PILOTIMUA̒TA 3:15 - KITABI HABARI MOPIOHE

¹⁵ Pohabaria mao̒ olimongolio olo deu̒ Wau̒, Eeya, Allahu Taa̒ala nenemoya limongolio, Allahu Taa̒ala lei Abraham, Isihaka wolei Yako, talolao olemu ode limongolio. Wau̒lo Eeya, ui-uitolo tanggulu-U̒ u ohiheo-hiheolo mao̒. Ui-uitolo tanggulu-U̒ duo̒lo ngoa̒amila bangusa wawaalia mola.

PILOTIMUA̒TA 3:15 ပူးပေါင်းရင်းမြစ်များ

ILOOWALI 24:12

Lapatao̒ wato boito malodua̒, “Eeya, Allahu Taa̒la lei Abraham lituani lo watotia, ambunguolo ponua mai, alihu tuugasi lo watotia otilapulo todulahee botie; ambunguolo poti piohulo mai lohilao odeli tuani lo watotia tei Abraham.

BOHULO TAWARI 16:16

Daantia boito pilohutu-Lio mai wolei Abraham, wau lapatao̒ wolei Isihaka,

BOHULO TAWARI 29:18

Yaa Eeyaau̒ Allahu Taa̒ala, tahe tuboo lei Abraham, Isihaka wolei Yako, loluuhuru lo mongowatotia, ambunguolo Eeya modaha mai alihu umati lo Eeya debo motolia̒nga to Eeya debo odelo masaatia botie wau tulungiyalo mai alihu timongolio debo molotolo hilao to Eeya.

OLUO TAWARI 28:9

Ngotaalio nabi lo Eeya tai̒lunte Oded bilu-biluloa̒ tokota Samaria. Tou̒ suludadu lo Isirai̒lu lohualingai lodelo tawalo lonto Yehuda, tei Oded lodunggaya mao̒ woli mongolio tou̒ timongolio matumuwoto ode delomo kota. Tio loloi̒ya mao̒, “Timongoli malo poo̒laaheo̒ taulo Yehuda sababu Eeya Allahu Taa̒ala loluuhurumu lomuluka mai olimongolio. Bo Eeya loo̒dungohe woloolo mola parangiilio limongoli helomate yila-yilateelo mao̒ suludadu lo Yehuda boito.

JABURU 102:12

Tutumulo watotia lopaluto debo odelo wolilu tou̒ lolaango; watotia malo lolante debo odelo huo̒yoto.

JABURU 102:13

Bo Eeya, yaa Eeya, Olongia u ohiheo-hiheolo mao̒, debo eelaalo wawaalia mola.

JABURU 135:13

Yaa Eeya, Eeya madebo pololadulo, wau tanggulo Eeya ileela mola lo ngoa̒amila wali,

JABURU 30:4

Eeya lopo lopato olo watotia lonto aalamu lomautu, wau lopo tumulai olo watotia towolota lotau-tauwalo tahe lopuunungo.

JABURU 30:5

Polahualo mola puji poloi̒laalo momuji ode Eeya, wuu umati lo Eeya tadebo molotolo hilao, wau posukurulo mola to Taa Laba-labaalo mantali.

JABURU 68:5

Polahuwalo mola ode Allahu Taa̒ala, pujiaalo mola tanggu-Lio, podapato mao̒ dalala daa̒ ode Eeya utae̒tae̒e toheengo. Tanggu-Lio Eeya – potisana-sanangilo totalu-Lio!

JABURU 72:17

Pohileaala dua̒ tangguli olongia toloe̒ela mola ohiheo-hiheolo mao̒, wau omasaa-hurulio oduhenga mola ngotilonggadu mato lodulahu woluo. Pohileaala dua̒ babaa-ngusawalo mei̒ balakati debo odelo tio, wau ngoa̒amila tau molanggulao̒ olio sanangi tutu.

