PILOTIMUA̒TA 23:31 - KITABI HABARI MOPIOHE

³¹ Sisii-patiyala lo lipumu tantuwo-U̒ mao̒ monto Wulungo lo Akaba demola dutulaa Eperat, wau monto Lau Tenga demola huta udatahu wau luasi udelita. Timongoli wohiya-U̒ mai kawasa to tuango lipu boito, tilinggula timongolio mowali polontulo limongoli tou̒ timongoli momaju mohama huta boito.

PILOTIMUA̒TA 23:31 ပူးပေါင်းရင်းမြစ်များ

ILOOWALI 15:18

Tou̒ boitolo Eeya lohutu mai daantia wolei Abram. Tahuda lo Eeya, “Wau̒ modanti mai mamongohi ode waliimu ngoilanggubu huta botie, tumulalo mao̒ monto sipatana lipu lo Masiri demola dutulaa Eperat,

BOHULO MONGO OLONGIA 11:2

Eeya malo malentai deu̒ taulo Isirai̒lu diila mowali monika mou̒ulaua wolo babaa-ngusawalo boito, sababu timongolio de mamoo̒ sababu taulo Isirai̒lu molubo ila-ila wewo. Eleponu odito, tei Salomo helonika olo wolo mongobua deli.

BOHULO MONGO OLONGIA 20:13

Tou̒ boito, ngotaalio lonabi lonao̒ mota odeli Olongia Ahab wau loloi̒ya mao̒, “Eeya lotahuda mai: ‘Iloontongamu suludadu dadaata boito? Wau̒ mamongohi olemu u moo̒haama toli mongolio todulahee botie. Yio̒ mamotota mao̒ deu̒ Wau̒lo Eeya.’ ”

BOHULO MONGO OLONGIA 4:21

Timii̒du ngaalaa̒ o ilengi lo angguru wau o ilengi lo ara. Ngotupa lo tutumulo lei Salomo ulipu to ngilanggubu lo Yehuda wau Isirai̒lu monto Dan demola Barsyeba hitumula lou̒ aamani wau maa̒amulu. Sababu ngoa̒amila olongia to ambahu otolopa lo Eperat taa̒aluku to olio, wau ngoa̒amila bangusa lonto lilii-puwaalo totili lo yilaidialio helo panggala wolio. Huta to ambahu otolopa lo Dutulaa Eperat lonto Tipsah tobiihu Dutulaa Eperat tulusi ode otolopa ode kota Gasa to Pilistin demola sipatana lo Masiri, ngoa̒amilalo tokawasa lei Salomo. Babaa-ngusawalo tolipu boito taa̒aluku to olio wau hemo mayali doi hulawa wau uwewolio mao̒ uwajibu pomayali odeli olongia. Babaa-langiyolo ua̒alo u hepalaluo lei Salomo yito limo lolihu labu moa̒aluti, mopulu lolihu liiteri labu bangganga, mopulu sapi lo lantunga, duluo sapi lohuta udatahu wau luasi, wau ngohetuto himba. Uwewo mao̒ leeto, olo buu̒lu, kiijangi, menjaangani wau binatangi opolipio̒ o oa̒ato duluo.

BOHULO MONGO OLONGIA 8:65

To Bele lo Eeya boito tei Salomo wau ngoilanggubu umati lo Isirai̒lu helohutu rameyangi Wombohe Duungo ngotilonggadu pitu hui mola. Mailaba daatalio jumulaa lotaa u helo tia̒mbu teto. Timongolio lonao̒ mai lonto madala ngoilamingo Dalalo Hamat totilayo demola sipatana lo Masiri to huliaalio.

OLUO TAWARI 9:26

Tio okawasa to ngoa̒amila olongia tomadala ubua̒-bua̒ade monto Dutulaa Eperat demola lipu lo Pilistin wau sipatana lo Masiri.

JABURU 72:8

Yilaidialio mamoluasi monto deheto ode deheto, bua̒bua̒de monto tiimuru demola otolopa.

YIA̒APO 21:34

Eeya lotahuda mai odelei Musa, “Diila mao̒ oohe to olio. Wau̒ mamongohi mai olemu ohohaama. Yio̒ mamo poo̒laaheo̒ olio, ngoilanggubu ulipulio wau lipulio. Pohutua mao̒ tio debo odelo u mapilo hutumu toli Olongia Sihon tahemo malenta to Hesybon.”

