PILOTIMUA̒TA 3:14 - KITABI HABARI MOPIOHE

¹⁴ Tahuda lo Allahu Taa̒ala, “Wau̒ yito WAU̒ WOLUO. Uti-utieelo umusi polelemu mao̒ tobangusa lo Isirai̒lu, Tio tai̒lunte WAU̒ WOLUO, tamalolao mai olaatia ode limongoli.

PILOTIMUA̒TA 3:14 ပူးပေါင်းရင်းမြစ်များ

AYUBA 11:7

Diila pongalo aakali hakeekati lo Allahu Taa̒ala mowali toneo̒mu? Diila pongalo aakali kawasa lo Eeya mambo opahaamuamu?

JABURU 68:4

Bo taa hisaalea hisanangia hilao wau hiweengahe daa̒, timongolio hitingalaa̒ meengahu totalu lo Allahu Taa̒ala.

JABURU 90:2

Tou̒ huhuu-ideyaalo diipo pilopowali mai, tou̒ huta wau dunia diipo pilohutu lo Eeya, Eeyaalo Allahu Taa̒ala tadebo ohiheo-hiheolo mao̒, diila o bohulio wau diila opulitio.

PILOTIMUA̒TA 15:3

Eeya yito tamoo-hipatea tamolotolo boli buheli daa̒, Eeya, boi-boitolo tanggu-Lio.

PILOTIMUA̒TA 23:21

Poo̒tuota mao̒ wau dungohilo tio. Diila pomalakala wolio sababu tio utoliya-U̒, wau tio diila tamo ngambungu totalaamu.

PILOTIMUA̒TA 3:13

Tei Musa lolametao̒, “Bo wonu watotia modunggaya wolo tau-tauwalo Isirai̒lu wau moloi̒ya mao̒ ode limongolio: ‘Allahu Taa̒ala tinenemoyamu talolao mai olaatia ode limongoli,’ tantuulo mao̒ timongolio mamohintu mai, ‘Tatoonu tanggulio?’ Lapatao̒ wolo umusi polametao̒ lo watotia olimongolio?”

PILOTIMUA̒TA 6:2

Wau̒ helo pobiloheo̒ batanga odelei Abraham, Isihaka wolei Yako odelo Allahu Taa̒ala Taa Laba-labaalo kawasa, bo Wau̒ diila lopoo̒taa mao̒ batanga ode limongolio wolo tanggulo ‘Eeya’.

PILOTIMUA̒TA 6:3

Wau̒ olo lopowoluo mao̒ daantia woli mongolio. Wau̒ londanti mamongohi lipu lo Kanaa̒n ode limongoli, lipu tambati limongolio muloolio mai odelo tau deli.

YESAYA 42:8

Wau̒ulo Eeya, uitolo tanggulu-U̒; odudaa̒a-U̒ diila tawohi-U̒ penu boli olo tatoonu; omasaahuru-U̒ diila tawuduo-U̒ ode bui̒.

YESAYA 44:6

Uti-utieelo tahuda mai lo Eeya Taa Laba-labaalo kawasa, Olongia wau tamoo-duo̒lawa Isirai̒lu, “Wau̒ Allahu Taa̒ala Taa Laba-labaalo tuwau, tabohulio wau tapulitio.

MATIUSI 18:20

Sababu tou̒toonu duulota meaanto toulota motia̒mbu sababu Wau̒, Wau̒ woluo tohuungi mongolio.”

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

YAHYA 8:24

Uito sababuulio Wau̒ motahuda mai olemu, deu̒ timongoli maamate todelomo duduu-saamu. Wau memangi timongoli maamate todelomo duduu-saamu, wonu diila palacaya deu̒, ‘Wau̒lo Tio tai̒lunte WAU̒ WOLUO’.”

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

2 KORINTUS 1:20

Sababu lotimbuludei o-Lio Allahu Taa̒ala malo tahuda mai “Ooo̒” ode ngoa̒amila danti-Lio. Patopatoa̒ leeto boitolo ito moloi̒ya “Amin” to Allahu Taa̒ala sababu ti Isa Almasi. Amiaatia lohutu odito alihu Allahu Taa̒ala polaio̒olo.

IBRANI 13:8

Ti Isa Almasi debo tutuuwauwa, mopio muloolo, masaatia, wau tunggula ohiheo-hiheolo mao̒.

WAHI 1:17

Tou̒ watia loo̒onto mao̒ o-Lio, watia leidambao̒ totalu-Lio debo odelo tailate. Bo Tio lopodutu mai uluu̒-Lio olowala olaatia tulusi lotahuda, “Diila mao̒ oohe! Wau̒lo tabohulio wau tapulitio.

WAHI 1:4

Mongo wutato tawoluo to opitu jamaa̒ tomadala lo Asia! Watia, Yahya, mohalapu olimongoli ponuwa mai lo balakati wau moa̒ahu monto Allahu Taa̒ala – deu̒ito-yito Tio tawoluo, tamawoluo, wau tawoluo mololaalaaita, – wau olo monto opitu rohu uwoluo totalu lotambati huhuloa̒ li olongia lo Allahu Taa̒ala,

WAHI 1:8

“Wau̒lo tabohulio wau tapulitio,” tahuda lo Allahu Taa̒ala tawoluo, tamawoluo, wau tawoluo mololaalaaita, Taa Laba-labaalo kawasa.

WAHI 4:8

Opato mahaluku boito, tinggai opolipio̒ wolomo, wau topalitio wau to ambahu delomio polupolu wolo mato. Hui wau dulahu mamaaha-lukuwaalo boito diila mopo huhe-huheli hemo polahu mola, “Mantali, mantali, mantalilo Eeya, Allahu Taa̒ala Laba-labaalo kawasa; tawoluo, tamawoluo, wau tawoluo malolaalaaita.”