PILOTIMUA̒TA 20:6 - KITABI HABARI MOPIOHE

⁶ Bo Wau̒ mopo bilohei ponu-U̒ ode helihu-lihua wali mai lotau-tauwalo tahipo tolia̒ngowa ola-U̒ wau modungohe palentaa-U̒.

PILOTIMUA̒TA 20:6 ပူးပေါင်းရင်းမြစ်များ

NEHEMIA 1:5

“Yaa Eeya Allahu Taa̒ala takawa-kawasa tosologa. Eeya Allahu Taa̒ala taa Udaa̒ wau mongo watotia motitalu ode Eeya wolo lealeaatu rasa woohe. Eeya debo molotolo hilao wau hemodihu danti lo Eeya totaa u motolia̒nga to Eeya wau modungohe palenta lo Eeya.

JABURU 103:17

Bo Eeya debo momonu mai taa usaale, opopio-Hio pohu pohutu wawaalia mola

PILOTIMUA̒TA 34:7

Wau̒ tatapu momonu to hilihu-lihua wali wau mongambungu totala wau dusa; bo taa ototala sama-samaata diila lopato-U̒ monto hukuu-manilio, wau hukuu-maniyo-U̒ olo tau̒kekeei̒ wau mongo wombu tunggula wali u otolulio wau opatio kalana dusa lomongo dulaa̒ limongolio.”

POHUMAYA 3:1

Diila mao̒ lipata wolo u mapilo ngaajaliu̒ mai olemu, walau̒uu̒. Eelailo laito palentaau̒,

YEREMIA 32:18

Eeya lopobilohei ponu lo Eeya u diila opulitio to helihu-lihua tau, bo Eeya olo mohukuumani tau sababu dusa lomongo dulaa̒lio. Eeya Allahu Taa̒ala tau̒daa̒ wau molotolo boli buheli daa̒; tanggulo Eeya yito Eeya Taa Laba-labaalo kawasa.

DANIALI 9:4

Totoonulalo dusa lobangusa lowatia hei̒laku lowatia to Eeya Allahu Taa̒ala lowatia. Loi̒ya lowatia, “Eeya Allahu Taa̒ala, Eeya udaa̒, wau mongowatotia mohulumati to Eeya. Eeya laito moe̒ela mai daantia lo Eeya wau hemo pobilohei ponu lo Eeya udiila opulitio ode limongolio tamo tolia̒nga to Eeya wau hemohutu wolo u pomalentai lo Eeya.

YIA̒APO 14:18

‘Wau̒, Eeya, diila hua̒a muluka. Wau̒ mopo bilohei ponu-U̒ wau otatapu wau olootolo hilaa-U̒ wolo diila o enggadelio. Wau̒ mongambungu mai taa u odusa wau tamoluwali ola-U̒. Penu boli odito, totala lomongo dulaa̒ mapomalasi-U̒ ode mongo walao̒ wau mongo wombulio, tunggula wali u otolulio wau opatio mola.’

YAHYA 14:15

“Wonu timongoli motolia̒ngu-U̒, timongoli mamo dudua̒ totoonulalo palentaa-U̒.

YAHYA 14:21

Taa mololimo totoonulalo palentaa-U̒ wau pohutuolio, tio-tiolo tamo tolia̒ngu-U̒. Ti Paapa-U̒ mamomonu mai taa motolia̒ngo ola-U̒. Wau̒ olo mamo tolia̒ngo tau boito wau mopo bilohei batanga-U̒ olio.”

WUNGGULI LOMONGO RASULU 2:39

Sababu upilo dantia lo Allahu Taa̒ala boito yito ode olemu wau walimu mola wau ode tau-tauwalo tawoluo to tataa-mbatiyalo u molamingo – deu̒yito-yito ngoa̒amila taa u tiliyango Allahu Taa̒ala Eeyanto u monao̒ mai ode o-Lio.”

TINGULI 4:37

Sababu Tio momonu loluuhuru limongoli, yi timongoli matilulao-Tio; wolo kawasaa-Lio uleidaa̒, timongoli madilelo-Lio yilumualao̒ lonto Masiri.

TINGULI 5:29

Ntali wonu timongolio laito opongolaasa odito! Ntali wonu timongolio laito mohulumati ola-U̒ wau modungohe ngoa̒amila palentaa-U̒ tilinggula timongolio wau wali mola limongolio moa̒ahu u ohiheo-hiheolo mao̒!

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

YAKOBUS 1:12

Potisanangilo tutu taa sabali tou̒ tio odungga loimontala. Sababu lapatao̒ tio moo̒ tahangi toimontala boito, tio mamolimo wuupalio, deu̒ito-yito tutumulo u mapilo danti mai lo Allahu Taa̒ala totau-tauwalo tamo tolia̒ngo Allahu Taa̒ala.

1 YAHYA 4:19

Ito motolia̒ngo, sababu Allahu Taa̒ala maleimulo lomonu mai olanto.

1 YAHYA 5:3

Sababu, motolia̒ngo to Allahu Taa̒ala boliilio mao̒ modungohe totoonulalo palentaa-Lio. Wau totoonulalo palenta-Lio diila mobuheeto olanto.

2 YAHYA 1:6

Motolia̒ngo boliilio mao̒ tumumulo modudua̒ totoonulalo palenta lo Allahu Taa̒ala. Wau palenta umaa ilodungohe limongoli tumulalo mai bohulio yito deu̒ timongoli musi tumumulo lou̒ motolia̒nga ngota timongota.