio wolo jumbalio, lapatao̒ yilumualao̒ wau tilimihula to ngango logowa boito. Yi ilodungohe mai suala u lotahuda, “Elia, hemongola yio̒ tewe?”

NEHEMIA 9:9

Bililohe mai lo Eeya sikisa loluuhuru lo mongowatotia tou̒ yilalu mola; Dilungohe lo Eeya hiyongio to Masiri wau to Lau Teberau.

ESTERI 3:4

wau timii̒du dulahu timongolio helo huntula olio alihu moduduo̒ wambao̒, bo tio diila lohuto lodungohu. Ualio mao̒, “Wau̒ taulo Yahudi; wau̒ diila mowali mosujudu to manusia.” Lapatao̒ timongolio helo poduloheo̒ sua̒li boito odelei Haman sababu timongolio ohilaa motota mao̒ deu̒ huhutu wolo u mahamaalio to olei Mordekhai.

JABURU 132:2

Diila mao̒ lipata tutuboolio to Eeya yaa Eeya, u dantilio to Eeya Taa Laba-labaalo molotolo, Allahu Taa̒ala lei Yako.

PILOTIMUA̒TA 15:2

Eeya tamoodulua olau̒ tamolotolo; Tiolo talo poa̒ahu olau̒. Tio Allahu Taa̒alau̒, wau̒ ohilaa momuji mola o-Lio, Allahu Taa̒ala tahe pujaa linene moyaau̒, pou̒daa̒au̒ Tio.

PILOTIMUA̒TA 29:45

Wau̒ mamo tibiluloa̒ tohuungo bangusa lo Isirai̒lu, wau mowali Allahu Taa̒ala limongolio.

PILOTIMUA̒TA 3:16

Ponao̒lo mola wau ambuwalo mao̒ ngoa̒amila tau̒wa lo Isirai̒lu. Pomalalumua mao̒ ode limongolio deu̒ Wau̒, Eeya, Allahu Taa̒ala linenemoya limongolio, Allahu Taa̒ala lei Abraham, Isihaka wolei Yako, malo pobilohei batanga olemu. Poo̒taa mao̒ olimongolio deu̒ Wau̒ malei dungga mai ode limongolio wau maloo̒onto woloolo mola timongolio hepilohutu lobangusa Masiri.

PILOTIMUA̒TA 33:20

Baya-U̒ diila tapo bilohu-U̒ olemu, sababu diila pongalo aakali tau moo̒onto ola-U̒, wau debo tumu-tumulo.

PILOTIMUA̒TA 4:5

Tahuda mao̒ lo Eeya, “Pohutua mao̒ odito alihu tau-tauwalo Isirai̒lu palacaya deu̒ Wau̒, Eeya, Allahu Taa̒ala nenemoya limongolio. Allahu Taa̒ala lei Abraham, Isihaka wolei Yako, malo pobilohei lobatanga to olemu.”

YEREMIA 24:7

Wau̒ mamongohi ode limongolio hilaa u mongalati deu̒ wau̒ulo Eeya. Yi timongolio mamowali umati-U̒, wau Wau̒ mowali Allahu Taa̒ala limongolio, sababu timongolio mamuli mohualingai ode Olau̒ wolo lealeaatu lohilao.

YEREMIA 31:33

Uti-utieelo daantia bohu u mapohutuwo-U̒ wolo umati lo Isirai̒lu: ngoa̒amila butoo̒o-U̒ madutuwo-U̒ todelomo hilaa limongolio, wau tuladu-U̒ mao̒ todelomo hilaa limongolio. Wau̒ mamowali Allahu Taa̒ala limongolio, wau timongolio mamowali umati-U̒.

YEREMIA 32:38

Timongolio mamowali umati-U̒, wau Wau̒ mamowali Allahu Taa̒ala limongolio.

YEHESKIEL 11:20

Yi timongolio mamodungohe ngoa̒amila wuu̒udu-U̒. Timongolio mamowali umati-U̒ wau Wau̒ mowali Allahu Taa̒ala limongolio.