YIA̒APO 34:2

palenta botie ode bangusa lo Isirai̒lu, “Donggo ngopee̒ mola timongoli matumuwota ode lipu lo Kanaa̒n, lipu uwohi-U̒ mai olimongoli odelo huta pusaka. Uti-utieelo sisii-patanawalo lolipumu boito.

TINGULI 1:7

Botia longgalalo kemamu wau ponao̒lo mola ode madala hihui̒-hui̒dea taulo Amori wau ode ngoilanggubu madala topalitio, madala ohuludu wau datahu tudutudu, madala to ambahu huliaalio wau pentadu lo Lau Tenga. Ponao̒lo mola wau huloi̒ mao̒ huta lo Kanaa̒n wau Hihui̒-hui̒dea lo Libanon demola dutulaa daa̒ lo Eperat.

TINGULI 1:8

Wau̒, Eeya, malodanti mai ngoilanggubu huta boito ode loluuhurumu tei Abraham, Isihaka wolei Yako wau wali mai limongolio. Oditolio ponao̒lo mota motihuloa̒ tohuta boito.’ ”

TINGULI 11:24

Timii̒du madala u potidutaa̒ limongoli mowali miliki limongoli. Madala limongoli bua̒bua̒ade monto huta luasi udelita to huliaalio demola hihui̒-hui̒dea lo Libanon totilayo, wau monto Dutulaa Eperat totiimulu demola Lau Tenga to otolopa.

TINGULI 2:33

Bo Eeya Allahu Taa̒alanto lohudu mai olio ode olanto, lapatao̒ ito lopoo̒laaheo̒ olio pee̒-pee̒enta wolo mongo walai̒o wau ngoilanggubu suludadulio.

TINGULI 2:36

Wolo polo tulungi lo Eeya Allahu Taa̒alanto, ito lowali lohama mao̒ ngoa̒amila kota boito, tumulalo mao̒ lonto Aroer, to huudu Lumbaya Arnon, wau kota tohuungo lumbaya boito, demola madala lo Gilead. Diaaluo kota u dingingo meeseliilio ulaba-labaalo motoheeto to olanto.

TINGULI 20:16

Bo wonu kota boito woluo todelomo madala uilohi mai lo Eeya Allahu Taa̒ala limongoli ode limongoli, yi ngoilanggubu ulipulio musi pateelo mate-mateelo mao̒.

TINGULI 3:2

Bo Eeya lotahuda mai ode laatia, ‘Diila mao̒ oohe olio, Musa. Wau̒ mamohudu mai olio, suludadulio wau ngoilanggubu madalalio olemu. Pohutuwamu mao̒ tio debo odelo umaa pilohutumu olei Sihon, olongia lo Amori tapale-palenta to Hesybon.’

TINGULI 6:19

wau timongoli mamo polahi mao̒ mumuu-suwaalo limongoli debo odelo u pilodanti mai lo Eeya.

TINGULI 9:3

Bo botia, timongoli mamosakusi mao̒ lohihilao woloolo mola Eeya Allahu Taa̒ala limongoli monao̒ totalu limongoli debo odelo tulu umoo̒ pobu. Tio mamopo olaaheo̒ olimongolio totalu lomato limongoli, tilinggula timongoli mowali mopolahi wau mopobinasa olimongolio wolo molamemeto debo odelo u pilodanti mai lo Eeya.

YOSUA 1:4

Madalamu mabua̒-bua̒de monto huta datahu u luasi daa̒ udelita to huliaalio demola hihui̒-hui̒dea lo Libanon totilayo wau monto Dutulaa Eperat u leidaa̒ boito to tiimuru tulusi meituwoto lipu bangusa lo Het demola Lau Tenga to otolopa.

YOSUA 10:19

“bo timongoli diila pohuheli mota teto. Yilapiti mota tulusi, wau tuhua timongolio monto wulea; diila mao̒ polulia timongolio tumuwota ode kota limongolio! Eeya Allahu Taa̒ala limongoli malo poo̒haama olimongoli toli mongolio.”

YOSUA 10:8

Eeya lotahuda mai odelei Yosua, “Diila mao̒ oohe toli mongolio. Ohohaama mailohi-U̒ mai olemu, masababu uito diaaluo penu boli ngotaa mao̒ limongolio tamoo̒ taahangi molaawani olemu.”

YOSUA 13:6

Tuwo-tuwoto olo ngoilanggubu madala taulo Sidon, tahi biluloa̒wa tomadala hihui̒-hui̒dea towolota huhuu-ideyaalo Libanon wau Misrepot-Maim.” “Ngoa̒amila babaa-nguwaalo boito de mapo lahiyo-U̒, tou̒ umati lo Isirai̒lu moluhu olimongolio,” tahuda mai lo Eeya wumbutio mola odelei Yosua. “Huta boito musi taya-tayadumu mao̒ u mowali huta miliki limongolio, debo odelo u mapilo malenta-U̒ mai olemu.

