PILOTIMUA̒TA 21:1 - KITABI HABARI MOPIOHE

¹ Lapatao̒ Eeya lotahuda mao̒ odelei Musa, “Wohia mao̒ to taulo Isirai̒lu wuu̒du botie:

PILOTIMUA̒TA 21:1 ပူးပေါင်းရင်းမြစ်များ

BOHULO MONGO OLONGIA 6:12

“Wonu yio̒ modungoheo̒ ngoa̒amila butoo̒ wau palentaa-U̒, yi Wau̒ mamopohutu mai olemu wolo umapilo danti-U̒ ode liyamamu Dauda.

OLUO TAWARI 19:10

Wonubolo mongo sahabatimu monto kota wewo mopo dudulai olemu palakala tuwau lo polomatea yila-yilateelo mao̒, huhutu molambanga to butoo̒ meaambo wau ila-ilaalo daa̒, yi patutilio timongoli mongohi mao̒ potuhata toli mongolio. Lou̒ odito timongoli diila ototala to Eeya, wau Eeya diila tamo muluka mai to olemu meaambo toli mongolio. Ponao̒wa mao̒ palenta botie, yi timongoli diila tao̒totala.

NEHEMIA 10:29

Ami ngoa̒amila mamopotuwau lo batanga wolo mongo tau̒wa lami wau motadia mai u tumumulo modudua̒ butoo̒ Allahu Taa̒ala u mailohi-Lio mai lotimbulude olei Musa. Pohileaala dua̒ Allahu Taa̒ala molaa̒nati olami wonu ami diila moe̒ela daantia botie. Ami motadia mai maa modungohe totoonulalo palenta, butoo̒ wau wuu̒du lo Eeya, Allahu Taa̒ala lami.

JABURU 147:19

Eeya loposambe tahuli lo Eeya to umati lo Eeya, opiduduto wau butoo̒ Eeya to umati tilulaoto Eeya.

PILOTIMUA̒TA 19:7

Yi malolaahe mola tei Musa wau helo tiangai mongo tau̒wa alihu motia̒mbu, lapatao̒ sililitaalio mao̒ olimongolio ngoa̒amila upilo malentai lo Eeya olio.

YEHESKIEL 20:11

Mola teto, yilohi-U̒ olimongolio papaa-lentaa-U̒ wau pilo ngaajali-U̒ bubuu-too̒o-U̒ u musi dungohe limongolio, sababu taa u modungoheo̒ madebo tumumulo.

YEHESKIEL 20:25

Lapatao̒ yilohiya-U̒ mai olimongolio bubuu-too̒owaalo udiila mopiohu wau papaa-lentawalo u diila moo̒ wohi tutumulo.

IMAAMATI 18:5

Dungohe mao̒ wuwuu-uduwaalo wau butoo̒o-U̒ uwohi-U̒ mai olemu. Wonu timongoli mohutu mao̒ odito, tutumulumu moa̒ahu. Wau̒ Eeya.”

IMAAMATI 19:37

Dungohi mao̒ ngoa̒amila butoo̒ wau palentaa-U̒. Wau̒lo Eeya.”

IMAAMATI 20:22

Eeya lotahuda mai, “Dungohi mao̒ ngoa̒amila butoo̒ wau palentaa-U̒, alihu timongoli diila polahiyolo monto lipu lo Kanaa̒n, ode utoonu Wau̒ modelo olimongoli.

MALEAKHI 4:4

Eelailo mola ngoa̒amila pongaajali lowato-U̒ tei Musa, eelai mao̒ bubuu-too̒waalo wau papaa-lentawalo uilohi-U̒ olio to Hui̒dee Sinai u dilungohe lo ngoilanggubu umati lo Isirai̒lu.

YIA̒APO 35:24

Todelomo papaa-lakawaalo debo odelo uito dudunggaya lo umati musi momutoa̒ao̒ wolota lotaa u malomate yila-yilateelo mao̒, wau taa u ohilaa molontuli opopate lotaa u ilopatealio yila-yilateelo mao̒.

