PILOTIMUA̒TA 23:32 - KITABI HABARI MOPIOHE

³² Diila mao̒ pohutu daantia wolo tau-tauwala boito meaalo wolo ila-ila limongolio.

PILOTIMUA̒TA 23:32 ပူးပေါင်းရင်းမြစ်များ

JABURU 106:35

Timongolio tumbao̒ helo ulambohe wolo babaa-ngusawalo boito, wau heloo̒ baaya dudelo lotaa diila hitootawa to Allahu Taa̒ala.

PILOTIMUA̒TA 23:13

Poo̒tuota mao̒ totoonulalo u mapilo tahuda-U̒ mai ode limongoli. Diila mao̒ polubo ila-ila wewo, tumbao̒ molanggula tanggulio olo diila mowali.”

PILOTIMUA̒TA 23:24

Diila mao̒ polubo bubuu-iyaalo u mooduo̒lawa olimongolio wau diila mao̒ poduduo̒ dudelo limongolio moi̒baadati. Antulua mao̒ bubuu-iyaalo mooduo̒lawa olimongolio boito wau bolia mao̒ wowoo-lihiyaalo botu u hepomake limongolio u moi̒baadati.

PILOTIMUA̒TA 34:12

Diila mao̒ podaantia wolo tau-tauwala tolipu unao̒o mola limongoli, sababu sua̒li boito bo mowali hentobu umoo̒ sababu mautu olemu.

PILOTIMUA̒TA 34:15

Diila mao̒ pohutu daantia wolo bangusa tolipu boito, sababu tou̒ timongolio molubo wau mopodewo mao̒ bake ode ila-ila limongolio, timongolio mamo heinga olimongoli, wau timongoli mamo dudua̒a olo.

2 KORINTUS 6:15

Diila pongalo aakali ti Almasi moheeluma wolo Ibilisi. Wolo otutuu-wauwalio towolota taulo Nasara wolo taa diila Nasara?

TINGULI 20:18

Pateyaalo timongolio mate-mateelo mao̒, alihu timongolio diila moo̒ hutu olimongoli odusa to Eeya Allahu Taa̒ala limongoli wolo mongaajali olimongoli mohutu totoonulalo huhutu umoo̒ jijio̒ duo̒lo ila-ila limongolio.

TINGULI 31:5

Eeya mamongohi olimongoli u moo̒ohaama toli mongolio, lapatao̒ timongolio musi pohutuo mao̒ limongoli tuhata debo odelo uiloi̒ya mai lowatia ode limongoli.

TINGULI 7:1

“Eeya Allahu Taa̒ala limongoli mamodelo olimongoli ode lipu u mapoti biluloa̒ limongoli, wau dadaata bangusa mapolahio-Lio monteeto. Totalu lomatomu Tio mamopolahi mao̒ pitu bangusa talebe udaa̒ wau molotolo woli mongoli, deu̒yito-yito tau-tauwalo Het, Girgasi, Amori, Kanaa̒n, Peris, Hewi wau Yebus.

TINGULI 7:16

Timii̒du bangusa tawuduo mai lo Eeya Allahu Taa̒ala limongoli ode delomo kawasa limongoli musi pobinasa mao̒ limongoli; diila mao̒ pobilohe tolia̒ngo ode limongolio. Diila mao̒ polubo ila-ila limongolio, sababu huhutu boito moo̒toduo mai topotala ode limongoli.

TINGULI 7:2

Wonu bolo Eeya Allahu Taa̒ala limongoli mohudu mai babaa-ngusawalo boito ode delomo kawasaamu wau timongoli mopoo̒laaheo̒ olimongolio, pateaalo timongolio ngoa̒amila mate-mateelo mao̒. Diila mao̒ tolia̒ngi timongolio meaalo mohutu daantia woli mongolio.

YOSUA 10:40

Ngoilanggubu lipu boito tilaa̒aluku lei Yosua. Tio lopoo̒laaheo̒ mongo olongia tolipu hihui̒-hui̒dea, to bibii-nggiyaalo huludu to ambahu tiimuru, bubuu-ngowaalo hui̒dee to ambahu otolopa, to huhuu-tawaalo datahu wau luasi to ambahu huliaalio. Diaaluo penu boli ngotaa mao̒ tailulia hitumula; ngoa̒amilalo pilatelio yila-yilateelo mao̒. Uito tutuuu̒de wolo palenta lonto Eeya Allahu Taa̒ala lo Isirai̒lu.

YOSUA 9:7

Bo tau-tauwalo Isirai̒lu loloi̒ya mao̒, “Pongola amiaatia mohutu daantia woli mongoli? Tanu tambati pilo tibiluloa̒ limongoli hiwimbide wambai̒o monteea!”

MONGO HAKIMU 2:2

Sababu uito timongoli diila mowali mohutu mao̒ buuhuta u hitua-tuawua wolo tuango lipu botie. Memees-bawaalo limongolio musi lolohubua mao̒ limongoli.’ Bo timongoli diila helohutu wolo u mapilo malentaa-U̒ mai boito. Tumbao̒ timongoli malohutu u boboolia̒!