JABURU 72:19

Ilopujiaalo mola tanggu-Lio u udaa̒ ohiheo-hiheolo mao̒; pohileaala dua̒ ngoilanggubu dunia mopolu mai wolo omumulia-Lio! Powaliilo mola odito. Amin!

PILOTIMUA̒TA 15:2

Eeya tamoodulua olau̒ tamolotolo; Tiolo talo poa̒ahu olau̒. Tio Allahu Taa̒alau̒, wau̒ ohilaa momuji mola o-Lio, Allahu Taa̒ala tahe pujaa linene moyaau̒, pou̒daa̒au̒ Tio.

PILOTIMUA̒TA 15:3

Eeya yito tamoo-hipatea tamolotolo boli buheli daa̒, Eeya, boi-boitolo tanggu-Lio.

PILOTIMUA̒TA 3:13

Tei Musa lolametao̒, “Bo wonu watotia modunggaya wolo tau-tauwalo Isirai̒lu wau moloi̒ya mao̒ ode limongolio: ‘Allahu Taa̒ala tinenemoyamu talolao mai olaatia ode limongoli,’ tantuulo mao̒ timongolio mamohintu mai, ‘Tatoonu tanggulio?’ Lapatao̒ wolo umusi polametao̒ lo watotia olimongolio?”

PILOTIMUA̒TA 3:6

Wau̒ botie Allahu Taa̒ala linenemoyamu, Allahu Taa̒ala lei Abraham, Isihaka wolei Yako.” Yi tei Musa malo lau̒beo̒ bayalio, sababu tio moohe momilohe Allahu Taa̒ala.

PILOTIMUA̒TA 4:1

Lapatao̒ tei Musa lolametao̒ ode Eeya, “Bo woloolo mola wonu humaya tau-tauwalo Isirai̒lu diila mohuto palacaya wau diila mohuto momandungi loi̒ya lo watotia? Wolo u musi pohutuo lo watotia wonu humaya timongolio moloi̒ya mai deu̒ Eeya diila lopo bilohei lobatanga ode watotia?”

PILOTIMUA̒TA 4:5

Tahuda mao̒ lo Eeya, “Pohutua mao̒ odito alihu tau-tauwalo Isirai̒lu palacaya deu̒ Wau̒, Eeya, Allahu Taa̒ala nenemoya limongolio. Allahu Taa̒ala lei Abraham, Isihaka wolei Yako, malo pobilohei lobatanga to olemu.”

PILOTIMUA̒TA 6:2

Wau̒ helo pobiloheo̒ batanga odelei Abraham, Isihaka wolei Yako odelo Allahu Taa̒ala Taa Laba-labaalo kawasa, bo Wau̒ diila lopoo̒taa mao̒ batanga ode limongolio wolo tanggulo ‘Eeya’.

POHUMAYA 18:10

Eeya boito debo odelo monara u motoheto; odito mola taa juujulu monao̒ wau moo̒tapu tambati u aamani.

YESAYA 26:8

Amiaatia modudua̒ putuusani lo Eeya, yaa Eeya, wau hemohima-hima to Eeya; Eeyaalo poloi̒laalo momuji wau owooloolo hilaa lamiaatia.

YESAYA 42:8

Wau̒ulo Eeya, uitolo tanggulu-U̒; odudaa̒a-U̒ diila tawohi-U̒ penu boli olo tatoonu; omasaahuru-U̒ diila tawuduo-U̒ ode bui̒.

YESAYA 63:12

Tou̒toonu Eeya tapee̒-pee̒enta wolei Musa wolo uluu̒-Lio u molotolo boli buheli daa̒, wau lomutaa̒a taluhu totalu limongolio alihu tanggu-Lio meimasahuru ohiheo-hiheolo mao̒?

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.

YEREMIA 33:2

talopowali mai dunia wau lohutu boli lopodutu mao̒ to tambatilio. Eeya lotahuda mai,

DANIALI 2:23

Oo, Allahu Taa̒ala tahe pujaa loluhuru lowatia, Eeya pujio lowatia wau polamahu lowatia. Sababu Eeya longohi mai odelaatia hikimati wau olootolo. Polohone lamiaatia matilolimo lo Eeya. Wau totametai odeli olongia mapiloo̒taa mai lo Eeya.”

