PILOTIMUA̒TA 22:10 - KITABI HABARI MOPIOHE

¹⁰ Humayaalio ngotaalio molaala kolodai, sapi, himba meaalo bibiahe u wewolio haku lo timongotalio. Lapatao̒ bibiahe boito mate, pilalia meaalo yilambato musu, lebe-lebe pomao̒ diaalu sakusiilio.

PILOTIMUA̒TA 22:10 ပူးပေါင်းရင်းမြစ်များ

ILOOWALI 39:8

Tei Yusu diila lohutu wau loloi̒ya mao̒ olio, “Maa̒apu, Nyonya, tituani Potipar malo popalacaya mai to olaatia totoonulalo milikiilio. Tio diilalo palalu momikilangi wolo-wolo tobele botie.

PILOTIMUA̒TA 22:11

To delomo sua̒li boito tio musi monao̒ mota ode tambati poi̒baadatialo wau motadia domi tanggulo Eeya deu̒ tio diila lotao̒ bibiahe u mapilo malacaya mao̒ olio. Wonu tio memangi diila helotao̒ uito, yi taa ohuu̒wolio musi momanta mao̒ ooluhi boito, wau taa u lomiyaheo̒ boito diila palalu momayali moluloo̒ u yiluhi.

PILOTIMUA̒TA 22:9

To timii̒du pobuutola pasali lohaku, diila otaawa pasali lo sapi, kolodai, himba, pakeyangi meaalo boli wolo wambai̒o u mooli lapatao̒ muli odungga, yi tau-tauwalo tamongaku odelo taa ohuu̒wolio musi deloolo ode tambati poi̒baadatialo. Taa u poilaalo mai lo Allahu Taa̒ala odelo taa u ototala, musi momayali mao̒ poo̒oluo piu̒wa to taa ohuu̒wolio.

LUKASI 12:48

Bo tamoomayawa tadiila motota u otohilaa lituanilio, lapatao̒ mohutu hitua-tuawua utalatala tilinggula musi buboa̒lo, yi mabuboa̒lo lou̒ moheelo wambao̒. Sababu taa u mailohia dadaata, monto olio mopohilelio wolo moo̒ohuu̒ u dadaata olo. Wau tamaa pilo-malacaya mao̒ udadaata, monto olio mapohilelio wolo moo̒ohuu̒ u dadaata olo.”

LUKASI 16:11

Oditolio, wonu tomimbihu okokaya lodunia botie timongoli madiilalo mowali palacayalo, tatoonu tamohuto mopo palacaya mao̒ olemu okokaya lo lohani?

2 TIMOTIUS 1:12

Uitolo sababuulio wau̒ helo dutolo ngoa̒amilalo botie, bo wau̒ debo yakini, sababu otaawau̒ tutu tatoonu taa pilalacayau̒. Wau̒ yakini deu̒ wolo u mapilo malacaya-Lio mai olau̒, Tio olo mambo modaha mai dilumutu to Dulahe Kiama.