PILOTIMUA̒TA 20:7 - KITABI HABARI MOPIOHE

⁷ Diila mao̒ polanggula tanggulu-U̒ wolo laatao̒ laatao̒, sababu Wau̒, Eeya Allahu Taa̒ala limongoli, mohukuumani mai penu boli tatoonu tamomake tanggulu-U̒ lou̒ talatala.

PILOTIMUA̒TA 20:7 ပူးပေါင်းရင်းမြစ်များ

ILOOWALI 27:20

Ualei Isihaka, “lolamemeta daa̒ lotapumu mai, Naa.” Tametao̒ lei Yako, “kalana Eeya Allahu Taa̒ala Taa hetuboo li paapa malo tulungi mai olaatia.”

BOHULO MONGO OLONGIA 2:9

Bo uti-utieelo tahuliu̒ olemu: diila mao̒ polulia tio beebasi monto hukuumani. Otaawau̒ yio̒ molinepo; oditolio, eleponu tio mapanggola, tolopania mao̒ tio alihu hukuu-maniyola mate.”

OLUO MONGO OLONGIA 5:20

tei Gehasi tamoomayawa olei Elisa, mapiki-pikiilangi, “Aa, yilongola tio pilopoluli lonao̒ wau diila lomaayali wolo-wolo? Patutilio tituani laatia mololimo mao̒ wowohi taulo Siria boito! Domi Eeya tatumu-tumulo, watia musi mohilapita mota olio wau moo̒tapu u hitua-tuawua monto olio!”

JABURU 139:20

Timongolio hemoloi̒ya u moleeto pasali lo Eeya, wau hemotadia paaluti domi kokoo-tawaalo Eeya.

POHUMAYA 30:9

Sababu, wonubolo wau̒ kaya mola, otanu wau̒ mamoloi̒ya deu̒ wau̒ diila momalalu olemu. Wau wonu wau̒ mosikini, otanu wau̒ mamotao̒ tilinggula mopoo̒leeta tanggulumu.”

YEREMIA 34:16

Tahidihuma pantungo pamalenta lo Yehuda wau Yerusalemu wolo mongo pogawee lobele biluloa̒ saaha li olongia, mongo iimamu wau ngoa̒amila tamoo-ngimatoa hutamu malo posaaha mao̒ daantia boito wolo longolota sapi, longolotao̒ lowali dulo butao̒, wau lonao̒ towolota lodulo butao̒ boito. Bo, lapatio mao̒ timongoli lolomelo pikiilangi wau helohina ola-U̒. Mongo wato tamaa yilopato limongolio lotuhatawa wolo otohilaa limongoli, luli hilama limongoli wau luli pilakusa limongoli u lowali wato. Sababu uito, Wau̒, Eeya, motahuda mai deu̒ timongoli malo lambanga palentaa-U̒, wau diila lodungohe dadaa-ntiaalio, sababu timongoli diila lolopato timongotamu bangusa lo Isirai̒lu. Naa, botia mopiohulo Wau̒ mongohi mai obeebasi olimongoli: obeebasi u mate todelomo popaatea meaambo wolo wembelo lo ngongoto meaambo wolo polobiti. Wau̒ mamopohutu mai olimongoli debo odelo timongoli helo pohutu tosapi ilooloti mongoli boito. Wau̒ mamohutu mai totoonulalo bangusa todunia molaasa timihela hapato moo̒onto wolo u pohutuwo-U̒ mai olimongoli.

YEREMIA 4:2

Wonu timongoli motadia domi tanggulu-U̒ wau timongoli tumumula motulidu hale aadili wau otutu, yi totoonulalo bangusa maa momolohone ola-U̒ alihu balakatiya-U̒ timongolio, wau timongolio mamomuji ola-U̒.”

YEHESKIEL 39:7

Bo to huungo taulo Isirai̒lu, mapoi̒laalo-U̒ mai tanggulu-U̒ u mantali, wau tanggulu-U̒ boito diilalo pokootoloolio. Yi bolo otaawalo mao̒ lo babaa-ngusawalo deu̒ Wau̒ulo Eeya, Allahu Taa̒ala u tamantali monto Isirai̒lu.”

IMAAMATI 19:12

Diila mao̒ podanti domi tanggulu-U̒ wonu timongoli diila omakusudu mopoo̒polu mao̒ danti boito, sababu woleeto timongoli mohina tanggulu-U̒. Wau̒ Eeya Allahu Taa̒ala limongoli.

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

2 KORINTUS 1:23

Allahu Taa̒ala sakusi lowatia – sababu otaawa-Lio tuango hilaa lowatia – deu̒ watia diila lomata lonao̒ ode Korintus, sababu watia diila mohuto mopo suukali hilaa limongoli.

TINGULI 10:20

Hulumatiaalo Eeya Allahu Taa̒ala limongoli wau poi̒baadatilo to Olio wamabo̒. Mamusi timongoli tatapu wau molotolo hilao to Olio wau motadia domi tanggu-Lio wambao̒.

TINGULI 5:11

Diila mao̒ polanggula tanggulu-U̒ wolo majanunu, sababu Wau̒, Eeya Allahu Taa̒ala limongoli, mohukuumani mai penu boli tatoonu wambai̒o tamopohuna tanggulu-U̒ diila to tambatilo.

TINGULI 6:13

Hulumatia mao̒ Eeya, Allahu Taa̒ala limongoli, wau potaa̒alukulo wau hulumatiyalo Tio Olio wambao̒, wau wonu timongoli motadia, yi pohutua mao̒ uito domi tanggu-Lio wambao̒.

YAKOBUS 5:12

Ulebe polohuna daa̒, deu̒ito-yito: Diila mao̒ potadia, mopio domi hulungo, meaalo domi dunia, meaalo penu boli domi wolo wambai̒o. Loi̒yaalo mao̒ “Joo” wonu patujumu joo, wau “Diila” wonu patujumu diila; alihu timongoli diila mao̒ podehuwalo hukuumani lo Allahu Taa̒ala.

YOSUA 2:12

Harapuo lowatia timongoli mohuto motadia domi tanggu-Lio deu̒ timongoli mamopohutu mao̒ ngaalaa̒ lowatia lou̒ mopiohu debo odelo u mapilohutu lowatia olimongoli. Podantilo mai deu̒ tiilo wau tiyamo lowatia, mongo wutato lowatia diila tapatee limongoli mate-mateelo mao̒, bo maduo̒la limongoli. Wau woleeto boito wohiyalo mai tuoto tuwau odelo pongaku deu̒ timongoli mowali palacaya mao̒ lowatia!”

YOSUA 2:17

Taduulota tatilugasia motulete lou̒ poo̒-poo̒oyo boito loloi̒ya odeli Rahab, “Ooo̒, ami mamoe̒ela danti umaa pilohilemu lonto olami boito.

YOSUA 9:20

Ito diila mowali momate olimongolio mate-mateelo mao̒ sababu ito malodanti; wau wonu ito diila moe̒elao̒ danti boito yi Allahu Taa̒ala mamo hukuumani mai olanto.