HOSEA 12:5

Tio lohuumbala wolo ngotaalio lo malai̒kati, wau tio loo̒hama. Lapatao̒ tio hilumoyongo wau lei̒balakati mao̒. Lapatao̒ to Beteli, Allahu Taa̒ala leidungga mai ode lei Yako loluuhurunto boito, wau lobibiisalawa wolio.

HOSEA 12:6

Allahu Taa̒ala boito yito Eeya Taa Laba-Labaalo Kawasa. Tanggu-Lio yito Eeya. Wolo tanggula boi-boitoolo Tio mokahandaki tau moi̒baadati mao̒ to Olio.

MIKHA 4:5

Timii̒du bangusa todunia molubo wau modungohe todewalio lohihilao. Bo ito mamodungohe to Eeya Allahu Taa̒alanto wau molubo o-Lio u ohiheo-hiheolo mao̒.

MALEAKHI 3:6

“Wau̒ulo Eeya, wau Wau̒ diila mobolio̒. Sababu uito timongoli, wali mai lei Yako, diila pobinasaalo.

MATIUSI 22:32

‘Wau̒lo Allahu Taa̒ala lei Abraham, Allahu Taa̒ala lei Isihaka wau Allahu Taa̒ala lei Yako.’ Allahu Taa̒ala boito diila Allahu Taa̒ala lotaa mate. Tio Allahu Taa̒ala lotaa tumutumulo!”

WUNGGULI LOMONGO RASULU 3:13

Allahu Taa̒ala tahe tuboo lei Abraham, lei Isihaka, lei Yako, Allahu Taa̒ala linenemoyanto, Allahu Taa̒ala boito tamaa lopolaio̒ Wato-Lio, deu̒ito-yito ti Isa. Ti Isa boitolo tailudu limongoli ode tahidihima kawasa, wau hetiluwali limongoli totalu lei Pilatus, tou̒ tei Pilatus ohilaa molopata o-Lio.

WUNGGULI LOMONGO RASULU 7:32

‘Wau̒lo Allahu Taa̒ala tinene moyaamu; Wau̒ Allahu Taa̒ala lei Abraham, Isihaka, wau Yako.’ Tei Musa hilumuhela yiloohe tilinggula diilalo buheli lomilohe mota ode diu̒to boito.

TINGULI 1:11

Pohileaala dua̒ Eeya, Allahu Taa̒ala nenemoya limongoli tulusi mopoo̒daata mai jumulaa limongoli dilumutu poo̒o ngolihu mopiu̒wa, wau mopowali olimongoli bangusa tamaa̒amulu debo odelo u mapilo danti-Lio mai!

TINGULI 1:35

‘Diaaluo penu boli ngotaa mao̒ monto hilaide u moleeta botie matumuwota ode lipu molomiodu u pilodanti-U̒ mai odeli nenemoya limongoli.

TINGULI 4:1

Lapatao̒ tei Musa loloi̒ya mao̒ ode bangusa boito, “Dungohe mao̒ ngoa̒amila butoo̒ upilo ngaajali mai lowatia ode limongoli, alihu timongoli mowali tumumulo tunggula motibiluloo̒ tohuta u mawohi mai lo Eeya, Allahu Taa̒ala loluuhuru limongoli ode limongoli.

IBRANI 11:16

Bo malo ilaalo, timongolio mooloolo lipu tuwau ulebe mopioheo̒, deu̒ito-yito lipu u tosologa. Uitolo sababuulio Allahu Taa̒ala diila moolito wonu timongolio mongunte o-Lio Allahu Taa̒ala limongolio, sababu Allahu Taa̒ala malo podapato kota tuwau olimongolio.

IBRANI 13:8

Ti Isa Almasi debo tutuuwauwa, mopio muloolo, masaatia, wau tunggula ohiheo-hiheolo mao̒.