PILOTIMUA̒TA 24:18 - KITABI HABARI MOPIOHE

¹⁸ Lapatao̒ tei Musa tulusi lotao̒dee mola dilumutu tio tilumuotao̒ ode delomo heenga boito. Wopato pulu hui wau dulahu tei Musa helo tibiluloa̒ teto.

PILOTIMUA̒TA 24:18 ပူးပေါင်းရင်းမြစ်များ

BOHULO MONGO OLONGIA 19:11

“Lualoolo monto gowa boito,” tahuda mai lo Eeya olio, “wau tihuloolo motitalu ode ola-U̒ toitaato hui̒du.” Lapatao̒ Eeya yilumaodeo̒ teto, tilolode lodupoto u hihiipa loo̒ohuu̒ daa̒ tilinggula huhuu-luduwaala lobutao̒ wau huhuu-ideyaalo lopoo̒. Bo Eeya diila lopo bilohei batanga todelomo dupoto boito. Lapatao̒ dupoto boito yiloole mao̒, malowali mai liluhu, bo todelomo liluhu boito olo Eeya diila lopo bilohei batangaa.

BOHULO MONGO OLONGIA 19:8

Tei Elia lobongu, tulusi lolamelo wau longilu. Yi tio malo lotolai wau loo̒onao̒ wopato pulu hui mola hiheolio ode Hui̒dee Sinai, tambati lo Allahu Taa̒ala helo pobilohei batanga.

PILOTIMUA̒TA 19:20

Eeya lotuhutai ode balitutuo̒ Hui̒dee Sinai, wau lotianga olei Musa u motao̒de mola ode balitutuo̒ hui̒dee boito. Lapatao̒ tei Musa malo tao̒dee mola,

PILOTIMUA̒TA 25:1

Eeya lotahuda odelei Musa,

PILOTIMUA̒TA 32:1

Tou̒ bangusa lo Isirai̒lu loo̒onto deu̒ Tei Musa lohiheo daa̒ diila lotuhutai lonto hui̒du, bo debo donggo teto mola olo, timongolio helo tia̒mbu mai odelei Haruna wau malo loi̒ya olio, “Diila otaawanto wolo ulowali to olei Musa, taa u malodelo mai olanto yilumualai lonto Masiri; oditolio pohutua mai olami ila umodelo olami.”

PILOTIMUA̒TA 34:28

Wopato puluhui wau dulahu tei Musa lotitolaa teto pee̒-pee̒enta wolo Eeya, wau ngotilonggadu uito tio diila lolamela wau diila longilu. Tataa-heyaalo daantia boito, deu̒yito-yito Mopulu Palenta Allahu Taa̒ala, tiluladio mao̒ topitango botu.

PILOTIMUA̒TA 9:29

Ualei Musa odeli olongia, “Molamemeto lapatio mao̒ watia meidungga mota ode bulemengo kota, watia mamo mintaa̒ao̒ uluu̒ u modua̒ mola ode Eeya. Bulonggodu mamohuheli wau didi esi mamoole, alihu otaawa mao̒ li Tuani lowatotia deu̒ dunia botie miliki lo Eeya.

PILOTIMUA̒TA 9:33

Lapatao̒ tei Musa lololaa mao̒ oli olongia wau lonao̒ ode bulemengo kota; mola teto tio lomintaaa̒ mola uluu̒lio u lodua̒ ode Eeya. Tou̒ boitolo mola malo huheli bulonggodu, didi esi wau didi.

POHUMAYA 28:1

Taa moleeto tumeteo̒ diaaluo tamo hilapito olio, bo taa juujulu, buheli debo odelo singa.

MATIUSI 4:2

Wopato pulu hui ti Isa diila lolamela. Lapatao̒ Tio mapilolango.

MARKUSI 1:13

Wopato pulu hui Tio mota teto, heilimontala lo Ibilisi. Bibii-natangiyalo u molinggelo woluo olo mota teto pee̒-pee̒enta wo-Lio, wau mamaa-lai̒katiyalo helohinta o-Lio.

LUKASI 4:2

Mota teto Tio yilimontala lo Ibilisi wopato pulu hui mola hihewolio. Ngohilayao̒ wakutu boito Tio diila lolamela wolo-wolo. Oditolio tou̒ pulitio mao̒ Tio mapilolango.

TINGULI 10:10

“Wopato pulu hui wau dulahu watia bilu-biluloa̒ toitaato hui̒du debo odelo u pilohutu lowatia bohulio. Pee̒entapo Eeya lodungohei olaatia, wau Tio akolo u diila mopobinasa mai olimongoli.

TINGULI 5:31

Bo yio̒, Musa, muli pohualingai wau potibiluloo̒lo teea wola-U̒; to olemu mawohiya-U̒ mai ngoa̒amila butoo̒ wau palentaa-U̒. Poa̒ajalia mao̒ olimongolio, alihu timongolio modungoheo̒ tolipu uwohi-U̒ mai olimongolio.’

TINGULI 9:18

Lapatao̒ pee̒entapo watia losujudu mola totalu lo Eeya to bolitutuo̒ hui̒du ngotilonggadu wopato pulu hui wau dulahu, lou̒ diila lolamelo wau longilu. Uito pilohutu lowatia sababu timongoli mailodusa to Eeya lou̒ lohutu mao̒ wolo u ilanggapu-Lio moleeto, tilinggula Tio lomuluka.

TINGULI 9:25

Otaawa lowatia Eeya oteekati ohilaa mopobinasa mai olimongoli. Yi ngotilonggadu wopato pulu hui wau dulahu watia helo sujudu totalu lo Eeya

TINGULI 9:9

Watia lotao̒de hui̒dee boito mola lololimo mai botu lodaantia u pilohutu lo Eeya woli mongoli. Wopato pulu hui wau dulahu hiheolio watia lotibiluloa̒ toitaato hui̒dee boito lou̒ diila lolamelo wau longilu.