PILOTIMUA̒TA 25:8 - KITABI HABARI MOPIOHE

⁸ Ahuli mao̒ bangusa boito mopo tihulo kema tuwau ode Olau̒, alihu Wau̒ mowali motibiluloa̒ tohuungi mongolio.

PILOTIMUA̒TA 25:8 ပူးပေါင်းရင်းမြစ်များ

BOHULO MONGO OLONGIA 6:13

Wau̒ mamo tibiluloa̒ todelomo bele u bongulomu botie tohuungo umati-U̒ Isirai̒lu. Wau̒ diila tamololaa olimongolio.”

BOHULO TAWARI 22:19

Oditolio, patutilio timongoli motiwato to Eeya Allahu Taa̒ala limongoli wolo lealeaatu loyiwa batangamu. Tumulailo momongu bele ode Eeya, alihu Bulua Daantia-Lio wau ngoa̒amila pakaakasi wewo u pomake tolomodu u poi̒baadatiala mowali potambatiyalo teto.”

PILOTIMUA̒TA 15:17

Lapatao̒ Isirai̒lu dilepitu-Mu ode tambati u tilulaotu-Mu upoti biluloa̒a-Mu. Timongolio lotitatapu to huludu-Mu u mantali, to Bele u bilongu-Mu lohihilao.

PILOTIMUA̒TA 15:2

Eeya tamoodulua olau̒ tamolotolo; Tiolo talo poa̒ahu olau̒. Tio Allahu Taa̒alau̒, wau̒ ohilaa momuji mola o-Lio, Allahu Taa̒ala tahe pujaa linene moyaau̒, pou̒daa̒au̒ Tio.

PILOTIMUA̒TA 29:45

Wau̒ mamo tibiluloa̒ tohuungo bangusa lo Isirai̒lu, wau mowali Allahu Taa̒ala limongolio.

PILOTIMUA̒TA 29:46

Timongolio mamotota mao̒ deu̒ Wau̒lo Eeya Allahu Taa̒ala limongolio talodelo olimongolio, yilumualao̒ lonto Masiri, alihu Wau̒ mowali motibiluloa̒ tohuungi mongolio. Wau̒lo Eeya Allahu Taa̒ala limongolio.”

YESAYA 12:6

Potinga-tingalao̒lo wolo wengahu wuu ulipu lo Sion, polahuwalo mola wolo wengahu. Allahu Taa̒ala mantali lo Isirai̒lu otutu molamahu, Eeya bilu-biluloa̒a tohuungi mongoli.”

YEHESKIEL 37:26

Wau̒ mamohutu mai daantia tuwau woli mongolio u momanta oa̒amani limongolio tunggula ohiheo-hiheolo mao̒. Wau̒ mamo balakati mai wau moduhenga jumulaa limongolio. To huta limongolio mabongulo-U̒ Bele-U̒ u debo mola teto u ohiheo-hiheolo mao̒.

YEHESKIEL 37:28

Wonu Bele-U̒ mailoluo to huungi mongolio u ohiheo-hiheolo mao̒, yi otaawalo mao̒ lo babaa-ngusawalo wewo deu̒ Wau̒, Eeya, malo lulaotai Isirai̒lu lowali umati-U̒ lohihilao.”

YEHESKIEL 43:7

“Wuu manusia panaa, uti-utieelo tambati huhuloa̒a-U̒. Teteewelo Wau̒ mamoti biluloa̒ tohuungo umati lo Isirai̒lu wau momalenta olimongolio ohiheo-hiheolo mao̒. Mopio timongolio, meaalo mongo olongia limongolio, diilalo mopokootolo tanggulu-U̒ u mantali wolo molubo balaahala meaalo wolo molobungo milate lomongo olongia limongolio totambati botie.

IMAAMATI 10:4

Lapatao̒ tei Musa malo tiangai olei Misael wolei Elsapan, mongo walae̒e Ujiel, pou̒wama lei Haruna. Ualio mao̒ ode limongolio, “Ponao̒lo mai odia, hamawa mao̒ milate lo pohutatamu tutu monto Kema lo Eeya wau pobalata mao̒ to bulemengo kema.”

