PILOTIMUA̒TA 23:17 - KITABI HABARI MOPIOHE

¹⁷ Timii̒du taunu tou̒ powoluwolo otolu lo lameyangi boito, ngoa̒amila mongo lolai̒ musi monao̒ mai moi̒baadati to Olau̒, Eeya Allahu Taa̒ala limongoli.

PILOTIMUA̒TA 23:17 ပူးပေါင်းရင်းမြစ်များ

JABURU 122:4

Odiyalo mai susuu-kuwaalo bangusa monao̒ mai, susuu-kuwaalo bangusa tilulaoto Eeya, u mosukuru mola to Eeya motuuu̒de wolo palenta lo Eeya.

JABURU 42:2

Debo odelo buu̒lu mooloolo taluhu dutulaa, odieelo mola jiwa yiwau̒ mooloolo to Eeya, yaa Allahu Taa̒ala.

JABURU 42:3

Wau̒ mooloolo to Allahu Taa̒ala tatumu-tumulo, omolua wau̒ moo̒ nao̒ moi̒baadati to Bele lo Eeya?

JABURU 84:7

Tou̒ timongolio donggo nao̒nao̒ molibaya Lumbaya Baaka, tambati boito bilolio̒ limongolio mowali butu lotaluhu, didi bohulio mopodaata daa̒ olio wolo balakati.

PILOTIMUA̒TA 23:14

“Timii̒du taunu timongoli musi mohutu mao̒ totolu lameyangi u mohulumati ola-U̒.

PILOTIMUA̒TA 34:23

Poo̒otolu ngotaunu ngoa̒amila mongo lolai̒ musi monao̒ mai molubo ola-U̒, Eeya Allahu Taa̒ala lo Isirai̒lu.

YESAYA 1:12

Tatoonu talopoa̒hu olimongoli lodelo totoonulalo dewo boito tou̒ timongoli mai lotabia to ola-U̒? Tatoonu talopoa̒hu olimongoli odito mota odia mai to Bele Mantali-U̒?

LUKASI 2:42

Wau tou̒ ti Isa maa omuulu mopulaa dulo taunu, timongolio lonao̒ mola ode lameyangi boito debo odelo biaasa to limongolio.

TINGULI 12:5

Monto ngoilanggubu madala susuu-kuwaalo Isirai̒lu, Eeya Allahu Taa̒ala limongoli malulaotao̒ tambati tuwau alihu bangusanto mowali monao̒ mai ode talu-Lio wau molubo o-Lio.

TINGULI 16:16

Ngoa̒amila mongo lolai̒ lo Isirai̒lu musi monao̒ mai molubo to Eeya Allahu Taa̒ala limongoli totambati u tilulao-Tio poo̒otolu ngotaunu, deu̒yito-yito to Dulahu Buka lo Paska, to potihunggu lo polosembo wau Potihunggu lo Wombohe Duungo. Ngota-ngota musi modelo mao̒ dewo

TINGULI 31:11

timongoli musi mopobaca mao̒ bubuu-too̒waalo botie wolo suala u moo̒ohuu̒ totau-tauwalo Isirai̒lu tamonao̒ mai molubo Eeya Allahu Taa̒ala limongoli totambati u tilulao-Tio mao̒.