PILOTIMUA̒TA 22:23 - KITABI HABARI MOPIOHE

²³ Wonu timongoli mopoo̒ leetoo̒ olimongolio, Wau̒, Eeya mamo dungohe olimongolio wonu timongolio mongiibodu mei̒ tulungi to ola-U̒.

PILOTIMUA̒TA 22:23 ပူးပေါင်းရင်းမြစ်များ

AYUBA 34:28

Timongolio loo̒sababu taa mosikini helo poi̒laalo susa hiyongi mongolio dilungohe lo Allahu Taa̒ala.

AYUBA 35:9

Tau-tauwalo tahe dileehe mamopo ilaalo suusa sababu ngongotio; timongolio monguatio̒ mei̒ tuulungi.

JABURU 10:14

Bo Eeya loo̒onto mai olio; piloo̒tuotoi lo Eeya osuusa wau polodutolo, wau laito dapa-dapato u motulungi. Taa udiila olotolo mohudu batanga ode Eeya, Eeya laito hemo tulungi mai taa u mosikini.

JABURU 140:12

Huliaalo mao̒ taa u hipohutua diila omanusia odungga lobaala, diila mao̒ polulia tamoo-pitanaawa motibiluloa̒ todunia.

JABURU 145:19

Eeya moposanangi hilaa lotaa u hisaalea; Eeya modungohe iibodi mongolio wau mopoa̒ahu olimongolio.

JABURU 18:6

Watotia pilalita baala lo mautu, taalo mautu woluo totalu lowatotia.

JABURU 68:5

Polahuwalo mola ode Allahu Taa̒ala, pujiaalo mola tanggu-Lio, podapato mao̒ dalala daa̒ ode Eeya utae̒tae̒e toheengo. Tanggu-Lio Eeya – potisana-sanangilo totalu-Lio!

PILOTIMUA̒TA 22:27

sababu kaingi boito yito haku utuwa-tuwaulo u moo̒patu batangalio. Wonu diila pohuwalingo mao̒ ode olio, donggo wolo poli umusi pomakelio duo̒lo pohuloto tou̒ motuluhu? Wonu tio mongiibode mei̒ tulungi to ola-U̒, yi Wau̒ mamo dungohe olio sababu Wau̒ odehu hilao.

HIYONGO MOPOILAALO SUUSA 5:3

Tiyamo lo mongowatotia mapilate lomusu yila-yilateelo mao̒; botia tiilo mongowatotia janda, wau mongowatotia didu otiyamo.

LUKASI 18:7

Naa, wolo Allahu Taa̒ala diila tamo podulua palakala lo umati-Lio lohihilao tahi pongibode o-Lio hui wau dulahu? Wolo Tio mamopo lohudu lowakutu mai motulungi olimongolio?

TINGULI 10:18

Tio mopoduulua haku lo tadidu otiilo otiyamo wau janda alihu timongolio pohutuwola wolo aadili; Tio momonu tau deli tatumu-tumulo wolo bangusanto wau mongohi mai ua̒alo wau pakeyangi ode limongolio.

TINGULI 15:9

Diila mao̒ potoulia u mopo bulotao̒ to olio wolo alaasani deu̒ taunu polulutalo biloli malembidei. Diila mao̒ polulia pikilangi u odito leetio boito tumuwotao̒ ode delomo hilaa limongoli. Wonu timongoli diila mohuto mopo bulotao̒, tau boito mamo ngiibode to Eeya u mopo duloheo̒ olimongoli, yi timongoli mapoi̒laalo-Lio mai ototala.

TINGULI 24:15

Timii̒du dulahu tou̒ diipo dulahee tumolopaa mota timongoli musi momayali mao̒ wupaalio tou̒ kalaja u dulahio tuwau boito; tio mohaalapu doi boito sababu tio palalu todoi boito. Wonu timongoli diila momayali mao̒ wupaalio, tio mamo ngiibode ode Eeya u mei̒ tulungi mai to olimongoli, wau timongoli poi̒laalo-Lio odusa.

YAKOBUS 5:4

Timongoli diila hemo mayali wuupa lotau-tauwalo tahemo kalaja to halabolumu. Botia dungohilo poloi̒laalo suusa limongolio! Tau-tauwalo tahipo himoa̒ tilapula lo halabolumu hiwatia̒ mei̒ tulungi wau wuwaatii̒ mongolio mai̒lo dungohe lo Allahu Taa̒ala, Eeya Taa Laba-labaalo kawasa.