PILOTIMUA̒TA 3:20 - KITABI HABARI MOPIOHE

²⁰ Bo Wau̒ mamomake okokawasaa-U̒, wau mohukuumani Masiri wolo baala ulaba-labaalo, u podunggaa-U̒ mola teto. Lapatao̒ uito, tio mamo poluasi mao̒ olimongoli monao̒.

PILOTIMUA̒TA 3:20 ပူးပေါင်းရင်းမြစ်များ

ILOOWALI 15:14

Bo bangusa tamopowato waliimu boito mahukuu-maniyo-U̒ wau towakutu waliimu mololaa mao̒ lipu boito, timongolio mamodelo halata upango dadaata.

NEHEMIA 9:10

Toli olongia lo Masiri hepilohutu mai lo Eeya susuu-aliyaalo upolu-polutuo̒, wau olo to pogawee wau ulipu lo lipulio, sababu otaawa lo Eeya woloolo mola umati lo Eeya hepiloo̒ ngongotio. Lapatao̒ lomasahuru lomola tanggulo Eeya tunggula to dulahe botie.

JABURU 105:27

To Masiri timongolio helohutu u momoo̒o-linggolabewalo, huhuu-tuwaalo udaa̒ lonto Eeya,

JABURU 105:38

Taulo Masiri ilodungga lou̒ laasa moohe wau tlimie̒ela hapato, oditolio timongolio silanangi tou̒ taulo Isirai̒lu malo monggato.

JABURU 106:22

Otutu moo̒tihela hapato totoonulalo huhutu lo Eeya tolipu boito, moo̒linggolabu huhutu lo Eeya to Deheto Gelaga.

PILOTIMUA̒TA 11:1

Eeya lotahuda odelei Musa, “Wau̒ mamuli mopowoluo mai baala tilahuo̒ tuwau odeli olongia lo Masiri wau ulipulio. Lapatao̒ uito, tio mamo pululi mao̒ olimongoli monao̒. Tumbao̒ timongoli ngoa̒amila maa polontulolio monteea.

PILOTIMUA̒TA 12:39

Timongolio helo manggangi roti diila oragi lou̒ maa iluulau udilelo mai limongolio lonto Masiri. Timongolio hepilo loontulio lonteeto wolo tame-tamea̒ daa̒, tilinggula diilalo ilohiyango lopodapato tomeu̒.

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 13:9

Lameyangi botie mowali poe̒ela olemu debo odelo tuoto u tilihuto to uluu̒ meaalo to bayamu. Lameyangi botie mopoe̒elao̒ olimongoli u moloi̒ya laito wau mopoo̒laatao̒ bubuu-too̒waalo Eeya, sababu Eeya talo polualao̒ olimongoli lonto Masiri wolo kawasaa-Lio uleidaa̒.

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

PILOTIMUA̒TA 15:6

Olootolu-Mu malo moo̒linggolabe, yaa Eeya, pilohutu-Mu mao̒ musu lopulito loa̒antulu.

PILOTIMUA̒TA 4:21

Eeya lotahuda mai odelei Musa, “Wau̒ malongohi mai kawasa to olemu u mohutu totoonulalo moo̒linggolabe. Oditolio de wonu yio̒ malo hualinga mola ode Masiri, pohutua mao̒ totoonulalo u moo̒linggolabe boito totalu li olongia lo Masiri. Bo Wau̒ mamohutu olio baa̒ngiyolo, tilinggula tio diila mohuto mongohi bangusa boito monao̒.

PILOTIMUA̒TA 6:1

Allahu Taa̒ala lotahuda mao̒ odelei Musa, tahudaa-Lio, “Wau̒lo Eeya.

PILOTIMUA̒TA 6:6

Timongoli mapo waliyo-U̒ umati-U̒, wau Wau̒ mowali Allahu Taa̒ala limongoli. Yi timongoli mamotota mao̒ deu̒ Wau̒ botie Eeya, Allahu Taa̒ala limongoli, tamolopato olimongoli monto polowato to Masiri.

PILOTIMUA̒TA 9:15

Humayaalio Wau̒ mohuto mohukuumani olemu wau ulipumu wolo ngongoto, tantuulo mao̒ timongoli mabilinasa sama-samaata.

YESAYA 19:22

Eeya mamomate bangusa lo Masiri, bo lapatio mao̒ Eeya mamo poo̒luli olimongolio. Timongolio mamuli mohualinga ode Eeya, wau Eeya mamodungohe dua̒ limongolio wau mopoo̒luli olimongolio.

YESAYA 26:11

Yaa Eeya, Eeya dapadapato mohukuumani mai musu lo Eeya, bo diila otaawa limongolio. Huliaalo mao̒ timongolio moolito daa moo̒onto ponu lo Eeya ode umati lo Eeya. Huliaalo mao̒ timongolio mopulito binasa lo hukuumani u pilodapato lo Eeya ode limongolio.

YEHESKIEL 20:33

“Domi Wau̒, Allahu Taa̒ala tatumu-tumulo, Eeya Taa Laba-labaalo molanggato, timongoli poe̒ela-U̒ mai deu̒ sababu omulukaa-U̒, timongoli mapalentaa-U̒ wolo palangi wau pintalo tilinggula molaasa mao̒ kawasaa-U̒. Timongoli maa̒ambuwo-U̒ wau muli deloo-U̒ monto totoonulalo lipu tambati limongoli mapilo bubuua̒yawa.

MIKHA 7:15

Pohutuwalo mai u moo̒linggolabu duo̒lo mongowatotia, yaa Eeya, debo odelo u piohutu lo Eeya muloololio mai tou̒ Eeya lodelo mongowatotia yilumualao̒ lonto Masiri.

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

TINGULI 6:22

Ami lohihilao losakusi mao̒ Eeya helohutu totoonulalo moo̒linggolabu wau susuu-aliyaalo u moo̒tihela hapato ode taulo Masiri wau odeli olongia limongolio wau ngoa̒amila tahidihuma pantungo lipulio.

MONGO HAKIMU 6:8

Eeya lolao mai ngotaalio lonabi odeli mongolio. Nabi boito loloi̒ya odie, “Odie mola tahuda mai lo Eeya, Allahu Taa̒ala lo Isirai̒lu: ‘Timongoli mailopatu-U̒ mai lonto polowato to Masiri.

MONGO HAKIMU 8:16

Lapatao̒ uito tei Gideon lohama mao̒ duhi wau hutia u oduhi lonto huta ohungayo u luasi daa̒, tulusi helomate tahimuloa lo ulipu tokota Sukot boito.