PILOTIMUA̒TA 29:7 - KITABI HABARI MOPIOHE

⁷ Lapatao̒ hamawa mao̒ winulo upacala, poloohe mola toitaato lunggongio wau winuli mao̒ tio.

PILOTIMUA̒TA 29:7 ပူးပေါင်းရင်းမြစ်များ

JABURU 133:2

Tio debo odelo winulo moonu ohalaga u tiluwatio ode yitaato lunggonge Haruna, tulusi tilumolohe mola ode karaki lo boo̒lio.

JABURU 89:20

Muloololio mai daa̒ todelomo bibilohe tuwau, Eeya lotahuda mai ode wato lo Eeya utatapu wau molotolo hilao, “Wau̒ malo tulungi ngotaalio lo pahalaawani, ngotaalio lo tatilulaotu-U̒ lonto ulipu mapilo laiu̒u-U̒.

PILOTIMUA̒TA 28:41

Popohulia mao̒ pakeyangi boito to olei Haruna wutatumu wau mongo walai̒o. Winuli mao̒ timongolio wolo winulo jaitun; woleeto timongolio pomantaliyolo wau pohetuwolo u momaya ola-U̒ odelo iimamu.

PILOTIMUA̒TA 40:13

Popakea mao̒ pakeyangi iimamu olei Haruna, wau yilamahe mao̒ lowinulo alihu tio pohetuwolo u momaya ola-U̒ odelo iimamu.

YESAYA 61:1

Kawasa lo Eeya Taa Laba-labaalo molanggato woluo to olaatia; Eeya lolulaoto wau lolao olaatia u modelo habari mopiohu totaa mosikini wau mopoo̒luli taa u loa̒antulu daa̒ hilaalio; u mopo malalumu totaa tataahangi deu̒ timongolio hua̒a lopatolio, wau totau-tauwalo todelomo tutupa deu̒ timongolio malopatolio.

IMAAMATI 10:7

Diila mao̒ tolai Kema lo Eeya alihu timongoli diila mate, sababu timongoli mapilopo mantali wolo winulo upacala u momaya to Eeya.” Timongolio helohutu mao̒ debo odelo uiloi̒ya lei Musa.

IMAAMATI 21:10

Ti Iimamu Daa̒ mapilo mantali wolo dudelo u lopo tooheo̒ winulo upacala toitaato lunggongio wau wolo lopopake mao̒ pakeyangi li iimamu daa̒ to olio. Sababu uito tio diila mowali mopoluli mao̒ huwoi̒o moa̒puto meaalo mongedenga pakeyangilio odelo tuoto limilimi.

IMAAMATI 7:35

Monto ua̒alo u podewolo ode Eeya, tayade ui-uitolo u yilohilio odelei Haruna wau mongo walai̒o todulahee timongolio pilopo mantaliilio lowali iimamu.

JAKARIA 4:14

Tio luli loloi̒ya, “Uito yito duulota tamaa tilulaoto Eeya lo ngoilanggubu aalamu wau tilunu u momaya o-Lio.”

YIA̒APO 35:25

Dudunggaya lo umati musi moduo̒lao̒ taa u malomate yila-yilateelo mao̒ lou̒ diila sangaja boito to aanjamu lomongo ilaato lotaa u ilopatea yila-yilateelo mao̒. Tau boito musi muli deloolo ode kota potiduo̒lalo, tambati polahia lo batangalio. Tio musi motibiluloa̒ mota teto tunggula taa u tou̒ boito mowali Iimamu Daa̒ mailate; bolo lapatao̒ uito tio mowali mohualinga ode kambungu pilohuluta loduhulio. Bo wonu tio mololaa mao̒ kota potiduo̒lalo tambati pilolahia lo batangalio, tulusi ilodungga wau pilatelio yila-yilateelo mao̒ lomongo ilaato lotaa u ilopatea yila-yilateelo mao̒, yi huhutu u molontuli boito diila huhutu umomate mateelo mao̒.

YAHYA 3:34

Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

1 YAHYA 2:27

Bo tomimbihu olimongoli lohihilao, ti Almasi malo luwatai dadaata daa̒ Rohu-Lio olimongoli. Wau ngotilonggadu Rohu-Lio woluo toli mongoli, diila palalu woluo taawewo mongaajali olimongoli. Sababu Rohu-Lio mongaajali olimongoli pasali lo totoonulalo u hitua-tuawua; wau wolo u pilo ngaajali-Lio boito otutu, diila bo yimbulo. Sababu uito, mamusi timongoli modungohe tou̒ wolo u pilo ngaajali mai lo Rohu boito, wau mamusi timongoli debo tumutumulo motituwau woli Almasi.