IMAAMATI 26:11

Wau̒ mamo tibiluloa̒ towolota limongoli todelomo Kema-U̒, wau diila tamopo touli olimongoli.

IMAAMATI 4:6

Lapatao̒ tio musi mopolomo mao̒ tingongoa lo uluu̒lio ode delomo duhu boito wau mopo molotia̒ao̒ poo̒opitu totalu lopodehu ulopo walahe Huwali Leidaa̒ Mantali.

JAKARIA 2:10

Eeya lotahuda mai, “Polahualo mola wolo wengahe wuu ulipu lo Yerusalemu! Wau̒ mamo tibiluloa̒ tohuungi mongoli!”

JAKARIA 8:3

Wau̒ mamuli mohualinga ode Yerusalemu, kotaa-U̒ umantali boito, wau motibiluloa̒ mola teto. Yerusalemu mao̒onuhe odelo kota u tatapu wau molotolo hilao, wau huludu Eeya Taa Laba-labaalo kawasa mau̒nteelo Huludu Mantali.

YIA̒APO 5:3

Timongolio musi poloo-ntulolo, alihu diila moo̒ najisi kema, tou̒toonu Wau̒ bliu-biluloa̒ pee̒-pee̒enta wolo umati-U̒.”

WUNGGULI LOMONGO RASULU 7:44

Kema tambati lo Allahu Taa̒ala dungga-dungga mai ode manusia woluo tolinene moyaanto tohuta datahu u luasi daa̒ wau delita. Kema boito pilohutulio topalenta lo Allahu Taa̒ala odelei Musa wau lodudua̒ pongawaa̒ upilo bilohei lo Allahu Taa̒ala odelei Musa.

2 KORINTUS 6:16

Wolo wumbutalio towolota Bele lo Eeya wolo bele lo balaahala? Ito botie Bele lo Eeya, deu̒ito-yito Allahu Taa̒ala tatumu-tumulo. Allahu Taa̒ala lohihilao lotahuda, “Wau̒ mamo tibiluloa̒ tohuungi mongolio, wau tumumulo pee̒-pee̒enta woli mongolio. Wau̒ mamowali Allahu Taa̒ala limongolio, wau timongolio mamowali umati-U̒.

TINGULI 12:11

Lapatao̒ Eeya Allahu Taa̒ala limongoli mamolulaoto tambati tuwau tou̒toonu Tio musi tuboolo. Odito motaalo umusi ponao̒wa limongoli modelo mota ngoa̒amila u mapilo malenta-U̒ mai, deu̒yito-yito bake yilalango wau babaa-keyaalo wewo, dewo ngotayade mopulu wau dewo poheetu u pilodanti limongoli ode Eeya.

IBRANI 3:6

Boti Isa Almasi tatapu wau molotolo hilao odelo Walao̒ tatihu-tihula duo̒lo Bele lo Allahu Taa̒ala. Wau ito botieelo Bele lo Allahu Taa̒ala, wonu ito debo osumangati wau debo yakini u moo̒tapu mai wolo u hehalaa-puwonto.

YOSUA 22:31

Lapatao̒ ualei Pinehas, walai̒ Iimamu Eleajar, ode tau-tauwalo suku Ruben, Gad wau Manasye Tiimuru, “Botia ilotaawa mao̒ lami deu̒ Eeya wolanto, sababu timongoli diila moluwali Olio. Timongoli malo poa̒ahu umati lo Isirai̒lu lonto hukuumani lo Eeya.”

WAHI 21:3

Lapatao̒ watia loo̒dungohe suala lonto tambati huhuloa̒ li olongia boito longiibode wolo loo̒ohuu̒, “Botia tambati biluloa̒ lo Allahu Taa̒ala yito pee̒-pee̒enta wolo manusia! Tio matumumulo woli mongolio wau timongolio mamowali umati-Lio. Allahu Taa̒ala lohihilao mawoluo mai woli mongolio wau mowali Allahu Taa̒ala limongolio.