PILOTIMUA̒TA 3:18 - KITABI HABARI MOPIOHE

¹⁸ Umati-U̒ mamo dungohe loi̒yamu. Lapatao̒ yio̒ pee̒-pee̒enta wolo mongo tau̒wa lo Isirai̒lu musi monao̒ mola motaalua woli olongia lo Masiri wau moloi̒ya mao̒ olio: ‘Eeya, Allahu Taa̒ala taulo Ibrani malei dungga mai lopobilohe batanga to olamiaatia. Botia poluasia mai amiaatia monao̒ ngoilaminga tolo hui lononao̒ ode huta udatahu wau luasi udelita u mopodewo bake ode Eeya, Allahu Taa̒ala lamiaatia.’ ”

PILOTIMUA̒TA 3:18 ပူးပေါင်းရင်းမြစ်များ

ILOOWALI 12:1

Eeya lotahuda mai odelei Abram, “Tolailo mao̒ lipumu, kaumu ngaalaa̒mu wau bele li paapamu, lapatao̒ ponao̒lo mola ode lipu umaa pobilohu-U̒ mai olemu.

ILOOWALI 14:13

Bo ngotaalio lo taloa̒ahu lopoduloheo̒ ngoa̒amila u helo toduo boito tolei Abram, taulo Ibrani boito. Tei Abram bilu-biluloa̒ totili bubuu-ngowaalo ayu aulia tambati potabiyalo miliki lei Mamre, ngotaalio lo Amori. Tei Mamre wau mongo wutatio, deu̒yito-yito tei Eskol wolei Aner yito mongo sahabati wau ngoheeluma wolei Abram.

ILOOWALI 15:1

Lapatao̒ uito tei Abram lololimo bibilohe wau loo̒dungohe Eeya lotahuda mai olio, “Diila mao̒ oohe, Abram, Wau̒ mamoduo̒lai olemu monto baala, wau mongohi mai olemu wuupa udaa̒.”

ILOOWALI 17:1

Tou̒ tei Abram o umulu tio lopulaa tio lotaunu, Eeya lopo bilohei batanga-Lio wau lotahuda, “Wau̒lo Allahu Taa̒ala Taa Laba-labaalo kawasa. Podungohulo ola-U̒ wau pohutua mao̒ kahandaki-U̒ laito.

ILOOWALI 48:3

Ualei Yako odelei Yusu, “Allahu Taa̒ala Taa Laba-labaalo kawasa malo pobilohei batanga olau̒ to Lus, tohuta lo Kanaa̒n, wau malo balakati olau̒.”

OLUO TAWARI 30:12

Penu boli to Yehuda olo Allahu Taa̒ala hemokalaja wau helo potuwau hilaa lo ulipu u otu-otutuulo mao̒ modungoheo̒ tou̒ otohilaa lo Allahu Taa̒ala wolo modudua̒ palenta li olongia wau mongo pogaweelio.

JABURU 110:3

To dulahu yio̒ meidungga wolo kawasa, to huludu umantali, ulipumu momaju wolo iloheela lohilao. Debo odelo wambulo tou̒ dimodupo, mongo bohulotau monao̒ mai ode olemu.

PILOTIMUA̒TA 10:3

Lapatao̒ tei Musa wolei Haruna malonao̒ mola lotaalua woli olongia wau loloi̒ya mao̒ olio, “Eeya, Allahu Taa̒ala bangusa lo Ibrani, lotahuda mai, ‘Tunggula omolua yio̒ diila mohuto taa̒aluku to ola-U̒? Pululiyalo mao̒ umati-U̒ monao̒, alihu timongolio mowali moi̒baadati to ola-U̒.

PILOTIMUA̒TA 17:5

Tahuda lo Eeya odelei Musa, “Tianga mao̒ dengolo lota tau̒wa wau ponao̒lo pee̒-pee̒enta woli mongolio meimulo wolo bangusa boito. Deloa mota olo tunggudu u pomakemu pomolota to Dutulaa Nil.

