PILOTIMUA̒TA 29:3 - KITABI HABARI MOPIOHE

³ Podutua mao̒ todelomo tapahula wau podewowa mai uito ode ola-U̒ pee̒-pee̒enta wolo bake losapi ulai̒ wau himba ulai̒ duluo.

PILOTIMUA̒TA 29:3 ပူးပေါင်းရင်းမြစ်များ

PILOTIMUA̒TA 29:2

Monto labu lotiligu u mopiohe daa̒, pohutua mao̒ popoi̒o u diila oragi. Ngotayadu lopopoi̒o boito musi pohutuwola roti wolo winulo jaitun, ngotayadio poli diila owinulo, wau labitio pohutua mao̒ kuukusi upilaide wolo winulo.

PILOTIMUA̒TA 29:4

Ahuli mao̒ tei Haruna wau mongo walai̒o monao̒ mai ode huhebu lo Kema-U̒ wau mopobelesi mao̒ batanga.

IMAAMATI 8:2

“Tianga mao̒ tei Haruna wau mongo walai̒o wau pii̒delowa mai pakeyangi li iimamu, winulo upacala, sapi ulai̒ buboto tuwau duo̒lo bake pongambungualo dusa, himba ulai̒ ngopanggalo wau ngokalanji roti udiila oragi.

IMAAMATI 8:26

Monto kalanji utua-tuanga roti diila oragi u mapilodewo ode Eeya, tei Musa lohama mao̒ roti ngobotu mohulodu u pilohutulio wolo winulo wau roti ngobotu u molipa. Roti boito dilutulio mao̒ toitaato tabo wau bungolopa lohimba olowala.

IMAAMATI 8:31

Lapatao̒ tei Musa loloi̒ya mao̒ odelei Haruna wau mongo walai̒o, “Tubuwalo tapu lobake boito totalu lohuhebu Kema lo Eeya. Moduduo̒ palenta lo Eeya, timongoli musi molamelao̒ tapu boito teto wolo roti lobake pomantaliyalo uwoluo todelomo kalanji.

YIA̒APO 6:17

Pee̒-pee̒enta wolo roti ngokalanji boito, tio musi mopodewo himba ulai̒ boito ode Eeya odelo bake lo polodame. Wau olo bake pohinta wau bake lo minumani boito musi podewolio ode Eeya.