PILOTIMUA̒TA 22:6 - KITABI HABARI MOPIOHE

⁶ Tatoonu tamohutu tulu to halabolulio lohihilao lapatao̒ tulu boito umalapo ode halabolu lotaa wewo wau moo̒ pobu tunggula maahu pale udonggo hibutua mai, meaalo bulihu pale u boheli tilotobio mai, yi taa u helo polei̒tao̒ tulu boito musi momayali moluloo̒ uiluhi.

PILOTIMUA̒TA 22:6 ပူးပေါင်းရင်းမြစ်များ

PILOTIMUA̒TA 22:12

Wonu bibiahe boito tilao̒ lo taawewo, yi taa u helo miyaheo̒ musi momayali moluloo̒ u yiluhi ode taa ohuu̒wolio.

PILOTIMUA̒TA 22:5

Tatoonu tamo poluli mao̒ lo bibiahio mongaa huo̒yota to halabolulio meaalo to ilengi lo anggurulio, lapatao̒ binatangi boito monao̒ ode utoonulo mao̒ wau mongaa tilapulo halabolu lotaa wewo, yi taa ohuu̒wo lo binatangi boito musi momayali mao̒ moluloo̒ uiluhi wolo tilapula ulebe mopioheo̒ monto halabolu meaalo ilengi lo anggurulio lohihilao.

PILOTIMUA̒TA 22:7

Humayaalio woluo taa u akolo molahu mao̒ balangi pohangato debo odelo doi meaalo balangi ohalaga. Bo lapatao̒ u pilopo hangatio boito tilao̒ lotau lonto belelio. Wonu tamootao̒wa boito otaahua, yi tio musi momayali mao̒ poo̒oluo piu̒wa.

PILOTIMUA̒TA 22:9

To timii̒du pobuutola pasali lohaku, diila otaawa pasali lo sapi, kolodai, himba, pakeyangi meaalo boli wolo wambai̒o u mooli lapatao̒ muli odungga, yi tau-tauwalo tamongaku odelo taa ohuu̒wolio musi deloolo ode tambati poi̒baadatialo. Taa u poilaalo mai lo Allahu Taa̒ala odelo taa u ototala, musi momayali mao̒ poo̒oluo piu̒wa to taa ohuu̒wolio.

MATIUSI 7:16

Timongoli mamoo̒onuhe olimongolio monto huhutu limongolio. Diu̒to u oduhi diila mongohi mai hungo lo angguru wau diu̒to u oduhi diila mongohi mai hungo lo ar.