PILOTIMUA̒TA 24:16 - KITABI HABARI MOPIOHE

^16-17 Tinelo owoluo lo Eeya lotuhutai odeitaato hui̒dee boito wau taulo Isirai̒lu heloo̒onto debo odelo tulu ulei̒-lei̒ita to bolitutuo̒ hui̒du. Wolomohui mola hiheolio heengo helolau̒bei hui̒dee boito, wau todulahee opitulio Eeya lotianga olei Musa lonto heenga boito.

PILOTIMUA̒TA 24:16 ပူးပေါင်းရင်းမြစ်များ

JABURU 99:7

Monto patoo̒ heengo Eeya helo tahuda toli mongolio, timongolio lodungohe to ngoa̒amila butoo̒ wau palenta lo Eeya.

PILOTIMUA̒TA 16:10

Tou̒ tei Haruna donggo hemobisala mao̒ ode limongolio ngoa̒amila, timongolio helo milohe mota ode huta udatahu wau luasi udelita wau debolo tinelo Eeya maa iloontonga mola todelomo heengo.

PILOTIMUA̒TA 19:11

Ngoonu timongoli musi malei dapato. Todulahee boito Wau̒ mamolaahei ode hui̒dee Sinai, tambati lotaa ngoa̒amila mowali momilohe ola-U̒.

PILOTIMUA̒TA 20:10

bo todulahee u opitulio yi todulahee u tolomodu pohuheliyalo ode ola-U̒. Todulahee boito diaaluo penu boli ngotaa mao̒ tamowali mokalaja, mopio timongoli, meaalo mongo walau̒mu, mongo watomu, bibiahumu meaalo tau deli tahi biluloa̒wa tolipumu.

YESAYA 4:5

Lapatao̒ toitaato Huludu Sion wau ngoa̒amila taa u hia̒mbua mota teto Eeya mopowali heengo tou̒ dulahu, wau poloo̒ wau lei̒to u mobaango tou̒ hui. Allahu Taa̒ala lohihilao wolo kawasaa-Lio mamo henggube wau moduo̒la ngoilanggubu kota boito.

YEHESKIEL 1:28

wau o tumba hidala-dalaala debo odelo duhi lobutu. Ui-uitoolo baango inta mao̒ inta mao̒ u mopobilohei owoluo lo Eeya. Loo̒onto mao̒ uito, watia lodehu leibalata mola tohuta. Lapatao̒ ilodungohe lowatia suala u

IMAAMATI 9:23

Lapatao̒ tei Musa wolei Haruna tilumuwotao̒ ode delomo Kema lo Eeya. Lapatao̒ uito timongolio yilumualai wau helo balakati mao̒ umati. Tulusi ngoilanggubu umati lo Isirai̒lu loo̒onto tinelo owoluo lo Eeya.

IMAAMATI 9:6

Lapatao̒ tei Musa loloi̒ya mao̒, “Eeya lopoa̒hu mai olimongoli mopohutu mao̒ utie alihu timongoli mowali momilohe tinelo owoluo lo Eeya.”

YIA̒APO 14:10

Ngoilanggubu ulipu monganjamu mamomai̒ olimongolio wolo botu tunggula mate. Bo debolo tau-tauwala boito loo̒onto mao̒ tinelo umilato lo Eeya yilumenetai lonto yitaato Kema-Lio.

YIA̒APO 16:42

Tou̒ timongolio donggo hia̒mbua helo luwali olei Musa wolei Haruna, timongolio loili mota ode Kema lo Eeya, wau loo̒onto mota heengo lolau̒bei Kema boito, tulusi iloontonga tinelo owoluo lo Eeya.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

WAHI 1:10

To dulahu Eeya, watia kiluwaasa lo Rohullah tulusi watia loo̒dungohe suala daa̒ – debo odelo tingohu torompeti – hemo tahuda mai towulea lowatia.