PILOTIMUA̒TA 3:12 - KITABI HABARI MOPIOHE

¹² Allahu Taa̒ala lolametai, “Wau̒ mamo tulungi mai olemu. Wau wonu bangusa boito madilelomu lumualao̒ lonto Masiri, timongoli maa mamo ibaadati to ola-U̒ tohui̒dee botie. Ui-uitolo bukutiilio deu̒ Wau̒ lolao mola olemu.”

PILOTIMUA̒TA 3:12 ပူးပေါင်းရင်းမြစ်များ

ILOOWALI 15:1

Lapatao̒ uito tei Abram lololimo bibilohe wau loo̒dungohe Eeya lotahuda mai olio, “Diila mao̒ oohe, Abram, Wau̒ mamoduo̒lai olemu monto baala, wau mongohi mai olemu wuupa udaa̒.”

ILOOWALI 15:8

Bo tei Abram malohintu, “Yaa, Eeya Taa Laba-labaalo molanggato, woloolo mola otaawa lo watotia deu̒ huta boito mamowali haku lo watotia?”

ILOOWALI 26:3

Wau̒ mamoduo̒lo wau mobalakati mai olemu. Ngoilanggubu lipu botie mawohi-U̒ mai olemu wau ode waliimu. Wau̒ mamoe̒ela mola danti u mailohi-U̒ odelei Abraham tiyamamu.

ILOOWALI 31:3

Lapatao̒ Eeya lotahuda mai odelei Yako, “Pohualingolo ode lipu liyamamu wau ode mongo pohutatamu. Wau̒ mamoduo̒la olemu.”

OLUO MONGO OLONGIA 19:29

Tei Yesaya lolao mola olo tahuli botie odelei Hiskia, “Utieelo u mamowali mai odelo tuotio olemu. Taunu botie wau talutalu mai tau mamo lamela pale u tumumulai lohihilao. Bo lapatao̒ uito timongolio mowali mopomulo mao̒ pale wau angguru wau molamitao̒ tilapulio.

BOHULO TAWARI 9:20

Tei Pinehas walae̒e Eleajar – pohileaala dua̒ Eeya moduo̒lai olio! – pee̒enta pee̒enta helo titau̒wa toli mongolio.

JABURU 86:17

Wohiyalo mai watotia tuoto lo opopiohu Eeya, yaa Eeya, alihu taa u molonuo̒ olo watotia mowali moolito, wonu timongolio moo̒onto to Eeya motulungi wau moliyango mai olo watotia.

PILOTIMUA̒TA 18:5

Tei Yitro lonao̒ mai pee̒-pee̒enta wolo dile lei Musa wau walai̒o duduulota ode huta udatahu wau luasi udelita tambati pilo tikemawa lei Musa totili lo hui̒dee mantali.

PILOTIMUA̒TA 3:1

Tou̒ boito tei Musa hemo himbala hihii-mbawaalo wau babaa-tedeyalo lei Yitro, tiyamo moluhengio, iimamu tohuta lo Midian. Tou̒ tio donggo hemo lanengo bibiahio boito ode ngotuali lo huta udatahu wau luasi udelita, malei dungga tio to Hui̒de Sinai, hui̒de umantali.

PILOTIMUA̒TA 3:13

Tei Musa lolametao̒, “Bo wonu watotia modunggaya wolo tau-tauwalo Isirai̒lu wau moloi̒ya mao̒ ode limongolio: ‘Allahu Taa̒ala tinenemoyamu talolao mai olaatia ode limongoli,’ tantuulo mao̒ timongolio mamohintu mai, ‘Tatoonu tanggulio?’ Lapatao̒ wolo umusi polametao̒ lo watotia olimongolio?”

PILOTIMUA̒TA 33:14

Tahuda mai lo Eeya, “Timongoli maduo̒lo-U̒ alihu mowali motolohaku huta u pilodanti-U̒ mai.”

PILOTIMUA̒TA 4:12

Botia, ponao̒lo, Wau̒ mamo tulungi mai olemu mobisala wau mongaajali wolo umusi bisalamu.”

PILOTIMUA̒TA 4:15

Pobisalaalo wolio wau poo̒taa mao̒ olio wolo umusi loi̒yaalio. Wau̒ mamo tulungi mai olimongoli duulota wau mongaajali mai wolo umusi loi̒ya wau pohutuo limongoli.

PILOTIMUA̒TA 8:27

Amiaatia musi monao̒ ode huta udatahu wau luasi udelita ngoilaminga lononao̒ tolo hui mola u mopodewo bake ode Eeya Allahu Taa̒ala lamiaatia, debo odelo upilo malentaa-Lio mai to olamiaatia.”

YESAYA 37:30

Tei Yesaya lolao olo tahuli botie odelei Hiskia, “Utieelo u mamowali tuoto olemu. To taunu botie wau taunu talutalu mai tau mamolamela pale u mobutu mai lohihilao. Bo lapatao̒ uito timongolio mowali mopomulo pale wau angguru wau moo̒lamitao̒ tilapulio.

YESAYA 41:10

Diila mao̒ oohe, sababu Wau̒ wolemu, diila mao̒ polawalo, sababu Wau̒ Allahu Taa̒alamu. Yio̒ mapoo̒o lotolu-U̒ wau tulungiya-U̒, deloo-U̒ wolo uluu̒uu̒-U̒ upolu-polutuo̒.

