PILOTIMUA̒TA 28:4 - KITABI HABARI MOPIOHE

⁴ Ahuli mao̒ olo timongolio mohutu tau̒bu duhelo, boo̒ li iimamu, jumba, kameja okalawo, sulubani wau bintolo wohuta. Pakeyangi li iimamu boito musi pohutuo mao̒ limongolio odelei Haruna tamo huhulamu wau mongo walai̒o alihu mowali momaya ola-U̒ odelo iimamu.

PILOTIMUA̒TA 28:4 ပူးပေါင်းရင်းမြစ်များ

OLUO LO SAMUEL 6:14

Lapatao̒ tei Dauda helo ngelu-ngelungo wolo lealeaatu lo sumangati u mohurumati to Eeya. Tou̒ boito tio bo pakepake palipa limbulimbu lo lineni u pilopo bintolo to wohutalio.

PILOTIMUA̒TA 25:7

hidala-dalaala botu polioto u ilaatulu to epod wau tau̒bu duhelo li Iimamu Daa̒.

PILOTIMUA̒TA 29:6

Podutua mao̒ sulubani to lunggongio wau popohulia mao̒ to sulubani boito polomu hulawa wolo paisaka ‘Pohetuwola ode Eeya’.

PILOTIMUA̒TA 39:28

olo sulubani, destari wau talala limbu-limbuo̒ monto lineni

YESAYA 11:5

Tio mohutu mao̒ wolo aadili wau tatapu boli molotolo hilao todelomo totoonulalo u hitua-tuawua.

YESAYA 59:17

Eeya helomake ua̒adili wau osalaamati odelo boo̒ wate wau heelemu waja. Eeya oteekati u moponguli owowoluwoa wau molontuli mai udiila aadili.

HOSEA 3:4

Odi-odieelo mola sua̒liilio wolo bangusa lo Isirai̒lu; lohiheo daa̒ timongolio musi tumumula lou̒ diila o olongia meaala tau̒wa, diaaa̒ bake meaala tutuu-guwaalo aulia, diaaa̒ babaa-laahalaalo meaala jijii-matiyaalo u mopoo̒taa mai hitua-tuawua u milakusudu hetuuo̒lo todulahee momooli.

EPESUS 6:14

Mamusi timongoli mopoo̒ daha-dahaalo mao̒. Pomakea mao̒ otatapu wau molotolo hilao duo̒lo Allahu Taa̒ala odelo bintolo wohuta, wau otuulusi odelo boo̒ watemu.

1 TESALONIKA 5:8

Bo ito botie tau-tauwalo tahituwota todulahe u mobaango; sababu uito pikiilanginto musi mobaango. Ito musi debo palacaya to Eeya wau motolia̒ngo tau-tauwalo wewo wau motiwunela lou̒ yakini deu̒ Allahu Taa̒ala aahu mai olanto. Uitolo tingolo u moduo̒lai olanto todelomo mohipate moluwali u modio̒lomo.

WAHI 9:17

Wau todelomo bibilohu, watia loo̒onto mola wawaa-dalawaalo boito wau jojookilio. Jojookilio boito hipakea boo̒ wate u lakulio meela hilei̒ta, debo odelo iintani lakulio moidu debo odelo botu lonilamu, wau molalahu walirangi. Lunggongo wawaa-dalawaalo boito debo odelo lunggongo singa, wau lonto tunggilio yilumualai tulu, poloo̒, wau walirangi.

BOHULO SEMUEL 2:18

Tou̒ boito, tei Semuel tadonggo ukikiia̒ boito tulusi hemomaya to Eeya. Tio helomake boo̒ tolomodu lonto kaingi lineni, debo odelo boo̒ ibaadati lomongo iimamu.

BOHULO SEMUEL 22:18

Sababu uito malo loi̒ya tei Saul odelei Doe̒g, “Ntali aliheo̒! Yio̒olo tamomate olimongolio mate-mateelo mao̒!” Yi malo dudulao̒ tei Doe̒g wau hepilatelio yila-yilateelo mao̒ mongo iimamu boito. Todulahee boito tio loo̒pate yila-yilateelo mao̒ walu lopulu lota iimamu tao̒haku momake boo̒ li iimamu.

BOHULO SEMUEL 23:6

Tou̒ tei Abyatar walae̒e Ahimelek lolahi odelei Dauda, wau lodudua̒ olei Dauda ode Kehila, tio olo lodelo mota boo̒ li iimamu.

BOHULO SEMUEL 30:7

Lapatao̒ tei Dauda loloi̒ya mao̒ odeli Iimamu Abyatar walae̒e Ahimelek, “Delowa mai boo̒ li iimamu boito odia!” Yi tei Abyatar malodelo boo̒ li iimamu boito ode olio.