PILOTIMUA̒TA 19:1

Lapatao̒ uito bangusa lo Isirai̒lu lololaa mao̒ Rapidim, wau tobohula dulahu hulala otolulio tou̒ timongolio lololaa mao̒ Masiri, malei dungga mola timongolio tohuta udatahu wau luasi udelita lo Sinai. Timongolio helo titikema tobungo lo hui̒dee Sinai,

PILOTIMUA̒TA 25:22

To tambati boito Wau̒ mamo dunggaya wolemu, wau monto yitaato lotau̒bio, towolota lo malai̒kati opolipio̒ duluo boito, yio̒ mawohiya-U̒ mai butoo̒o-U̒ duo̒lo bangusa lo Isirai̒lu.”

PILOTIMUA̒TA 3:12

Allahu Taa̒ala lolametai, “Wau̒ mamo tulungi mai olemu. Wau wonu bangusa boito madilelomu lumualao̒ lonto Masiri, timongoli maa mamo ibaadati to ola-U̒ tohui̒dee botie. Ui-uitolo bukutiilio deu̒ Wau̒ lolao mola olemu.”

PILOTIMUA̒TA 3:16

Ponao̒lo mola wau ambuwalo mao̒ ngoa̒amila tau̒wa lo Isirai̒lu. Pomalalumua mao̒ ode limongolio deu̒ Wau̒, Eeya, Allahu Taa̒ala linenemoya limongolio, Allahu Taa̒ala lei Abraham, Isihaka wolei Yako, malo pobilohei batanga olemu. Poo̒taa mao̒ olimongolio deu̒ Wau̒ malei dungga mai ode limongolio wau maloo̒onto woloolo mola timongolio hepilohutu lobangusa Masiri.

PILOTIMUA̒TA 30:36

Ngotayadu dupa boito musi lobuo̒lo tunggula moa̒aluti. Delowa mai uito ode Kema-U̒ wau pomua̒yade mao̒ totalu lo Bulua Daantia. Dupa boito musi anggapuola balangi mantali u pilopohetu ola-U̒. Diila mao̒ pohutu dupa ilulau wolo pidelo udebo odelo uito olo olimongoli lohihilao.

PILOTIMUA̒TA 30:6

Podutua mao̒ mesba boito towimbihu bulemengo kaingi uwoluo totalu lo Bulua Daantia, totambati umaa podunggaya-U̒ wolemu.

PILOTIMUA̒TA 4:1

Lapatao̒ tei Musa lolametao̒ ode Eeya, “Bo woloolo mola wonu humaya tau-tauwalo Isirai̒lu diila mohuto palacaya wau diila mohuto momandungi loi̒ya lo watotia? Wolo u musi pohutuo lo watotia wonu humaya timongolio moloi̒ya mai deu̒ Eeya diila lopo bilohei lobatanga ode watotia?”

PILOTIMUA̒TA 4:23

wau yio̒ maa pilalenta-U̒ mai u mongohi mao̒ walau̒u-U̒ boito monao̒ alihu tio mowali moi̒baadati to ola-U̒, bo yio̒ diila mololimo. Botia Wau̒ mamomate walau̒mu tamohuhula daa̒ mate-mateelo mao̒.’ ”

PILOTIMUA̒TA 4:24

Totambati tuwau u hepo tikemaalo todelomo nonao̒ boito, Eeya lonao̒ mai odelei Musa wau ohilaa momate olio mate-mateelo mao̒.

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

PILOTIMUA̒TA 5:1

Lapatao̒ tei Musa wolei Haruna lonao̒ mola lotaalua woli olongia lo Masiri wau loloi̒ya mao̒, “Odie mola palenta mai lo Eeya, Allahu Taa̒ala lo Isirai̒lu, ‘Poluasia mao̒ bangusa-U̒ monao̒ alihu timongolio mowali moi̒baadati to ola-U̒ to auhu delita.’ ”

PILOTIMUA̒TA 5:3

Tei Musa wolei Haruna loloi̒ya mao̒, “Allahu Taa̒ala taulo Ibrani malo pobilohei batanga to olamiaatia. Polusiyalo mai amiaatia monao̒ ode auhu delita u lamingio bou̒ tolo hui ponao̒walo mola mopodewo bake ode Eeya, Allahu Taa̒ala lamiaatia. Wonu amiaatia diila mopohutu mao̒ uito, amiaatia mapatee-Lio mate-mateelo mao̒ wolo ngongoto meaalo popaatea.”

