PILOTIMUA̒TA 23:27 - KITABI HABARI MOPIOHE

²⁷ Babaa-ngusawalo tanao̒o mai limongoli mapo hutuwo-U̒ moohe ola-U̒; timongolio mapo waliyo-U̒ mao̒ ambulati, ngoa̒amila musumu mamuli mobale wau tumeteo̒.

PILOTIMUA̒TA 23:27 ပူးပေါင်းရင်းမြစ်များ

ILOOWALI 35:5

Tou̒ tei Yako wau polemboa̒ ngaalaa̒lio lomonggato, Allahu Taa̒ala lohenggubei ulipu lo kokoo-tawaalo totili wolo laasa moohe, tilinggula timongolio diila helo hunuhe olei Yako wau polemboa̒lio.

OLUO LO SAMUEL 22:41

Pilohutu lo Eeya musu lowatotia tilumeteo̒ lonto watotia; taa u hipo lonua̒awa olo watotia pilopo binasa lo Eeya.

OLUO MONGO OLONGIA 7:6

Sababu, Eeya malohutu taulo Siria moo̒dungohe tingohu debo odelo tiluhu lo ngopasuukani daa̒ owadala wau okaleta. Tau-tauwalo Siria boito helo lantabu ti olongia lo Isirai̒lu maloseuwa olongia lo Het wau Masiri wolo suludadulio u loluhu olimongolio.

JABURU 18:40

Yilohi mai lo Eeya watotia lotolo u mopaatea, wau ohohaama to mumuu-suuwaalo watotia.

JABURU 21:12

Wonu bolo timongolio mohutu ranjana motehengi oli olongia, wimbulo wau aakali limongolio diila tao̒haasili.

PILOTIMUA̒TA 33:2

Wau̒ mamolao mai malai̒kati ngota u modelo olimongoli. Wau̒ mamopolahi bangusa lo Kanaa̒n, Amori, Het, Peris, Hewi wau Yebus.

PILOTIMUA̒TA 34:24

Lapatao̒ Wau̒ helo polahi babaa-ngusawalo lonto talumu wau pilopo tanggalu-U̒ madalamu, diaaluo penu boli ngotaa mao̒ tamaa buheli mohehu lipumu tou̒ timongoli monao̒ u mopolame Potihunggu lo Roti Diila Oragi. Potihunggu Pongotolalo wau Potihunggu Wombohe Duungo.

TINGULI 11:23

Yi Eeya mamo polahi ngoa̒amila bangusa boito monto talu limongoli, wau timongoli mamoti biluloa̒ tohuta uolo babaa-ngusawalo talebe udaa̒ wau lebe molotolao̒ woli mongoli.

TINGULI 11:25

To ngoilanggubu lipu boito Eeya Allahu Taa̒ala limongoli mamohutu mao̒ tau-tauwala moohe toli mongoli debo odelo u pilodanti-Lio mai tilinggula diaaluo penu boli ngotaa mao̒ tamoo̒ bubula olimongoli.

TINGULI 2:25

Tumulalo mai todulahee botie Wau̒ mamohutu mao̒ olimongoli penu boli tou̒toonu oohe lo babaa-ngusawalo. Timii̒du tau mahumehela moohe wonu moo̒dungohe pasali olimongoli.’ ”

TINGULI 6:19

wau timongoli mamo polahi mao̒ mumuu-suwaalo limongoli debo odelo u pilodanti mai lo Eeya.

TINGULI 7:23

Odi-odieelo mola Eeya Allahu Taa̒ala limongoli mamohudu mai mumuu-suwaalo limongoli ode limongoli. Tio mamopo pupuuyoto lomao̒ olimongolio tunggula timongolio binasa.

BOHULO SEMUEL 14:15

Polou̒tia boito heloo̒ buluta daa̒ to taulo boito Pilistin to kema wau to papaa-dengowalo. Ngoilanggubu ulipu lo Pilistin wau popoo-siyalo podahaalo wau aa̒a-polawaalo tamoolambata mailoohe; tumbao̒ huta olo hilumehela, wau mailowalilo mola puuyota ulaba-labaalo.