PILOTIMUA̒TA 23:24 - KITABI HABARI MOPIOHE

²⁴ Diila mao̒ polubo bubuu-iyaalo u mooduo̒lawa olimongolio wau diila mao̒ poduduo̒ dudelo limongolio moi̒baadati. Antulua mao̒ bubuu-iyaalo mooduo̒lawa olimongolio boito wau bolia mao̒ wowoo-lihiyaalo botu u hepomake limongolio u moi̒baadati.

PILOTIMUA̒TA 23:24 ပူးပေါင်းရင်းမြစ်များ

OLUO MONGO OLONGIA 17:11

Timongolio olo helolapo dupa to ngoa̒amila mesba ode dewa, odelo obobiasa lo babaa-ngusawalo tamaa pilopolahi lo Eeya lonto lipu lo Kanaa̒n. Timongolio helolubo balaahala, eleponu Eeya malodini mao̒. Totoonulalo huhutu limongolio u moleeto helo potoodei omuluka lo Eeya.

OLUO MONGO OLONGIA 17:8

wau lodudua̒ obobiasa lo babaa-ngusawalo tamaa pilopolahi lo Eeya tou̒ bangusa lo Isirai̒lu lomaju heloluhu babaa-ngusawalo boito. Bangusa lo Isirai̒lu helo duduo̒ uu̒du u hetilantu mao̒ lomongo olongia lo Isirai̒lu,

OLUO MONGO OLONGIA 18:4

Tio helo ngantulu tataa-mbatiyalo u polubowalo dewa, wau lopo lohubeo̒ tutuugulio wau helo ngantulu bubuu-iyaalo Dewi Asyera. Tio olo longantulu mao̒ tulidee lo polonggu huhutuulio lei Musa u ilunte Nehustan. Sababu, tunggula tou̒ boito taulo Isirai̒lu donggo hipomobua dupa u mohurumati tulidee polonggu boito.

OLUO MONGO OLONGIA 3:2

Tio helohutu u moleeto to bibilohu Eeya, bo tio diila debo odelo ololeeto lei Ahab woli Isebel, mongo dulaa̒lio. Bui̒ upilohutu liyamolio u polubowalo to Baal mailoobio.

OLUO TAWARI 14:2

Tei Asa loo̒sanangi hilaa lo Eeya Allahu Taa̒alaalio lou̒ helohutu u aadili wau mopiohu.

OLUO TAWARI 25:14

Lapatao̒ lopoo̒laaheo̒ suludadu lo Edom, tei Amajia lohualinga wau helodelo bubuu-iyaalo balaahala taulo Edom wau lopotambati mao̒ to Yehuda. Lapatao̒ tio helomobu dupa ode bubuu-iyaalo boito wau lolubo mao̒.

OLUO TAWARI 33:2

Tio ilodusa to Eeya, sababu heloo̒ dudua̒ totoonulalo obibiasa u moleeto lo babaa-ngusawalo tamaa pilolahi lo Eeya lonto Kanaa̒n tou̒ taulo Isirai̒lu tilumuwotao̒ ode lipu boito.

OLUO TAWARI 33:9

Tei Manasye taloo̒ sababu ulipu lo Yehuda helohutu duduu-sawaalo ulebe moleetao̒ lodusa u hepilohutu lo babaa-ngusawalo tapilolahi lo Eeya lonto Kanaa̒n tou̒ umati lo Eeya tilumuwotao̒ ode lipu boito.

JABURU 101:3

ololeeto diila tapoluli lowatia. Yilonuo̒ lowatia huhutu lotaa momaahe iimani, wau diila mohuto mou̒ruusania woli mongolio.

PILOTIMUA̒TA 20:3

Diila mao̒ polubo ila-ila wewo. Tubowaalo Wau̒ wambao̒.

