PILOTIMUA̒TA 22:21 - KITABI HABARI MOPIOHE

²¹ Diila mao̒ podeehe meaalo mohutu udiila aadili ode tau deli; eelai mola omoo̒omolu timongoli olo tau deli to Masiri.

PILOTIMUA̒TA 22:21 ပူးပေါင်းရင်းမြစ်များ

AYUBA 6:27

Tumbao̒ walao̒ didu otiilo otiyamo ilundi limongoli paladio, sahabatimu modudulo ilaakali limongoli u mowali kaya.

JABURU 146:9

Eeya moduo̒la tau-tauwalo deli; Eeya motulungi tomongo janda wau tadidu otiila otiyamo, bo diila mopomata patuju lotaa moleeto.

PILOTIMUA̒TA 20:2

“Wau̒lo Eeya Allahu Taa̒ala limongoli tahe lodelo olimongoli yilumualao̒ lonto Masiri tambati pilowatolio olimongoli.

PILOTIMUA̒TA 23:9

Diila mao̒ pohutua tau deli wolo totoonulalo otohilaa lohilao wambao̒; otaawa limongoli woloolo mola lasaalio mowali tau deli, sababu omoo̒omolu timongoli olo tau deli to Masiri.”

YESAYA 1:17

pobalaajalilo mohutu u mopiohu. Potulideelo uaadili; wau yinggilalo polodeehe; wohia mao̒ to tadidu otiilo otiyamo haku limongolio wau poduulua mao̒ palakala lomongo janda.”

YEREMIA 22:3

“Potihutulo aadili wau motiludu. Lopata mao̒ taa u hepilo hamaawa uuntungi dadaata daa̒ lonto okokawasa lotaa u hemohama uuntungi dadaata daa̒ to olio. Diila mao̒ podeehe meaambo mohutu u moleeto totaa deli, walao̒ tadidu otiilo otiyamo, meaambo janda. Diila mao̒ pomate taa udiila ototala mate-mateelo mao̒ to tambati botie.

YEREMIA 7:6

Diilalo mao̒ podeehe tau deli, walao̒ tadidu otiilo otiyamo, wau mongo janda. Diila mao̒ pomate mateelo mao̒ totaa diila ototala tolipu botie. Diila mao̒ polubo ila-ila wewo, sababu sua̒li boito mamopo binasa olimongoli.

YEHESKIEL 22:7

Diaaluo penu boli ngotaa mao̒ monto ulipumu mohulumati mongo dulaa̒alio. Yio̒ hemob himbulo tau deli wau hemahama uuntungi monto osuusa lotaa janda wau tadidu otiilo otiyamo.

IMAAMATI 19:13

Diila mao̒ pohama untungi daa̒ ode timongotamu meaalo molambata barangilio. Wuupa lo ngotaalio tahemo kalaja to olemu diila mao̒ otonga limongoli penu boli bo ngohui.

IMAAMATI 19:33

Diila mao̒ pohutu udiila mopiohu totaa deli tabilu-biluloa̒ tolipumu.

IMAAMATI 19:34

Pohutua mao̒ timongolio debo odelo timongoli mopohutu mao̒ tau-tauwalo ngobangusa limongoli wau tolia̒ngi mao̒ timongolio debo odelo timongoli motolia̒ngo batanga limongoli lohihilao. Eelai mola deu̒ timongoli olo mapee̒enta tilumumulo odelo tau deli to Masiri. Wau̒lo Eeya Allahu Taa̒ala limongoli.

IMAAMATI 25:35

Wonu bolo taa ngobangusamu tabilu-biluloa̒ towolota limongoli modehu mosikini wau diila moo̒ oonggosi tutumulio, timongoli musi momantu mao̒ olio debo odelo tau deli ngota meaalo taa bo lonao̒ mai, alihu tio mowali tumumula tulusi towolota limongoli.

JAKARIA 7:10

Diila mao̒ podeehe tomongo janda, taukekeei̒ tadidu otiilo otiyamo, tau-tauwalo deli tahi tatapua tohuungi mongoli, meaalo penu boli tatoonu wambao̒ tawaluo todelomo owowoluwoa usuusa. Wau diila mao̒ olo pomatuju u moleeto ode timongotamu.’

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

TINGULI 1:16

To wakutu boito watia mongohi mao̒ tuugasi olimongolio odie: Poo̒tuota mao̒ popoo-lobuutola u tumoodei towolota lo bangusaamu. Wohia mao̒ putuusani u aadili, mopio todelomo palakala u aa̒aita wolo tango bangusaamu meaalo moheitao̒ tau deli tahi biluloa̒wa towolota limongoli.

TINGULI 10:18

Tio mopoduulua haku lo tadidu otiilo otiyamo wau janda alihu timongolio pohutuwola wolo aadili; Tio momonu tau deli tatumu-tumulo wolo bangusanto wau mongohi mai ua̒alo wau pakeyangi ode limongolio.

TINGULI 10:19

Yi timongoli olo musi mopo biloheo̒ tolia̒ngi mongoli ode tau-tauwalo deli boito, sababu muloololio mai timongoli olo tau deli to Masiri.

TINGULI 15:15

Eelai mao̒ deu̒ timongoli muloololio mai wato to Masiri lapatao̒ yilopato lo Eeya Allahu Taa̒ala limongoli; uitolo sababuulio watia mongohi mai palenta botie ode limongoli.

TINGULI 23:16

Tio mowali motibiluloa̒a totala tuwau lokota limongoli modudua̒ u tilulaotio, wau timongoli diila mowali mopohutu mao̒ olio wolo bangganga.

TINGULI 23:7

Diila mao̒ pomilohe dupa-dupapa taulo Edom sababu timongolio boito wutati mongoli. Diila mao̒ pomilohe olo dupa-dupapa taulo Masiri, sababu timongoli mapee̒enta lotibiluloa̒ tolipu limongolio.

TINGULI 24:17

Diila mao̒ polambata haku lotau deli wau walao̒ tadidu otiilo otiyamo, wau diila mao̒ pohama pakeyangi ngotaalio lojanda u pongakuwalo.

TINGULI 27:19

‘Malaa̒-laa̒anatilo taa u molambata haku lotau deli, walao̒ tadidu otiilo otiyamo wau janda.’ ‘Amin!’