YIA̒APO 36:13

Ui-uitolo wuwuu-uduwaalo wau pupuu-tuusaniyalo uilohi mai Eeya ode bangusa lo Isirai̒lu lotimbulude to olei Musa, tou̒ bangusa lo Isirai̒lu woluo todatahu lo Moab tobiihu Dutulaa Yordan, totili lokota Yerikho. 83 112

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

TINGULI 15:12

“Wonu bolo talolai̒ ngota meealo taabua monto bangusa limongoli mopotali lo batangalio mowali wato limongoli, tio musi mokalaja tolimongoli ngotilonggadu wolomo taunu mola. Todelomo taunu u opitulio tio musi lopatolo.

TINGULI 4:14

Eeya lopoa̒hu mai olaatia mopoa̒ajali mao̒ olimongoli ngoa̒amila butoo̒ umusi dungohe mao̒ limongoli tolipu ude tuwoto wau potibiluloa̒ limongoli boito.”

TINGULI 4:45

Sua̒li boito pilohutulio lapatao̒ timongolio yilumualai lonto Masiri wau woluo to lumbaya ambahu tiimuru lo Dutulaa Yordan, tataalua wolo kota Bet-Peor. Madala boito bakasi madala lei Sihon, olongia taulo Amori, tamuloololio mai pare-pareenta to kota Hesybon. Tei Musa wau bangusa lo Isirai̒lu lopoo̒laaheo̒ olio tou̒ timongolio yilumualai lonto Masiri.

TINGULI 4:5

Ngoa̒amila butoo̒ boito pongaajali mai lowatia ode limongoli debo odelo upilo malentai lo Eeya Allahu Taa̒ala laatia. Dungohe mao̒ ngoa̒amilalo boito tolipu u matuwoto wau potibiluloa̒ limongoli boito.

TINGULI 4:8

Wau bangusa leidaa̒ toonu tao̒ bubuu-too̒waalo u odito aadili debo odelo bubuu-too̒waalo upilo ngaajali mai lowatia ode limongoli todulahee botie?

TINGULI 5:1

Tei Musa longambu mai ngoilanggubu bangusa lo Isirai̒lu, lapatao̒ loloi̒ya mao̒ olimongolio, “Mongo wutato, dungohi mao̒ bubuu-too̒waalo uwohi mai lowatia todulahee botie olemu. Pobalaajalia mao̒ bubuu-too̒waalo boito, wau dungohi mao̒ wolo tatapu wau molotolo hilao.

TINGULI 5:31

Bo yio̒, Musa, muli pohualingai wau potibiluloo̒lo teea wola-U̒; to olemu mawohiya-U̒ mai ngoa̒amila butoo̒ wau palentaa-U̒. Poa̒ajalia mao̒ olimongolio, alihu timongolio modungoheo̒ tolipu uwohi-U̒ mai olimongolio.’

TINGULI 6:1

“Eeya Allahu Taa̒ala limongoli lopoa̒hu mai olaatia mopoa̒ajali mao̒ ngoa̒amila butoo̒ botie ode limongoli alihu timongoli moponao̒ mao̒ tolipu u diilalo mohiheo mapo tibiluloa̒ limongoli.

TINGULI 6:20

To dulahu momooli mongo walau̒mu mamohintu olimongoli, ‘Yilongola Eeya Allahu Taa̒alanto mopoa̒hu olanto modungoheo̒ ngoa̒amila palenta boito?’

1 TESALONIKA 4:1

Pulitio mao̒ Mongo wutato, amiaatia malongohi mai obaaya olimongoli tomimbihu woloolo mola timongoli musi tumumulo u moposanangi hilaa lo Allahu Taa̒ala. Memangi timongoli maa tilumumulo debo odelo uito. Bo botia tokawasa li Isa Eeya, amiaatia mohile lou̒ tio̒otutua olimongoli wau mohuntulai alihu timongoli lebe motolopani mao̒ todelomo sua̒li boito!