PILOTIMUA̒TA 22:22 - KITABI HABARI MOPIOHE

²² Diila mao̒ pohutua tahi jaandawa meaalo walao̒ tadidu otiilo otiyamo lou̒ tohila-hilaamu.

PILOTIMUA̒TA 22:22 ပူးပေါင်းရင်းမြစ်များ

AYUBA 31:16

Diipo pee̒enta mao̒ wau̒ diila mohuto motulungi taa u mosikini, meaalo lopoluli tahi jandaawa tumutumulo yilooli halaapani.

AYUBA 34:28

Timongolio loo̒sababu taa mosikini helo poi̒laalo susa hiyongi mongolio dilungohe lo Allahu Taa̒ala.

JABURU 10:14

Bo Eeya loo̒onto mai olio; piloo̒tuotoi lo Eeya osuusa wau polodutolo, wau laito dapa-dapato u motulungi. Taa udiila olotolo mohudu batanga ode Eeya, Eeya laito hemo tulungi mai taa u mosikini.

JABURU 34:7

Taa marapo hemo ngiibode wau Eeya lolametai olio, lopo lopato olio lonto totoonulalo ileepitalio.

POHUMAYA 22:23

Sababu, Eeya mamopo duulua palakala limongolio wau momahutao̒ nyawa lotaa u modeehe olimongolio.

POHUMAYA 23:10

Diila mao̒ limbata sama-samaata sipatana lo wariisani meaalo mohama huta haku lo tadidu otiilo otiyamo.

POHUMAYA 23:11

Sababu, Eeya yito tamooduulua tamolotolo, tioolo tamamo poduulua olimongolio moluwali olemu.

YESAYA 1:17

pobalaajalilo mohutu u mopiohu. Potulideelo uaadili; wau yinggilalo polodeehe; wohia mao̒ to tadidu otiilo otiyamo haku limongolio wau poduulua mao̒ palakala lomongo janda.”

YESAYA 1:23

Mongo tau̒wamu tamoo-malakalaawa wau wakili lo tamootao̒wa; timongolio mohuto mololimo palaseni wau doi sooloi̒. Timongolio diila mohuto mopoduulua tadidu otiilo otiyamo to bubutoo̒; diila mohuto modungohe dudulohu lomongo janda.

YESAYA 10:2

Wolo dudelo boito timongoli hemolanggu taa mosikini moo̒tapu haku wau ua̒adili, hemohehu haku lomongo janda wau tadidu otiilo otiyamo.

YEREMIA 7:6

Diilalo mao̒ podeehe tau deli, walao̒ tadidu otiilo otiyamo, wau mongo janda. Diila mao̒ pomate mateelo mao̒ totaa diila ototala tolipu botie. Diila mao̒ polubo ila-ila wewo, sababu sua̒li boito mamopo binasa olimongoli.

YEREMIA 7:7

Wonu timongoli molomelao̒ dudelo tutumulumu wau pii̒limu boli mohuheli mohutu ngoa̒amilalo boito, Wau̒ mamopoluasi olimongoli debo motibiluloa̒ tolipu botie u mailohi-U̒ odelo huta pusaka ode loluuhurumu.

YEHESKIEL 22:7

Diaaluo penu boli ngotaa mao̒ monto ulipumu mohulumati mongo dulaa̒alio. Yio̒ hemob himbulo tau deli wau hemahama uuntungi monto osuusa lotaa janda wau tadidu otiilo otiyamo.

JAKARIA 7:10

Diila mao̒ podeehe tomongo janda, taukekeei̒ tadidu otiilo otiyamo, tau-tauwalo deli tahi tatapua tohuungi mongoli, meaalo penu boli tatoonu wambao̒ tawaluo todelomo owowoluwoa usuusa. Wau diila mao̒ olo pomatuju u moleeto ode timongotamu.’

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

MATIUSI 23:14

Matopotala timongoli guguu-ruwaalo agama wau tau-tauwalo Parisi; Timongoli wambao̒ tamoohutua udiila otu-otutuulo mao̒. Timongoli hemo ngaakali tomongo janda wau hemohehu bele limongolio wau u modepuheo̒ u moleeto boito timongoli hemodua̒ hayahaya. Uito sababuulio hukuumani limongoli de mamo buheetai!]

TINGULI 10:18

Tio mopoduulua haku lo tadidu otiilo otiyamo wau janda alihu timongolio pohutuwola wolo aadili; Tio momonu tau deli tatumu-tumulo wolo bangusanto wau mongohi mai ua̒alo wau pakeyangi ode limongolio.

TINGULI 15:9

Diila mao̒ potoulia u mopo bulotao̒ to olio wolo alaasani deu̒ taunu polulutalo biloli malembidei. Diila mao̒ polulia pikilangi u odito leetio boito tumuwotao̒ ode delomo hilaa limongoli. Wonu timongoli diila mohuto mopo bulotao̒, tau boito mamo ngiibode to Eeya u mopo duloheo̒ olimongoli, yi timongoli mapoi̒laalo-Lio mai ototala.

TINGULI 24:17

Diila mao̒ polambata haku lotau deli wau walao̒ tadidu otiilo otiyamo, wau diila mao̒ pohama pakeyangi ngotaalio lojanda u pongakuwalo.

TINGULI 24:18

Eelai mola deu̒ timongoli mapee̒enta lowali wato to Masiri wau yilopatai lo Eeya Allahu Taa̒ala limongoli; uitolo sababuulio watia longohi mai wuu̒du botie ode limongoli.

TINGULI 27:19

‘Malaa̒-laa̒anatilo taa u molambata haku lotau deli, walao̒ tadidu otiilo otiyamo wau janda.’ ‘Amin!’

YAKOBUS 1:27

Ododungohu to agama ubelesi wau u tutuuliotutu modudua̒ bibilohu lo Allahu Taa̒ala ti Paapa yito; motulungi tau̒kekeei̒ tadidu otiilo otiyamo wau mongo janda tahi dutola, wau modaha batanga lohihilao alihu diila mao̒ antuluo lodunia botie.