JAKARIA 8:8

wau mamuli modelo olimongolio monto tiimuru wau monto otolopa, tilinggula timongolio muli motibiluloa̒ to Yerusalemu. Timongolio mamowali umati-U̒ wau Wau̒ Allahu Taa̒ala limongolio. Wau̒ mamo malenta olimongolio wolo tatapu wau molotolo hilao wau aadili.”

MATIUSI 17:6

Tou̒ tahidudua̒ li Isa loo̒dungohe suala boito, timongolio mailoohe daa̒ tilinggula leidambao̒lo mola tohuta.

MATIUSI 22:32

‘Wau̒lo Allahu Taa̒ala lei Abraham, Allahu Taa̒ala lei Isihaka wau Allahu Taa̒ala lei Yako.’ Allahu Taa̒ala boito diila Allahu Taa̒ala lotaa mate. Tio Allahu Taa̒ala lotaa tumutumulo!”

MARKUSI 12:26

Wau pasali lotaamate muli bongulo-Lio mai, diipo pee̒enta timongoli lopobaca todelomo Kitabi lei Musa pasali lodiu̒to ulei̒-lei̒ita boito? Todelomo aa̒a-yatiyaalo boito leituladei deu̒ Allahu Taa̒ala lotahuda odelei Musa, ‘Wau̒ Allahu Taa̒ala lei Abraham, Allahu Taa̒ala lei Isihaka wau Allahu Taa̒ala lei Yako.’

LUKASI 20:37

Tei Musa lohihilao malo poi̒laalo lou̒ mopatato deu̒ taamate mamuli bongulolio mai. Todelomo tuladio tomimbihu diu̒to u lei̒lei̒ta boito tio longunte Eeya odelo ‘Allahu Taa̒ala lei Abraham, Allahu Taa̒ala lei Isihaka wau Allahu Taa̒ala lei Yako’.

LUKASI 5:8

Tou̒ tei Simon loo̒onto mao̒ uito, tio malo sujudu mola totalu li Isa, tulusi loloi̒ya mao̒, “Tolailo mao̒ watotia, yaa Eeyau̒! Sababu watotia taa odusa!”

WUNGGULI LOMONGO RASULU 7:32

‘Wau̒lo Allahu Taa̒ala tinene moyaamu; Wau̒ Allahu Taa̒ala lei Abraham, Isihaka, wau Yako.’ Tei Musa hilumuhela yiloohe tilinggula diilalo buheli lomilohe mota ode diu̒to boito.

WUNGGULI LOMONGO RASULU 7:34

Wau̒ maloo̒onto wau lopoo̒ tuotai paa̒tio u hedilutola lo umati-U̒ to Masiri. Wau̒ malo dungohe poloi̒laalo suusa limongolio wau Wau̒ lotuhutai u molopata olimongolio. Botia, dulo! Wau̒ mamolao olemu muli mohualinga mola ode Masiri.’

TINGULI 6:3

Sababu uito dungohilo mongo wutato, pohutua mao̒ uito wolo tatapu wau molotolo hilao, alihu timongoli moa̒ahu wau mowali bangusa uleidaa̒ tolipu ukaya wau molomiodu, debo odelo dilanti mai lo Eeya Allahu Taa̒ala loluuhurunto.

IBRANI 11:16

Bo malo ilaalo, timongolio mooloolo lipu tuwau ulebe mopioheo̒, deu̒ito-yito lipu u tosologa. Uitolo sababuulio Allahu Taa̒ala diila moolito wonu timongolio mongunte o-Lio Allahu Taa̒ala limongolio, sababu Allahu Taa̒ala malo podapato kota tuwau olimongolio.

IBRANI 12:21

Wolo u iloontonga lotau-tauwalo Isirai̒lu boito odito polu-polutuo̒ dilumutu tei Musa loloi̒ya, “Watia moohe wau hulu-huluhelio!”

WAHI 1:17

Tou̒ watia loo̒onto mao̒ o-Lio, watia leidambao̒ totalu-Lio debo odelo tailate. Bo Tio lopodutu mai uluu̒-Lio olowala olaatia tulusi lotahuda, “Diila mao̒ oohe! Wau̒lo tabohulio wau tapulitio.

MONGO HAKIMU 13:22

Lapatao̒ ualei Manoah ode dilelio, “Ito tantu maamate sababu ito maloo̒onto Allahu Taa̒ala!”