PILOTIMUA̒TA 23:13 - KITABI HABARI MOPIOHE

¹³ Poo̒tuota mao̒ totoonulalo u mapilo tahuda-U̒ mai ode limongoli. Diila mao̒ polubo ila-ila wewo, tumbao̒ molanggula tanggulio olo diila mowali.”

PILOTIMUA̒TA 23:13 ပူးပေါင်းရင်းမြစ်များ

JABURU 16:4

Poluliaalo mao̒ taa u hipoluboa dedeewaalo he oduhenga mola osuukali lohilaalio. Watotia diila mohuto motibake to dedeewaalo, tumbao̒ diila mohuto molanggula tangguli mongolio.

JABURU 39:1

Duo̒lo diriheni lopolemboa̒ tamoolahua. Jaburu lei Dauda. Odelei Yudutun.

PILOTIMUA̒TA 23:24

Diila mao̒ polubo bubuu-iyaalo u mooduo̒lawa olimongolio wau diila mao̒ poduduo̒ dudelo limongolio moi̒baadati. Antulua mao̒ bubuu-iyaalo mooduo̒lawa olimongolio boito wau bolia mao̒ wowoo-lihiyaalo botu u hepomake limongolio u moi̒baadati.

PILOTIMUA̒TA 23:32

Diila mao̒ pohutu daantia wolo tau-tauwala boito meaalo wolo ila-ila limongolio.

YEREMIA 10:11

Timongoli, wuu umati, musi mopoo̒taa mao̒ olimongolio deu̒ dedeewaalo u diila lopowali hulungo wau dunia boito mopobinasaalo. Timongolio mamooli monto dunia.)

HOSEA 2:17

Wau̒ diila tamopo luasi olio mongunte mao̒ tanggulo Baa̒l poli, tilinggula tau mamo lipato̒ tanggulo boito.

JAKARIA 13:2

To dulahee boito maluluto-U̒ tanggulo babaa-laahalaalo monto huta botie, tilinggula diduu̒ penu boli ngotaa mao̒ tadonggo moe̒elao̒. Ngoa̒amila taa u mongaku batangalio nabi mapolahiyo-U̒ pee̒-pee̒enta woli mongolio tamaa ilotunga lorohu udiila motulidu hale.

YIA̒APO 32:38

Nebo, Baal-Meon, wau Sebam. Kokoo-tawaalo u luli pilotihuli mongolio boito tiluloo̒ limongolio tanggulio.

EPESUS 5:12

Sababu susuu-aliyaalo u pohutuo limongolio wolo tuua̒ao̒-tuua̒ao̒ boito, u bisalaalo olo maloo̒olito.)

EPESUS 5:15

Sababu uito, poo̒tuota mao̒ tio̒otutua dudelo tutumuli mongoli. Diila mao̒ potitumulo debo odelo tau-tauwalo tahi hulode, poti tumuloolo debo odelo tau-tauwalo molinepo.

TINGULI 12:3

Lohubua mao̒ memees-bawaalo limongolio wau potoyopua mao̒ wowoo-lihiyaalo botu u he anggapuo limongolio aulia. Pobuwa mao̒ tutuuotolo Asyera, wau antulua mao̒ bubuu-iyaalo lo balaahala limongolio, tilinggula ila-ila boito diilalo tuboolio to tataa-mbatiyalo boito.

TINGULI 4:15

“Eelai mao̒ tio̒otutua! Tou̒ Eeya lotahuda mai olimongoli lonto delomo tulu to Hui̒dee Sinai, timongoli diila loo̒onto wolo-wolo.

TINGULI 4:23

Eelai mao̒ tio̒otutua! Diila mao̒ lipata daantia u pilohutu lo EEYA Allahu Taa̒alamu wolimongoli. Dungohi mao̒ palentaa-Lio; sama-samaata diila mao̒ pohutua duo̒lo batangamu bui̒ todelomo modeli penuboli woloolo mola wambai̒o, u tuboolo,

TINGULI 4:9

Poo̒tuota mao̒ wau eelai mola tio̒otutua, alihu ngotupa lo tutumulumu timongoli diila molipata wolo u masilakusia limongoli lohihilao. Wunggulia mao̒ ode walao̒ wau wombumu

TINGULI 6:1

“Eeya Allahu Taa̒ala limongoli lopoa̒hu mai olaatia mopoa̒ajali mao̒ ngoa̒amila butoo̒ botie ode limongoli alihu timongoli moponao̒ mao̒ tolipu u diilalo mohiheo mapo tibiluloa̒ limongoli.

1 TIMOTIUS 4:16

Imatowalo batangamu wau imatowa mao̒ olo pongajalimu. Mamusi yio̒ tatapu wau molotolo hilaa mohutu ngoa̒amilalo boito, sababu lou̒ odito yio̒ mamo poa̒ahu mopio batangamu lohihilao meaalo tau-tauwalo tamo dungohe olemu.

IBRANI 12:15

Poo̒dahai diila bolo woluo penu boli ngotaa mao̒ talumualo monto opopiohu hilaa lo Allahu Taa̒ala, alihu diaaluo tamowali debo odelo pilomulo u opedi tohuungi mongoli tilinggula mopotoodei usuukali wau mopoluusa taa dadaata wolo pedilio.

YOSUA 22:5

Wau poo̒dahailo alihu timongoli modungohe butoo̒ upiloa̒hu lei Musa ode limongoli, deu̒yito-yito: Potolia̒ngolo mola to Eeya Allahu Taa̒ala limongoli, poduduo̒lo tou̒ otohilaa-Lio, podungohulo to papaa-lentaa-Lio, poti tatapulo wau molotolo hilao to Olio, wau potiwatoolo to Olio wolo lealeaatu lo hilaamu wau wolo lealeaatu lo jiwamu.”

YOSUA 23:11

Sababu uito, eelai mao̒ u motolia̒nga to Eeya Allahu Taa̒ala limongoli.

YOSUA 23:7

Lou̒ odito timongoli diila tamo ulauwa wolo babaa-ngusawalo tadonggo hibiluloa̒wa towolota limongoli. Timongoli diila tamolapali tanggulo dedee-waalo limongolio meaalo motadia to tanggula boito. Wau olo diila moi̒baadati meaalo mosujudu to dedee-waalo boito.