PILOTIMUA̒TA 23:20 - KITABI HABARI MOPIOHE

²⁰ “Wau̒ mamolao mai malai̒kati-U̒ meimulo limongoli u moduo̒la olimongoli todelomo nonao̒ wau modelo olimongoli ode tambati u podapato-U̒.

PILOTIMUA̒TA 23:20 ပူးပေါင်းရင်းမြစ်များ

ILOOWALI 15:18

Tou̒ boitolo Eeya lohutu mai daantia wolei Abram. Tahuda lo Eeya, “Wau̒ modanti mai mamongohi ode waliimu ngoilanggubu huta botie, tumulalo mao̒ monto sipatana lipu lo Masiri demola dutulaa Eperat,

ILOOWALI 24:40

Lapatao̒ tilametalio, ‘Eeya talaito hedungoheu̒, mamolao mai malai̒kati-Lio u motulungi mao̒ alihu tuugasimu ohaasili. Yio̒ mamoo̒tapu mai dile ode walau̒uu̒ monto huungo lokaumuu̒ lohihilao, deu̒yito-yito monto mongo ilaato liyamau̒.

ILOOWALI 24:7

Eeya, Allahu Taa̒ala tamotolo kawasa hulungo, malodelo mai olau̒ lonto bele liyamau̒ wau lonto lipu lomongo ilaatau̒, wau Tio malotadia to olau̒ deu̒ Tio mamongohi mai lipu botie ode waliu̒ mai. Tio olo mamolao mai malai̒kati-Lio u motulungi olemu, alihu yio̒ moo̒tapu mao̒ dile ngota mola monteto mai ode walau̒uu̒.

ILOOWALI 48:16

Tiolo malai̒kati tamalo lopata olau̒ lonto totoonulalo baala. Hinta Allahu Taa̒ala boito mobalakati mai mongo walao̒ botie. Hinta tumumulo tulusi tangguluu̒ wau tanggulei Abraham wolei Isihaka masababu mongo walao̒ botie! Hinta owalaa̒a wombu mola, u dadaata todunia.”

JABURU 91:11

Allahu Taa̒ala mopoa̒hu malai̒kati-Lio modaha olemu, u moduo̒lai olemu penu ode utoonu ponao̒wamu.

PILOTIMUA̒TA 14:19

Lapatao̒ malai̒kati lo Allahu Taa̒ala, tawoluo totalu pasukani lo Isirai̒lu lolimbatao̒ ode wulea. Wau malo limbata olo wolihi heengo

PILOTIMUA̒TA 15:16

Timongolio laba-labaalo moohe mosakusi olootolo Eeya. Tou̒ umati lo Eeya lumaode, musu diila okawasa molaahangi; malo aahulo bangusa tamaa yilopatu-Mu.

PILOTIMUA̒TA 15:17

Lapatao̒ Isirai̒lu dilepitu-Mu ode tambati u tilulaotu-Mu upoti biluloa̒a-Mu. Timongolio lotitatapu to huludu-Mu u mantali, to Bele u bilongu-Mu lohihilao.

PILOTIMUA̒TA 23:23

Malai̒kati-U̒ mameimulo woli mongoli wau modelo olimongoli ode lipu bangusa lo Amori, Het, Peris, Kanaa̒n, Hewi wau Yebus, wau timongolio mapo binasaa-U̒.

PILOTIMUA̒TA 32:34

Ponao̒lo botia, wau deloa mao̒ timongolio boito ode tambati umaa tilanggulu-U̒ olemu. Malai̒kati-U̒ mamodelo olemu, bo saaa̒tilio mamei dungga tau-tauwala boito hukuumaniyo-U̒ sababu duduu-sawaalo limongolio.”

PILOTIMUA̒TA 33:14

Tahuda mai lo Eeya, “Timongoli maduo̒lo-U̒ alihu mowali motolohaku huta u pilodanti-U̒ mai.”

