PILOTIMUA̒TA 3:22 - KITABI HABARI MOPIOHE

²² Timii̒du mongobua lo Isirai̒lu mamohile monto tiheedio taulo Masiri wau monto mongobua lo Masiri tahi biluloa̒awa ngobele, pakeyangi wau pake talaa̒ wau hulawa. Timongoli mamo popake mao̒ uito tomongo walau̒mu. Wolo dudelo boito timongoli mamo lambatao̒ taulo Masiri.”

PILOTIMUA̒TA 3:22 ပူးပေါင်းရင်းမြစ်များ

ILOOWALI 15:14

Bo bangusa tamopowato waliimu boito mahukuu-maniyo-U̒ wau towakutu waliimu mololaa mao̒ lipu boito, timongolio mamodelo halata upango dadaata.

ILOOWALI 24:53

Lapatao̒ tio lopolualao̒ pakeyangi, pake talaa̒ wau hulawa, wau longohi mao̒ ngoa̒amila boito odeli Ribka. Wau olo hulangio wau tiilolio yilohialio palaseni u himaahelea.

JABURU 105:37

Lapatao̒ bangusa lo Isirai̒lu dilepito Eeya yilumualao̒, timongolio helodelo hulawa wau talaa̒; ngoa̒amilalo hiseehatia wau hilootola.

PILOTIMUA̒TA 11:2

Sababu uito bisalai mao̒ wolo bangusa lo Isirai̒lu; ahuli mao̒ timongolio mohile pake hulawa wau talaa̒ monto tiheedi mongolio.”

POHUMAYA 13:22

Taa u mopiohu mopowarisi mola okokaya towalao̒ wombulio; okokaya lotaa odusa tahuolio ode taa u motulidu tutumulio.

YESAYA 33:1

Matopotala mumuu-suunto! Timongolio hemolambato eleponu diila yilambatio, wau mohiyanati eleponu diila hiliyanati. Bo lapatao̒ molambato wau mohiyanati, timongolio lohihilao mamowali bake lopolo lambato wau polohiyanati.

YEHESKIEL 39:10

Oditolio timongolio diila palalu mohimoa̒ ayu podiio̒ to halabolu meaalo motiboto ayu to oa̒ayua, sababu titii-ngolowalo u tilolaalio mao̒ boito odito daatalio u podiio̒. Timongolio mamolambata wau moheehu halata lotau-tauwalo tamalo lambata wau loheebu halata limongolio. Wau̒, Eeya Taa Laba-labaalo molanggato malo tahuda mai.”