PILOTIMUA̒TA 21:26 - KITABI HABARI MOPIOHE

²⁶ Tatoonu tamomate mato lowatolio tunggula pitoo̒, musi lopatolo wato boito odelo potoloto duo̒lo matolio.

PILOTIMUA̒TA 21:26 ပူးပေါင်းရင်းမြစ်များ

NEHEMIA 5:5

Wolo ami olo diila taulo Yahudi? Wolo walao̒ lami diila motutuuwauwa wolo mongo walao̒ lo Yahudi uwewo? Eleponu odito ami bolo pakusa helo poluli mao̒ mongo walao̒ lami lowali wato. Tumbao̒ woluo walao̒ lami tadulahu mapilotali lami lowali wato. Ami diilalo o lotoolo sababu halabolu wau ileengi lo angguru lami mapilopo huloo̒ lami.”

JABURU 10:14

Bo Eeya loo̒onto mai olio; piloo̒tuotoi lo Eeya osuusa wau polodutolo, wau laito dapa-dapato u motulungi. Taa udiila olotolo mohudu batanga ode Eeya, Eeya laito hemo tulungi mai taa u mosikini.

JABURU 10:18

Walao̒ didu otiilo otiyamo wau taa hideehea piloduulua lo Eeya palakalaalio, alihu diaaluo taa u mopoo̒ohe olimongolio.

JABURU 9:12

Pujialo mola Eeya tahe momalenta to Sioni! Wungguliaalo huhuutuu-Lio ode babaa-ngusawalo!

PILOTIMUA̒TA 21:20

Tatoonu tamomate watolio talolai̒ meaalo taabua tilinggula watolio boito tulusi yilate, musi hukuu-maniyola.

PILOTIMUA̒TA 21:24

mato towoliyala lomato, dungito towoliyala lodungito, uluu̒ towoliyala lo uluu̒, oa̒ato towoliyala lo oa̒ato,

PILOTIMUA̒TA 21:25

pali mopobu towoliyala lopali mopobu, matango towoliyala lomatango.

PILOTIMUA̒TA 21:27

Wonu tahingota-ngotaawa momate watolio tunggula moboli dungitio, wato boito musi lopatolo odelo potoloto duo̒lo dungitio boito.”

EPESUS 6:9

Mongo wutato tamowali tuani! Mamusi timongoli ohuhaama odito olo ode mongo watomu. Diilalo mao̒ pomakea aa̒an-jamuwaalo. Eelai deu̒ timongoli wau mongo watomu boito, tutuuwauwa otuani ngota, deu̒ito-yito Eeya tatosologa. Tio diila momilohe baya.

TINGULI 16:19

Todelomo mohama putuusani, timongolio diila mowali mohutu lou diila momandungi haku lotaa wewo meaalo motiwambao̒. Timongolio diila mowali olo mololimo sooroi̒, sababu sooroi̒ boito moo̒ pitoo̒ hilaa lotau, tumbao̒ taa molinepo wau juujulu, tilinggula mohama putuusani udiila aadili.

KOLOSE 4:1

Mongo wutato tamowali tuani! Mamusi timongoli mopohutu mao̒ mongo wato limongoli lou̒ otutu wau aadili. Poo̒toloma mao̒ deu̒ timongoli olo otuani ngota tosologa.