PILOTIMUA̒TA 33:2

Wau̒ mamolao mai malai̒kati ngota u modelo olimongoli. Wau̒ mamopolahi bangusa lo Kanaa̒n, Amori, Het, Peris, Hewi wau Yebus.

YESAYA 63:9

Eeya lohihilao ilodungga lo usuusa limongolio, Eeya diila lolao utolia meaambo duta; Eeya lohihilaolo talo lopata olimongolio sababu ponu wau odehu hilaa-Lio. Eeya laito molaala olimongolio tumulalo muloololio mai daa̒.

JAKARIA 12:8

To dulahee boito Wau̒ mamoduo̒la ulipu lo Yerusalemu; wau tamailaba molulupuhe olo towolota limongolio mamowali molotolo debo odelo tei Dauda. Timongolio matau̒wa lo wali mai lei Dauda debo odelo lo malai̒kati-U̒, tumbao̒ debo odelo ola-U̒ lohihilao.

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

YIA̒APO 20:16

wau amiaatia longiibode mola to Eeya lei̒tulungi mai. Eeya malo dungohe wuwaatii̒ lamiaatia wau lolao mai ngotaalio lo malai̒kati. Malai̒kati boito malodelo olamiaatia yilumualao̒ lonto Masiri. Botia amiaatia woluo to Kades, kota tuwau to sipatana lomadala li Tuaniu̒.

YIA̒APO 22:22

Bo tou̒ tei Bileam lonao̒, Allahu Taa̒ala malo muluka. Tou̒ tei Bileam donggo toitaato kolodailio, tilunuhe lo taduulota tahi pomayaalio, malai̒kati lo Eeya tilimihulai tohuungo dalalo helo mubula olio.

MATIUSI 25:34

Lapatao̒ ti Olongia boito mamo tahuda ode tau-tauwala to ambahu olowala-Lio, ‘Duloolo timongoli tabilaa-katia li Paapa-U̒. Tuwotolo mai ode delomo Yiladia u piloheetu olemu tumulalo mai tobohulo dunia.

YAHYA 14:3

Lapatio mao̒ Wau̒ odito mola u mopo dapato tambati olimongoli, Wau̒ muli mohualingai wau mai molutula olimongoli, alihu tou̒toonu Wau̒ woluo, timongoli olo woluo.

TINGULI 33:2

“Eeya dungga-dungga mai lonto Hui̒dee Sinai; Tio lobutu toitaato Edom debo odelo mato lodulahu wau lonto Hui̒dee Paran Tio lolinelai umati-Lio. Tio tilunuhe lo mopuulo lihulota malai̒kati; tulu lei̒-lei̒ita to ambahu olowala-Lio.

YOSUA 23:5

Eeya Allahu Taa̒ala limongoli mamohutu mai babaa-ngusawalo boito matumouli, wau molahi monto olimongoli wonu timongoli mota moluhu olimongolio. Timongoli mamotolo miliki mao̒ lipu limongolio, debo odelo u madilanti mai lo Eeya Allahu Taa̒ala limongoli ode limongoli.

YOSUA 5:13

Tou̒ wakutu tuwau tei Yosua woluo totili lo Yerikho. Deebolo tio loo̒onto mao̒ talolai̒ ngota tihutihulo to talulio wolo wamilo upahu-pahuto. Tei Yosua lohimbideo̒ tau boito, wau lohintu mao̒, “Yio̒ botie, tamani, meaalo laawani?”

YOSUA 5:14

“Diila tamani, wau olo diila laawani,” tametao̒ lotau boito. “Wau̒ lonao̒ mai odia odelo eyaanggu suludadu lo Eeya.” Loo̒dungohe uito tei Yosua hua̒a losujudulo mola wau lolubo tau boito. Lapatao̒ tei Yosua loloi̒ya mao̒, “Watotia botie wato li Tuani. Wolo u mowali pohutuo lo watotia odeli Tuani?”

YOSUA 6:2

Eeya lotahuda mao̒ odelei Yosua, “Botia mawuduo-U̒ mai olemu Yerikho woli olongialio wau ngoa̒amila suludadu tahi buuhelia boito.