YOSUA 2:24

Lapatao̒ timongolio maloloi̒ya, “Tantuulo mao̒ Eeya mongohi mai ngoilanggubu lipu boito ode olanto; ngoa̒amila taa mola teto moohe olanto.”

YOSUA 21:44

Yi lotuuu̒de lou̒ wolo u dilanti mao̒ lo Eeya odeli nenemoya limongolio, lipu boito aamani sababu diluo̒ola lo Eeya. Mumuu-suuwaalo limongolio diaaluo penu boli ngotaa mao̒ tamoo̒ tuwali olimongolio, sababu Eeya helo poo̒haama taulo Isirai̒lu to ngoa̒amila musu limongolio.

YOSUA 23:14

Botia mawakutuulio watia mate. Timongoli ngoa̒amila ngota-ngota motota otutu deu̒ Eeya Allahu Taa̒ala limongoli malongohi mai ode limongoli totoonulalo u mopiohu u dilanti-Lio mai. Timii̒du danti-Lio mai̒lelaa-Lio mai, diaaluo penu boli tuwau mao̒ u diila.

YOSUA 24:11

Lapatao̒ timongoli lobalango Dutulaa Yordan, wau malei dungga to Yerikho. Tau-tauwalo Yerikho heloluhu olimongoli, odito olo taulo Amori, taulo Peris, Kanaa̒n, Het, Girgas, Hewi wau taulo Yebus. Bo Wau̒ longohi mai olimongoli loo̒haama toli mongolio ngoa̒amila.

YOSUA 24:12

Tou̒ timongoli lomaju heloluhu olimongolio, Wau̒ lohutu mai olimongolio lowali lolingu wau yiloohe, tilinggula olongia duulota boito tilumetea̒ lonto olimongoli. Diila wamilumu wau olo diila panamu u lopoo̒haama olimongoli.

YOSUA 24:18

Wau tou̒ ito tulumuwotai ode lipu botie, Eeya lopolahi taulo Amori tahi biluloa̒wa tewe. Oditolio, amiaatia ohilaa motiwato to Eeya, sababu Tioolo Allahu Taa̒alanto!”

YOSUA 24:8

Lapatao̒ Wau̒ lodelo mola olimongoli ode lipu taulo Amori tahi biluloa̒wa to ambahu tiimuru lo Dutulaa Yordan. Timongolio heloluhu olimongoli, bo Wau̒ helo poo̒haama olimongoli toli mongolio.

YOSUA 8:18

Lapatao̒ Eeya lotahuda mai odelei Yosua, “Bintaa̒a mola totobuo̒mu wau poa̒yowa mota ode mantahu lo Ai; kota boito mawuduwo-U̒ mai botia olemu.” Tei Yosua malo pohutu olo palenta lo Eeya boito.

YOSUA 8:7

Tou̒ boitolo timongoli musi lumualai monto tambati u pilotituua̒ limongoli, wau mohama kota boito. Eeya Allahu Taa̒ala limongoli mamohudu kota boito ode limongoli.

YOSUA 9:7

Bo tau-tauwalo Isirai̒lu loloi̒ya mao̒, “Pongola amiaatia mohutu daantia woli mongoli? Tanu tambati pilo tibiluloa̒ limongoli hiwimbide wambai̒o monteea!”

MONGO HAKIMU 1:4

wau suku Yehuda malonao̒ pee̒-pee̒enta mota lotuuhua. Wau Eeya lopoo̒haama olimongolio totaulo Kanaa̒n wau taulo Peris. Mopulu lolihu lota suludadu lomusu yilate to Bejek.

MONGO HAKIMU 11:21

Bo Eeya, Allahu Taa̒ala lo Isirai̒lu, longohi to umati lo Isirai̒lu loo̒haama tolei Sihon wolo diti lo popaatealio. Odieelo mola umati lo Isirai̒lu heloo̒tapu ngoa̒amila huhuu-tawaalo taulo Amori tahi biluloa̒wa tolipu boito.

BOHULO SEMUEL 23:4

Sababu uito pee̒entapo tei Dauda helo molohone potuhata lonto Eeya, wau Eeya lolametai, “Diila mao̒ polawalo. Tuhuwalo kota lo Kehila, sababu suludadu lo Pilistin boito mawuduwo-U̒ mai olemu.”