PILOTIMUA̒TA 20:5 - KITABI HABARI MOPIOHE

⁵ Diila mao̒ polubo bui̒ debo odelo uito, sababu Wau̒lo Eeya Allahu Taa̒ala limongoli, wau Wau̒ diila motohilaa potutuu-wauwolo penu boli wolita. Tau-tauwalo tahi polonua̒wa ola-U̒, hukuu-maniyo-U̒ demola wali otolulio wau opatio.

PILOTIMUA̒TA 20:5 ပူးပေါင်းရင်းမြစ်များ

OLUO LO SAMUEL 21:1

To maasa pamalenta lei Dauda, malo toduo mai baala lopolobiti ulaba-labaalo upohu-pohutu ngotilonggadu tolo taunu mola polupolu. Lapatao̒ tei Dauda helo molohone potuhata lonto Eeya pasali losua̒li boito, wau Eeya lotahuda mai, “Baala lopolobiti boito yito sababu totala lei Saul wau ngaalaa̒lio, timongolio malomate yila-yilateelo mao̒ tau-tauwalo Gibeon.”

OLUO LO SAMUEL 21:6

Sababu uito wuduwalo mai olamiaatia pitu lota mongo lolai̒ monto waliilio, alihu ntayango lamiaatia totalu lo Eeya to Gibea, kota li Olongia Saul lohihilao.” Tametao̒ li olongia, “Ooo̒, timongolio mawuduwou̒ mai.”

BOHULO MONGO OLONGIA 19:10

Tei Elia lolametao̒, “Yaa Eeya, Allahu Taa̒ala Taa Laba-labaalo kawasa, watotia laito hemo kalaja bo ode Eeya lohihilao. Bo umati lo Isirai̒lu helo lambanga daantia limongolio wolo Eeya. Timongolio malo longgalao̒ memees-bawaalo Eeya wau helomate yila-yilateelo mao̒ mongo nabi lo Eeya. Bo watotia lohihilaolo talei tolaa, wau botia timongolio ohilaa momate olo watotia mate-mateelo mao̒!”

BOHULO MONGO OLONGIA 21:29

“Wolo maa iloontongamu woloolo mola tei Ahab helo tidudapa lobatanga totalu-U̒? Sababu uito, Wau̒ diila tamopo dungga mai baala ngotilonggadu tio donggo tumu-tumulo. De tomaasa lowalai̒o mola bolo Wau̒ mopodungga mai baala boito ode ngaalaa̒lio.”

OLUO MONGO OLONGIA 17:35

Eeya malohutu mai daantia u wumbutio mola botie wolo umati lo Isirai̒lu, “Diila mao̒ poi̒baadati ode ila-ila wewo; diila mao̒ posujudu molubo olimongolio meaalo momaya olimongolio, meaalo mopodewo bake to olimongolio.

OLUO MONGO OLONGIA 17:41

Oditolio, timongolio hemolubo to Eeya, bo hipoluboa olo babaa-laahalaalo limongolio. Tunggula todulahee botie olo wali mola limongolio donggo hipohutua sua̒li boito.

OLUO MONGO OLONGIA 23:26

Bo huhutu li Olongia Manasye maloo̒ toodei omuluka lo Eeya ode Yehuda; wau omulukaa-Lio boito diipo lopulito.

OLUO MONGO OLONGIA 5:18

Wonu bolo watia de musi modudua̒ oli olongia laatia mota motabia tokuili Rimon dewa lo Siria, pohileaala dua̒ Eeya mongambungu mai olaatia.”

OLUO MONGO OLONGIA 5:27

Sababu yio̒ malo lolimo wowohi boito, yi yio̒ mamo lolimo olo ngongoto lei Naa̒man. Tumbao̒ u ohiheo-hiheolo mao̒ waliimu mola olo mamoo̒tapu ngongoto boito!” Tou̒ tei Gehasi yilumuolao̒ lonteeto, yi tio maloo̒tapu ngongoto lo alipo – alipio malowali hula daa̒.

