PILOTIMUA̒TA 23:19 - KITABI HABARI MOPIOHE

¹⁹ Timii̒du taunu timongoli musi modelo mota ode bele lo Eeya Allahu Taa̒ala limongoli pale ubohulo ilotolao̒ limongoli. Tapu lowalao̒ himba meaalo walao̒ batade diila mowali tubuwolaa wolo taluhu susu liilolio.”

PILOTIMUA̒TA 23:19 ပူးပေါင်းရင်းမြစ်များ

NEHEMIA 10:35

Timii̒du taunu ami mamodelo mota ode Bele lo Eeya tilapulo pale u bohulio huhuu-ngowaalo ubohu-bohulio molutu mai to bubuu-ngowaalo ayu lami.

NEHEMIA 10:36

Ami mamodelo mota walao̒ mongo lolai̒ lami tahi hulanga daa̒ ode mongo iimamu to Bele lo Eeya u mohudu mola ode Allahu Taa̒ala, lotuuu̒de wolo wuu̒du lo Butoo̒. Ami mamohudu mao̒ olo walao̒ sapi, walao̒ himba meaalo walao̒ batade lami u bohulo pilotutu mai.

PILOTIMUA̒TA 22:28

Diila mao̒ potadia Allahu Taa̒ala wau diila mao̒ polaa̒nati tauwa lo bangusaamu.

PILOTIMUA̒TA 22:29

To wakutu utilantu, podewowalo mai ola-U̒ ngotayadu monto tilapula lo palemu, taluhu anggurumu wau winulo jaitunimu. Wuduwalo mai ola-U̒ mongo walau̒mu talolai tamohuhula daa̒,

PILOTIMUA̒TA 34:26

Timii̒du taunu timongoli musi modelo mota ode Bele lo Eeya Allahu Taa̒ala limongoli tilapulo u bohulio monto hutamu. Tapu lowalao̒ himba meaalo walao̒ batade diila mowali tubuwolo wolo susu liilolio.”

POHUMAYA 12:10

Taa mopiohu mopoo̒tuoto bibiahio; bo taa moleeto moposikisaa mao̒.

POHUMAYA 3:9

Hurumatia mola Eeya wolo mopodewo to Eeya ulaba-labaalo mopiohe monto totoonulalo halata miliki wau tilapulo hutamu,

YEREMIA 10:3

Uu̒udu lo babaa-ngusawalo boito sama-samaata diila ohuna. Timongolio loluwode bungo lo ayu to oa̒ayua, wau helo poa̒hu pani lo ayu lokalajaa mao̒ wolo pakaakasi lowali bui̒ balaahala.

YEHESKIEL 44:30

Mongo iimamu musi wohiyalo tayade u mopiohe daa̒ monto totoonulalo tilapulo sembo u hidala-dalaala u bohulio, wau monto wolo wambai̒o u pilodewo mai ode Olau̒. Timii̒du bangusa lo Isirai̒lu mohutu mao̒ roti, yi roti ubohulio yito duo̒lo mongo iimamu. Yi Wau̒ mamo balakati bebee-leyaalo bangusa lo Isirai̒lu.

YEHESKIEL 48:13

Huta lotau-tauwalo Lewi boito hayai̒o mopulaa duluo wau ngoputu lokilo meeteri monto tilayo ode huliaalio wau dudutuulio ngojeejeri wolo huta lomongo iimamu.

YEHESKIEL 48:14

Penu boli ngolango mao̒ monto huta boito diila mowali potali limongolio meaalo poluloi̒ mongolio; wimbihu ulaba-labaalo mopiohu monto huta lo Isirai̒lu diila mowali limbatolo ode uluu̒ lotaa wewo, sababu huta boito mapilopo tolomodu ode Eeya wau mowali milikii-Lio.

YIA̒APO 15:21

U ohiheo-hiheolo mao̒ timii̒du roti monto pale ubohulo tilotobei boito musi wohi limongoli odelo dewo poheetu ode Eeya.

1 KORINTUS 15:20

Bo malo papatai ti Almasi maluli pilopo tumu-Lio mai lonto opopate. Utieelo batululio deu̒ tau-tauwalo tamailate mamuli potumulo-Lio mai.

TINGULI 14:21

Binatangi u yilate wolo hilaalio diila mowali tamelo limongoli, bo mowali tamelo lotau deli tabilu-biluloa̒ towolota limongoli, meaalo potaali ode bangusa wewo. Timongoli yito umati tapilohetu ode Eeya Allahu Taa̒ala limongoli. Tapu lowalao̒ himba meaalo walao̒ batade diila mowali tubuolo wolo taluhu susu liilolio.”

TINGULI 26:10

Sababu uito, yaa Eeya, watotia mopodewo mao̒ tewe bohulo tilapulo monto huta uilohi mai lo Eeya ode watotia.’ Lapatao̒ podutua mao̒ kalanji boito totalu lo Eeya Allahu Taa̒ala limongoli, wau tubowalo Tio.

TINGULI 26:2

yi bohulo tilapulo monto totoonulalo u wimoo̒ limongoli monto huta limongoli musi potuwota mao̒ limongoli ode delomo kalanji, wau deloo mota limongoli ode tambati u tilulaoto Eeya Allahu Taa̒ala limongoli.

WAHI 14:4

Timongolio boito tau-tauwalo tadebo hiberesia debo odelo tadiipo motota lo mongobua sababu diila loa̒awota wolo mongobua. Timongolio lodudua̒ Walao̒ Himba boito ode utoonulalo mao̒ ponao̒walio. Towolota lo ngoilanggubu umati lomanusia, timongoliolo tamaa yilopato odelo dewo u bohulio ode Allahu Taa̒ala wau ode Walao̒ Himba.