PILOTIMUA̒TA 7:16

Polelea mao̒ odeli olongia boito: Eeya, Allahu Taa̒ala taulo Ibrani, talolao mai olaatia u mopo tunggulai odeli Tuani lo watotia alihu mopoluasi mao̒ umati-Lio monao̒ u moi̒baadati to Olio tohuta udatahu wau luasi udelita. Bo tunggula botia ti Tuani lo watotia diila mohuto modungohu.

PILOTIMUA̒TA 8:1

Lapatao̒ Eeya lotahuda odelei Musa, “Ponao̒lo mota motaalua woli olongia wau potunggula mao̒ olio tahuli-U̒ botie: ‘Poluasia mao̒ umati-U̒ monao̒ moi̒baadati to ola-U̒.

PILOTIMUA̒TA 8:20

Eeya lotahuda odelei Musa, “Ponao̒lo loombu didimodupo daa̒ modunggaya woli olongia tou̒ tio molaaheo̒ ode dutulaa, wau potunggula mao̒ olio tahudaa-U̒ botie: ‘Poluasia mao̒ umati-U̒ monao̒ moi̒baadati to ola-U̒.

PILOTIMUA̒TA 8:23

Wau̒ mamopo hiheede towolota umati-U̒ wolo ulipumu. U moo̒linggolabe boito mamotoduo mai loombu.’ ”

PILOTIMUA̒TA 9:1

Eeya lotahuda odelei Musa, “Ponao̒lo mola motaalua woli olongia, wau polelea mao̒ olio deu̒ Eeya, Allahu Taa̒ala taulo Ibrani, lotahuda mai: ‘Poluliyalo umati-U̒ monao̒ alihu timongolio mowali moi̒baadati to ola-U̒.

PILOTIMUA̒TA 9:13

Eeya lotahuda odelei Musa, “Ponao̒lo loombu didimodupo daa̒ mota motaalua woli olongia, wau potunggula mao̒ olio deu̒ Eeya, Allahu Taa̒ala taulo Ibrani malo tahuda mai: ‘Poluliyalo umati-U̒ alihu timongolio monao̒ mota moi̒baadati to ola-U̒.

YESAYA 64:5

Eeya lonao̒ lomaju u lotaalua hitua-tuawua uleidungga lonto ambahu u lalaawania wolo taa u motulidu hilao wau tatumu-tumulo lodudua̒ kahandaki lo Eeya. Eeya lomuluka mai olamiaatia, bo amiaatia debo odusa memangi anggadu muloololio mai amiaatia ototala.

YEREMIA 2:2

lopomalalumu mola habari botie ode ngoa̒amila tau to Yerusalemu, “Wuu Isirai̒lu, ileela-U̒ mola malo odito tatapu wau molotolo hilaamu tou̒ yio̒ donggo humula mai; malo odito udaa̒ tolia̒ngumu tou̒ ito tomaasa buleintiti bohu molaasa mao̒ nikaalio. Ode huta datahu wau luasi daa̒ udelita Wau̒ tilunuhemu lolibaya madala u diila pilomuloa.

YEREMIA 2:6

Wau̒ diila pilandungilio; Wau̒, tamaa lodelo olimongolio to dalalo, wau lodelo olimongolio yilumualai lonto Masiri lolibaya tohuta hungayo u luasi daa̒, madala diila mowali pobutua lo pilomulo u dadaata buo̒loolio, wau mohengu boli moo̒topotala – huta datahu wau luasi daa̒ u diila pilotomelea wau diila polibayalo!

YEREMIA 26:5

Timongoli olo musi modungoheo̒ wolo u yiloi̒ya lomongo wato-U̒, mongo nabi tamolo-laalaaita heilao-U̒ mai ode olemu. Bo timongoli diila mohuto modungohe olimongolio.

YIA̒APO 17:4

Delowaalo mota tutuu-ngguduwalo boito ode Kema-U̒, wau podutua mao̒ totalu lo Bulua Daantia, totambati biasaalio Wau̒ hemo dunggaya woli mongoli.

YOSUA 1:17

Ami mamodungohe olemu, tutuuwauwa olo debo odelo ami modungohe olei Musa. Pohileaala dua̒ Eeya Allahu Taa̒alamu pee̒-pee̒enta wolemu debo odelo Tio pee̒-pee̒nta wolei Musa!