PILOTIMUA̒TA 24:14 - KITABI HABARI MOPIOHE

¹⁴ Tei Musa malo lahuli tomongo tau̒wa lo Isirai̒lu, “Yimailo mao̒ to pilokemawa botie dilumutu ami mohualingai. Tei Haruna wolei Hur woluo pee̒-pee̒enta woli mongoli tewe. Tatoonu tao̒ sua̒li, mowali motaalua woli mongolio huna moo̒tapu mao̒ lapatio.”

PILOTIMUA̒TA 24:14 ပူးပေါင်းရင်းမြစ်များ

ILOOWALI 22:5

Lapatao̒ tio malo loi̒ya mao̒ ode watolio duulota boito, “Potitolaapo tewe timongoli wolo kolodai botie. Wau̒ wau walau̒uu̒ mamonao̒ odito mola molubo Eeya, de ami muli mohualingai ode olemu.”

PILOTIMUA̒TA 17:10

Tei Yosua helohutu mao̒ wolo u pilomalenta lei Musa to olio. Tio malonao̒ mota loluhu taulo Amalek, hiambola tei Musa, Haruna wolei Hur helo tao̒de hui̒dee demola balitutui̒o.

PILOTIMUA̒TA 17:12

Tou̒ tei Musa maloongolo, tei Haruna wolei Hur mohama mao̒ botu tuwau alihu tei Musa mowali motihuloo̒; tei Haruna wolei Hur tihu-tihulo to oloihi wau to olowala lei Musa u molumude uluu̒lio alihu debo binta-bintaaa̒ demola dulahee tumolopa mota.

PILOTIMUA̒TA 18:16

Wonu timongolio mobuutola, timongolio motaalua wolaatia alihu watia momutoa̒ao̒ palakala limongolio, wau watia mopo tunggulao̒ ode limongolio palenta wau butoo̒ lo Allahu Taa̒ala.”

PILOTIMUA̒TA 32:1

Tou̒ bangusa lo Isirai̒lu loo̒onto deu̒ Tei Musa lohiheo daa̒ diila lotuhutai lonto hui̒du, bo debo donggo teto mola olo, timongolio helo tia̒mbu mai odelei Haruna wau malo loi̒ya olio, “Diila otaawanto wolo ulowali to olei Musa, taa u malodelo mai olanto yilumualai lonto Masiri; oditolio pohutua mai olami ila umodelo olami.”

BOHULO SEMUEL 10:8

Lapatao̒ uito yio̒ musi monao̒ ode Gilgal wau mohima mola teto pituhui mola. De wau̒ monao̒ mai mopodewo bake yilalango wau bake lo polodame, boli mopoo̒taa mai olemu wolo u musi pohutuwomu.”