PILOTIMUA̒TA 22:14 - KITABI HABARI MOPIOHE

¹⁴ Wonu tahingota-ngotaawa mobuloto bibiahe tuwau lapatao̒ bibiahe boito pilalia meaalo yilate tou̒ taa ohuu̒wolio diaaluo totambati ui̒lowalia mai boito, yi talo bulotao̒ boito musi momayali moluloo̒ u yiluhi.

PILOTIMUA̒TA 22:14 ပူးပေါင်းရင်းမြစ်များ

NEHEMIA 5:4

Wau donggo woluo poli taloloi̒ya, “Ami malo bulotaa doi u pilotoloto beya utilantu mao̒ li olongia ode halabolu wau ileengi lo angguru lami.

JABURU 37:21

Taa moleeto mobuloto wau diila mopowalingo, bo taa mopiohu hemongohi wolo muura lohilao.

PILOTIMUA̒TA 21:34

taa ohuu̒wo lo ali boito musi momayali poluloo̒ mao̒ uiluhi ode taa ohuu̒wo lo bibiahe boito, bo tio mowali mohama mao̒ bibiahe u mailate boito ode batangalio.

PILOTIMUA̒TA 22:11

To delomo sua̒li boito tio musi monao̒ mota ode tambati poi̒baadatialo wau motadia domi tanggulo Eeya deu̒ tio diila lotao̒ bibiahe u mapilo malacaya mao̒ olio. Wonu tio memangi diila helotao̒ uito, yi taa ohuu̒wolio musi momanta mao̒ ooluhi boito, wau taa u lomiyaheo̒ boito diila palalu momayali moluloo̒ u yiluhi.

PILOTIMUA̒TA 22:13

Wonu bibiahe boito dilangapo lo binatangi u mongantau, taa u lomiyaheo̒ musi mopo biloheo̒ lalaa-bitowaalo lo tulalio odelo bukuti to taa ohuu̒wolio, diila palalu tio momayali moluloo̒ u yiluhi duo̒lo binatangi boito.

PILOTIMUA̒TA 22:15

Bo wonu uito lotoduo mai tou̒ taa ohuu̒wolio woluo teto, talo bulotao̒ diila palalu momayali moluloo̒ u yiluhi, wonu bibiahe boito bibiahe hepo sewalio, ooluhilio otau̒be lo onggosi loseuwa.”

IMAAMATI 24:18

Titaalo tita tamomate binatangi lotaa wewo mate-mateelo mao̒ musi moluloa̒ao̒. Daasarilio yito ‘nyawa tuloa̒lo wolo nyawa’.

MATIUSI 5:42

Wonu tau mohile u hitua-tuawua to olemu, wohia mao̒ tio. Wau diila mao̒ potoulia olo taa motohilaa mobulota u hitua-tuawua monto olemu.”

LUKASI 6:35

Musiilio diila odito! Timongoli bolii̒o mao̒ musi motolia̒ngo musuumu wau mohutu u mopiohu toli mongolio. Timongoli musi mopobulotao̒, wau diila mao̒ pohalapu muli powalingolio mai. Wonu odito, wuupamu mau̒daa̒ wau timongoli mamowali mongo walao̒ Allahu Taa̒ala Taa Laba-labaalo molanggato. Sababu Allahu Taa̒ala mopiohe hilaa ode taa diila motota mongohi sukuru, wau ode taa moleeto olo.

TINGULI 15:2

Odi-odieelo mola dudeloolio. Timii̒du taulo Isirai̒lu tamopo-bulotao̒ doi ode taa ngobangusaalio, musi molulutao̒ biloli boito, sababu modudua̒ u tilantu lo Eeya lohihilao deu̒ biloli boito mailuluto, oditolio diilalo mowali tagiyola.