PILOTIMUA̒TA 20:5

Diila mao̒ polubo bui̒ debo odelo uito, sababu Wau̒lo Eeya Allahu Taa̒ala limongoli, wau Wau̒ diila motohilaa potutuu-wauwolo penu boli wolita. Tau-tauwalo tahi polonua̒wa ola-U̒, hukuu-maniyo-U̒ demola wali otolulio wau opatio.

PILOTIMUA̒TA 23:13

Poo̒tuota mao̒ totoonulalo u mapilo tahuda-U̒ mai ode limongoli. Diila mao̒ polubo ila-ila wewo, tumbao̒ molanggula tanggulio olo diila mowali.”

PILOTIMUA̒TA 23:32

Diila mao̒ pohutu daantia wolo tau-tauwala boito meaalo wolo ila-ila limongolio.

PILOTIMUA̒TA 23:33

Diila mao̒ polulia tau-tauwalo boito motibiluloa̒ to lipumu, alihu timongoli diila tamolubo ila-ila limongolio wau odusa to ola-U̒. Wonu timongoli molubo ila-ila limongolio, timongoli modehu ode delomo hentobu lomautu.”

PILOTIMUA̒TA 32:20

Lapatao̒ hilamalio bui̒ losapi u pilohutu tau-taulo Isirai̒lu boito, pilopo didiilio, yilobui̒o tunggula loa̒aluti debo odelo peaahuo̒, lapatao̒ ilulaulio wolo taluhu. Lapatao̒ ilahulalio taulo Isirai̒lu longilu mao̒.

YEHESKIEL 16:47

Wolo yio̒ olulia lohilao modudua̒ baa̒ati mongolio wau moo̒baaya huhutu limongolio u moo̒olonuo̒ boito? Diipo! Diilalo ngoolo mola hiheolio yio̒ tumbao̒ lebe kootolo poli woli mongolio.

HOSEA 10:2

Tau-tauwalo tahilaalio diila motulidu hale boito, botia musi momanta akiibati lodusaalio. Allahu Taa̒ala mamopo aantulu mesba limongolio, wau mopolohubu tutuu-guwaalo balaahala limongolio.

IMAAMATI 18:3

Diila mao̒ podudua̒ huhutu taulo Masiri, tambati u mapee̒enta pilo tibiluloa̒ limongoli, meaalo taulo Kanaa̒n, ode utoonu Wau̒ botia modelo mota olimongoli.

IMAAMATI 26:1

Eeya lotahuda mai, “Diila mao̒ pohutua balaahala meaalo mopotihula bui̒ meaalo wolihi botu iluukili u tuboolo. Wau̒lo Eeya Allahu Taa̒ala limongoli.

YIA̒APO 25:2

Mongobua boito helo heinga olimongolio ode popoo-tibungguwala lobake u mohulumati ila limongolio. Taulo Isirai̒lu olo lodudua̒ lolamela bake boito wau helolubo ila taulo Moab.

YIA̒APO 33:52

timongoli musi mopolahi mao̒ ngoa̒amila tuango lipu tolipu boito. Pobinasawa mao̒ ngoa̒amila balaahala limongolio monto botu wau logamu wau tataa-mbatiyalo poibaatia limongolio.

TINGULI 12:3

Lohubua mao̒ memees-bawaalo limongolio wau potoyopua mao̒ wowoo-lihiyaalo botu u he anggapuo limongolio aulia. Pobuwa mao̒ tutuuotolo Asyera, wau antulua mao̒ bubuu-iyaalo lo balaahala limongolio, tilinggula ila-ila boito diilalo tuboolio to tataa-mbatiyalo boito.

TINGULI 7:5

Sababu uito, lohubuwalo memees-bawaala lo babaa-ngusawalo boito, antuluwalo wowoo-lihiyaalo botu u hea̒nggapuo limongolio aulia, wombahelo tutuuotaalo Asyera, wau pobuwalo bubuu-iyaalo lo balaahala u hetuboo limongolio.