PILOTIMUA̒TA 29:9 - KITABI HABARI MOPIOHE

⁹ wau bintolo wohuta to olimongolio, lapatao̒ podutua mao̒ sulubani to lunggongi mongolio. Odi-odieelo mola pohuliilio mopo mantali olei Haruna wau mongo walai̒o. Timongolio wau wali mola limongolio musi momaya ola-U̒ odelo iimamu u ohiheo-hiheolo mao̒.

PILOTIMUA̒TA 29:9 ပူးပေါင်းရင်းမြစ်များ

PILOTIMUA̒TA 27:21

Tei Haruna wau mongo walai̒o musi mongulusi mao̒ tohe boito monto lolaango demola dumodupo totambati ilowoluwo-U̒, to bulemengo kaingi u ntaya-ntayanga totalu lo Bulua Daantia. Palenta boito musi pohutuwola u ohiheo-hiheolo mao̒ lotau Isirai̒lu wau waliilio mola.”

PILOTIMUA̒TA 28:1

“Tianga mao̒ tei Haruna tamo huhulamu wolo mongo walai̒o lei Nadab, Abihu, Eleasar wolei Itamar, wau potolomoduo mao̒ timongolio alihu mowali momaya ola-U̒ odelo iimamu.

PILOTIMUA̒TA 32:29

Ualei Musa ode suku Lewi, “Todulahee botie timongoli malo pohetu lobatanga lowali iimamu talomaya to Eeya lou̒ lomate yila-yilateelo mao̒ tau̒kekeei̒ wau mongo wutatumu, yi Eeya mongohi mai balakati-Lio to olemu.”

PILOTIMUA̒TA 40:15

Lapatao̒ lamahe mao̒ lowinulo debo odelo yilamahemu tiyamo limongolio, alihu timongolio olo mowali momaya ola-U̒ odelo iimamu. Wolo upacala lowinulo boito suku limongolio wawaalia mola modihu huhuloa̒a iimamu.”

IMAAMATI 8:1

Eeya lotahuda odelei Musa,

IMAAMATI 8:13

Lapatao̒ tio lopoa̒hu mongo walae̒e Haruna lodudulai ode talu. Pilopo pakelio mao̒ olimongolio kameja wau bintolo wohuta. Lapatao̒ dilutuwalio sulubani to lunggongi mongolio debo odelo upilo malentao̒ lo Eeya to olio.

IMAAMATI 8:33

Ngotilonggadu pitu hui mola timongoli diila mowali mololaa mao̒ Kema lo Eeya tunggula upacala pomantaliyalo olemu yilapato.

YIA̒APO 16:10

Yio̒, Kora, wau ngoa̒amila taulo Lewi maloo̒ toduo mai hulumati boito lonto Eeya – wau botia timongoli hemo hinggile u mowali iimamu olo!

YIA̒APO 16:35

Lapatao̒ Eeya lopodungga mai tulu uloo̒pobu tadulo hetuto limo lopulu lo tahemo podewo dupa boito.

YIA̒APO 16:40

Uito debo odelo poe̒ela ode bangusa lo Isirai̒lu deu̒ ngopohia wali lei Haruna, diaaluo penu boli ngotaa mao̒ tamowali monao̒ mai ode mesba u momobu mao̒ dupa ode Eeya. Taa u molambanga wuu̒du boito mapo binasaalo debo odelo tei Kora wau tahidudua̒ olio. Ngoa̒amilalo boito pilohutu mao̒ debo odelo upilo malentai lo Eeya odelei Eleajar lotimbulude olei Musa.

YIA̒APO 18:7

Bo wamabao̒ yio̒ wau mongo walau̒mu wambai̒o tamowali moponao̒ lotuugasi odelo iimamu, todelomo totoonulalo kalaja u owumbuta wolo mesba wau wolo uwoluo to Huwali Leidaa̒ Laba-labaalo mantali. Ui-uitolo titihulamu, sababu Wau̒ malongohi mai huhuloa̒a olimongoli odelo iimamu. Timii̒du taa udiila ohaku boito mahukuu-maniyolo mate wonu mohimbideo̒ uu̒u-pangowalo mantali boito.”

YIA̒APO 25:13

Tio wau waliilio mola tantuwo-U̒ mai odelo iimamu u ohiheo-hiheolo mao̒, sababu tio wolo odito olohu malo poduulua ola-U̒, Allahu Taa̒alaalio, wau malo powoluo mao̒ polodame duo̒lo dusa taulo Isirai̒lu.”

YIA̒APO 3:10

Bo tei Haruna wau mongo walai̒o musi bintao̒mu mao̒ u moponao̒ tuugasi odelo iimamu; ngopohia limongolio, penu boli tatoonu tamo himontala moponao̒ tuugasi boito musi hukuu-maniyolo mate.”

TINGULI 18:5

Monto ngoa̒amila suku lo Isirai̒lu, Eeya Allahu Taa̒ala limongoli malo lulaotao̒ suku Lewi mowali iimau u ohiheo-hiheolo mao̒.

IBRANI 5:10

wau Allahu Taa̒ala olo lopoi̒laalo o-Lio odelo Iimamu Daa̒, debo odelo ti Iimamu Melkisedek!

MONGO HAKIMU 17:5

Tei Mikha lohihilao maa otambati tuwau u hepo dewowalo. Tio helohutu mao̒ dengolo bui̒ balaahala wau ngopangge epod lapatao̒ lomudua̒ao̒ tala ngota lowalai̒o talolai̒ lowali iimamu.

BOHULO SEMUEL 2:30

Wau̒ Eeya Allahu Taa̒ala lo Isirai̒lu, muloololio mai malodanti mai, deu̒ ngaalaa̒mu wau malagaamu mamomaya to ola-U̒ odelo iimamu u ohiheo-hiheolo mao̒. Bo botia Wau̒ diilalo mokahandaki sua̒li boito! Sababu tamo hurumati ola-U̒, mahurumatio-U̒ bo tamohina ola-U̒, mahinaa-U̒.