PILOTIMUA̒TA 20:8 - KITABI HABARI MOPIOHE

⁸ Polameyaalo dulahu Saabati wau hulumatia mao̒ dulahee boito.

PILOTIMUA̒TA 20:8 ပူးပေါင်းရင်းမြစ်များ

ILOOWALI 2:2

Todulahee opitulio Allahu Taa̒ala malo poo̒lapato kalajaa-Lio boito, tulusi Tio lohuheli.

ILOOWALI 2:3

Yi bilalakatia-Lio dulahee u opitulio boito wau pilopowali-Lio dulahee utolo-tolomodu, sababu todulahee boito Allahu Taa̒ala lohuheli lapatio mao̒ lopoo̒ lapato kalajaa-Lio.

NEHEMIA 13:15

To maasa boito wau̒ loo̒onto deu̒ to dulahu Saabati dengolo lota to Yehuda hipomitode angguru. Woluo taa wewo poli tahe mopodetohe pale, angguru, hungo lo angguru, hungo lo ara wau babaa-rangiyaalo toitaato kolodailio wau dilelolio ode Yerusalemu.

NEHEMIA 9:14

Dulahu Saabati u mantali musi polameya mao̒ limongolio, wau lotimbulude olei Musa butoo̒ Eeya yilohi mai lo Eeya.

PILOTIMUA̒TA 23:12

Wolomohui mola todelomo ngodiminggu timongoli mowali mokalaja, bo todulahee u opitulio timongoli musi mohuheli, alihu bibiahumu, mongo watomu wau tau deli tahemo kalaja duo̒lomu mowali mohuheli olo.

PILOTIMUA̒TA 31:12

Eeya lomalentao̒ olei Musa

PILOTIMUA̒TA 35:1

Tei Musa longambu mai ngoilanggubu bangusa lo Isirai̒lu lapatao̒ loloi̒ya mao̒ ode limongolio, “Uti-utieelo palenta lo Eeya ode olimongoli:

YESAYA 56:2

Balakatiya-U̒ taa u moe̒elao̒ dulahu Saabati wau diila moponajisi dulahee boito. Taa udiila mohutu u moleeto mapohutuo-U̒ mai wolo mopiohu.”

YESAYA 58:13

Eeya lotahuda mai, “Hulumatiyalo dulahu Saabati odelo dulahu duo̒lo Eeya. Diila mao̒ ponguulusi polohuna daa̒ ode batangamu lohihilao to dulahee boito. Porameeyalo dulahee boito odelo dulahee sanangi tutu; hulumatiyalo dulahu Eeya wolo diila mopasiyali; diila mao̒ olo pokalaja meaambo mobisala udiila ohuna.

YEREMIA 17:21

Polelela mao̒ odie: ‘Wonu timongoli diila motohilaa mate, diila mao̒ pomintaa̒a balangi todulahu Saabati, meaambo modelo tumuwoto molibaya to huhuu-hebuwaalo hulubangi lo Yerusalemu.

YEREMIA 17:22

Diila mao̒ pokalaja meaambo modelo penu boli balangi wolo lumualao̒ monto belemu to dulahu Saabati. Potolomodua mao̒ dulahee boito ode Olau̒ debo odelo u mapiloa̒hu-U̒ ode loluuhurumu.

YEREMIA 17:24

Dungohilo ngoa̒amila palentaa-U̒. Diila mao̒ pomintaa̒a penu boli balangi wolo molibaya tohuhebu hulubangi lokota botie todulahu Saabati. Potolomodua mao̒, dulahu Saabati ode Olau̒, wau diila mao̒ pokalaja penu boli wolo todulahee boito.

YEHESKIEL 20:20

Hulumatiyalo dulahu Saabati alihu mowali tuotolo daantia to wolota-U̒ woli mongoli, u mopoe̒elao̒ olimongoli deu̒ Wau̒ulo Allahu Taa̒ala limongoli.’

IMAAMATI 19:3

Timii̒du tau musi mohulumati oliyamo wau oliilolio wau mopolame mao̒ dulahu Saabati debo odelo upilo malentaa-U̒ mai. Wau̒ Eeya Allahu Taa̒ala limongoli.

IMAAMATI 19:30

Polamea mao̒ dulahu Saabati wau hurumatia mao̒ tambati upiloheetu u polubowalo ola-U̒. Wau̒lo Eeya.

IMAAMATI 23:3

Woluo wolomohui mola u mokalaja, bo todulahee u opitulio, dulahu Saabati, deu̒yito-yito dulahu pohuheliyalo u poheetuwolo ode Eeya. Todulahee boito timongoli musi mohutu mao̒ dudunggaya u poi̒baadatiyalo wau diila mowali mokalaja.

IMAAMATI 26:2

Polameya mao̒ dulahu saabati wau duduu-laheyalo buka lo agama wewolio wau hulumatia mao̒ tambati upiloheetu u polubowalo ola-U̒. Wau̒lo Eeya.

YIA̒APO 15:32

Tou̒ taulo Isirai̒lu mola tohuta datahu wau luasi udelita, talolai̒ ngota ilodungaalio donggo hemo himoa̒a ayu podiio̒ todulahu Saabati.

TINGULI 5:12

Polamea mola dulahu Saabati wau hulumatia mao̒ odelo dulahu umantali, sababu Wau̒lo Eeya Allahu Taa̒ala limongoli tamo malentai olimongoli.