YESAYA 43:2

Wonu yio̒ mobalango taluhu, Wau̒ mapee̒-pee̒enta wolemu, yio̒ diila tamoa̒humo todelomo osusuu-kalimu. Wonu mobalango totulu, yio̒ diila tamopobu, ngoa̒amila yimontala u mobuheeto diila tamoo̒ topotala olemu.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

YEREMIA 1:8

Diila mao̒ oohe olimongolio, sababu Wau̒ mapee̒-pee̒enta wolemu u moduo̒lai olemu. Wau̒, Eeya malo tahuda mai!”

YIA̒APO 16:28

Lapatao̒ tei Musa loloi̒ya mao̒, “Woleea botie timongoli mamotota mao̒ deu̒ Eeya malolao mai olaatia u lohutu ngoa̒amilalo botie wau uito diila hilaa lowatia lohihilao.

YIA̒APO 23:21

To olei Yako diila iloonuhe u moleeto; to Isirai̒lu diila oontonga u suukali. Eeya, Allahu Taa̒ala limongolio, pee̒-pee̒enta woli mongolio. Timongolio hitingalaa̒ meengahu: Tio-tiolo Olongia!

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

MARKUSI 16:20

Yi tahidudua̒ o-Lio malonao̒ wau lopo loladu habari lonto Allahu Taa̒ala penu boli tou̒toonu. Wau Eeya olo lodudua̒ lokalaja pee̒-pee̒enta woli mongolio wau lopo bukuti mao̒ lotimbulude to momoo̒o-linggolabeyalo deu̒ polo habari limongolio otutu.] [

WUNGGULI LOMONGO RASULU 11:21

Kawasa lo Eeya woluo toli mongolio tilinggula dadaata talowali palacaya wau helohudu batangalio ode Eeya.

WUNGGULI LOMONGO RASULU 7:7

Bo Wau̒ mamo hukuumani mai bangusa tahemo powato olimongolio, wau timongolio malumualo monto lipu boito wau mamolubo ola-U̒ totambati botie.’

ROMA 8:31

Wolo umowali loi̒yanto botia pasali lou̒ ngoa̒amilalo boito? Wonu Allahu Taa̒ala motiwambao̒ ode olanto, tatoonu tamowali moluwali olanto?

TINGULI 31:23

Lapatao̒ Eeya lotahuda odelei Yosua, walae̒e Nun, tahudaa-Lio, “Mamusi yio̒ molotolo hilao wau buheli, Yosua! Yio̒ mamodelo bangusa lo Isirai̒lu tumuwoto ode lipu u pilodanti-U̒ mai olimongolio, wau Wau̒ mamo tulungi olimongolio.”

IBRANI 13:5

Diila mao̒ tutumulumu okawasa lou̒ motolia̒ngo todoi, bo mamusi timongoli olulia lohilao lou̒ wolo uwoluo toli mongoli. Sababu Allahu Taa̒ala malo tahuda, “Wau̒ diila tamo poluli meaalo mamololaa mao̒ olemu.”

YOSUA 1:5

Penu boli ngotaa mao̒ diaaluo tamambo mopoo̒laaheo̒ olemu, Yosua, ngotupa lo tutumulumu. Sababu Wau̒ malaito pee̒-pee̒enta wolemu debo odelo Wau̒ omoo̒omolu pee̒-pee̒enta wolei Musa.

MONGO HAKIMU 6:12

Malai̒kati lo Eeya boito lopo biloheo̒ batanga to olio, wau lotahuda, “Wuu, tabohulotau tamolotolo boli buheli daa̒! Eeya wolemu!”

MONGO HAKIMU 6:16

“Tantuulo yio̒ mowali!” tahuda lo Eeya, “Sababu Wau̒lo tamaa momantumu. Tau-tauwalo Midian mamowali antuluwomu mao̒ wolo gambangi, debo odelo yio̒ bo motaalua wolo ngotaalio wambao̒.”

MONGO HAKIMU 6:17

Tametao̒ lei Gideon, “Wonu watotia otu-otutuulo mao̒ aahudu lo Eeya, ambunguolo ntali wohia mai tuota tuwau deu̒ memangi Eeyaalo talongohi mai palenta boito ode watotia.

MONGO HAKIMU 6:21

Lapatao̒ malai̒kati lo Eeya boito lohudu mao̒ uluu̒lio lapatao̒ wolo huudu ayu u donggo dihudihu olio tilenggulio tapu wau roti boito. Botu boito yilumai̒ta tulusi lopobu yilaahu lomola tapu wau roti boito. Lapatao̒ yilooli lomola malai̒kati boito.

MONGO HAKIMU 7:11

De yio̒ mamoo̒ dungoheo̒ wolo u hebisalaa lomusu, wau sua̒li boito mamopowali olemu buheli moluhu.” Lapatao̒ malonao̒ tei Gideon wolei Pura, ode pilo tikemawa lomusu.

BOHULO SEMUEL 14:10

Bo wonu timongolio mei̒ nao̒ mai olanto ode limongolio, ito mamusi odito mola, sababu ui-uitolo tuotio deu̒ timongolio mailudu mai lo Eeya ode olanto.”