PILOTIMUA̒TA 22:29 - KITABI HABARI MOPIOHE

²⁹ To wakutu utilantu, podewowalo mai ola-U̒ ngotayadu monto tilapula lo palemu, taluhu anggurumu wau winulo jaitunimu. Wuduwalo mai ola-U̒ mongo walau̒mu talolai tamohuhula daa̒,

PILOTIMUA̒TA 22:29 ပူးပေါင်းရင်းမြစ်များ

OLUO MONGO OLONGIA 4:42

Tou̒ wakutu tuwau uwewo, talolai̒ ngota lonao̒ mai lonto Baal-Salisa. Tio lodelo mai odelei Elisa pale u boheli tilotobio wau olo dulopulu lobotu roti u pilohutu lonto pale tilapulo bohulio losembo totaunu boito. Tei Elisa lopoa̒hu mao̒ tamoomayawa olio helo laya-layadeo̒ roti boito ode mongo nabi boito,

OLUO TAWARI 31:5

Lapatao̒ palenta boito pilomalumu mola, taulo Isirai̒lu helodelo ode Bele lo Eeya totoonulalo wowohi lonto tilapulo huta limongolio u bohulio, deu̒yito-yito tirigu, angguru, winulo jaitun, hula lotiia̒, wau tilapulo huta wewolio. Timongolio helodelo olo ngotayade mopulu lonto miliki limongolio.

PILOTIMUA̒TA 13:12

timongoli musi mopodewo timii̒du walao̒ talolai̒ mohuhula daa, wau timii̒du bibiahe ulai̒ upilotutu mai bohulio. Ngoa̒amilalo boito haku lo Eeya,

PILOTIMUA̒TA 13:2

“Podewowalo ngoa̒amila walao̒ mongo lolai̒ mohuhula daa̒ ode ola-U̒. Timii̒du walao̒ mongo lolai̒ mohuhula daa̒ lo Isirai̒lu, wau timii̒du bibiahe ulai̒ u pilotutu mai bohulio, deu̒yito-yito hakuu-U̒.”

PILOTIMUA̒TA 23:15

Todelomo hulalo Abib meaalo hulalo ubohulio, towakutu utilantu mao̒, timongoli musi mopolame Potihunggu lo Roti Diila Oragi wolo pohuli u mapilo malenta-U̒ mai olemu, sababu tohulala boito timongoli helo lolaa mao̒ Masiri. Diila mao̒ polamela roti upilohutu wolo ragi ngotilonggadu lameyangi pituhui mola boito. Timii̒du timongoli monao̒ mai moi̒baadati to ola-U̒, timongoli musi modelo mai podewo.

PILOTIMUA̒TA 23:16

Polameyaalo potihunggu lo polipualo tou̒ timongoli molumula molipu bohulo tilapulo halabolu limongoli. Polameyaalo potihunggu lo Wombohe Duungo to pulito lotaunu tou̒ timongoli mohimoa̒a tilapulo ilengi lo angguru wau ilengi lo huhuu-ngowaalo.

PILOTIMUA̒TA 23:19

Timii̒du taunu timongoli musi modelo mota ode bele lo Eeya Allahu Taa̒ala limongoli pale ubohulo ilotolao̒ limongoli. Tapu lowalao̒ himba meaalo walao̒ batade diila mowali tubuwolaa wolo taluhu susu liilolio.”

PILOTIMUA̒TA 34:19

Timii̒du walao̒ talolai̒ tamo huhula daa̒ wau binatangi ulai̒ ubohulo pilotutu mai yito hakuu-U̒,

PILOTIMUA̒TA 34:20

bo timongoli musi motolotao̒ walao̒ kolodai ubohulo pilotutu mai wolo mopodewo mao̒ walao̒ himba tuwau odelo tuloi̒o. Wonu timongoli diila mohuto motolotao̒, buloo̒ lokolodai boito musi bolia mao̒ limongoli. Timii̒du walau̒mu talolai̒ tamohuhula daa̒ musi tolota mao̒ limongoli. Diaaluo penu boli ngotaa mao̒ tamowali monao̒ mai ode ola-U̒ wonu diila modelo mai podewo.

YEHESKIEL 20:40

Sababu tohuta lo Isirai̒lu, to bolitutuo̒ lo hui̒du-U̒ u mantali, timongoli ngoa̒amila, bangusa lo Isirai̒lu mamolubo ola-U̒. Mola teto Wau̒ masanangi olimongoli wau motuhatawa mololimo babaa-keyaalo limongoli, dedee-wowaalo limongoli ulaba-labaalo mopoihu wau ngoa̒amila wowohi limongoli utolo-tolomodu.

MIKHA 7:1

Topotala wau̒! Wau̒ debo odelo taa polaangolo mota molipu hungo lapatio mao̒ mopaluto sembolio. Diduu̒ huhuu-ngowaalo to bubuu-ngowaalo ayu. Hungo lo angguru wau hungo lo ara u hipiohe ngoa̒amilalo malo pulito tilipu.

YIA̒APO 18:13

Ngoa̒amila boito yito ode olemu. Timii̒du pongawaa̒ lo ngalaa̒mu tadiila najisi mowali molamelao̒.

MATIUSI 6:33

Oditolio, potolo anipo meimulo alihu Allahu Taa̒ala momalenta mai tutumulumu wau pohutua mao̒ kahandaki-Lio. Yi, ngoa̒amila u wewolio mawohi mai lo Allahu Taa̒ala olo olemu.

ROMA 8:23

Wau diila bo wambao̒ ngoilanggubu aalamu u hemo poi̒laalo suukali; ito lohihilao olo hemo poi̒laalo suukali todelomo hilaanto. Ito malo lolimo Rohullah odelo wowohi mai lo Allahu Taa̒ala ubohulio, bo boli odito ito olo donggo hemohima Allahu Taa̒ala mopo lopatai batanganto lea-leaatulo mao̒ wau mopowali olanto mongo wala-I̒o.

TINGULI 15:19

“Walao̒ sapi wau batade himba ulai̒ ubohulo pilotutu mai musi podewolo ode Eeya Allahu Taa̒ala limongoli. Sapi boito diila mowali pomake u momantanga popadeo̒, wau himba boito diila mowali uluuhulo.

YAKOBUS 1:18

Tou̒ hilaa-Lio lohihilao Tio lopowali mai olanto mongo wala-I̒o lotimbulude to tahudaa-Lio u otutu. Tio lohutu mai uito alihu ito moo̒tapu tambati ulaba-labaalo mopiohu towolota lo ngoa̒amila mahaluku u pilowali-Lio.