OLUO TAWARI 25:14

Lapatao̒ lopoo̒laaheo̒ suludadu lo Edom, tei Amajia lohualinga wau helodelo bubuu-iyaalo balaahala taulo Edom wau lopotambati mao̒ to Yehuda. Lapatao̒ tio helomobu dupa ode bubuu-iyaalo boito wau lolubo mao̒.

OLUO TAWARI 7:19

Bo wonu yio̒ wau ulipumu molambanga bubuu-too̒waalo wau totoonulalo palentaa-U̒, boli molubo ila-ila wewo,

AYUBA 21:19

Timongoli moloi̒ya, “Walao̒ hukuumanio lo Allahu Taa̒ala sababu dusa liyamolio.” Bo loi̒yaau̒ mai: Taa odusa boitolo tamusi hukuumanio lo Allahu Taa̒ala, alihu timongolio mongalati deu̒ sababu dusa limongolio, yi Allahu Taa̒ala lopodungga mai hukuumani-Lio.

AYUBA 5:4

Yi mongo walai̒o diila pee̒enta mao̒ loo̒tapu poloduo̒lo; diaaluo tamohuto mopoduulua olimongolio to bubutoo̒.

JABURU 109:14

Huliaalo mao̒ ololeeto loluuhurulio debo ileela lo Eeya, wau dusa liilolio diila yiluluto.

JABURU 78:58

Timongolio helo teehengi Allahu Taa̒ala wolo tambati polubowalo balaahala, wau helohutu to Eeya lohiihia wolo bubuu-iyaalo limongolio.

JABURU 79:8

Diila mao̒ hukuumania mai amiaatia sababu dusa loluuhuru lamiaatia. Hua̒a ponualo mai mongowatotia, sababu mongowatotia yilooli halaapani.

JABURU 81:15

yi Wau̒ hua̒a mopo taa̒aluku mai musu limongolio, wau mopoo̒laaheo̒ ngoa̒amila laawani limongolio.

PILOTIMUA̒TA 23:24

Diila mao̒ polubo bubuu-iyaalo u mooduo̒lawa olimongolio wau diila mao̒ poduduo̒ dudelo limongolio moi̒baadati. Antulua mao̒ bubuu-iyaalo mooduo̒lawa olimongolio boito wau bolia mao̒ wowoo-lihiyaalo botu u hepomake limongolio u moi̒baadati.

PILOTIMUA̒TA 34:14

Diila mao̒ polubo ila wewo, sababu Wau̒ Eeya, deu̒yito-yito Allahu Taa̒ala tadiila motohilaa potutuu-wauwolo penu boli loolo.

POHUMAYA 8:36

Tatoonu tadiila moo̒tapu olau̒, mopoluhi batanga lohihilao; taa u molonua̒ olau̒, motolia̒ngo mautu.”

YESAYA 44:15

Ngotayadu lo batango ayu boito pilowaliilio ayu podiio̒ u potidengengalo wau pilolapo roti wau pilomanggangi tapu, lapatao̒ ilolulia lomola hilaalio. Tio lotidengenga wau loloi̒ya, “Waa, motabo tutu wau odito mopatu! Otutu moo̒sanangi tulu botie!” Labito ayu boito pilomakelio u lohutu bui̒. Tio lotidungu mola wau lolubo olio wau lodua̒, “Yio̒olo ilaau̒, poa̒ahuwalo mai wau̒!”

YESAYA 44:19

Tamoohutua bui̒ boito malo diila lomikiilangi mola, “Ayu boito ngotayade tilumbilau̒, wau dui̒tio pilomakeu̒ u lolapo roti wau lomanggangi tapu duo̒lo ua̒alou̒. Lapatao̒ labito ayu boito pilowaliu̒ bui̒. Oditolio botia wau̒ molubo ayu ngoputu!”

YEREMIA 2:9

Eeya lotahuda mai, “Botia umati-U̒ muli palakalaa-U̒, wau waliilio mai butoo̒o-U̒.

YEREMIA 32:18

Eeya lopobilohei ponu lo Eeya u diila opulitio to helihu-lihua tau, bo Eeya olo mohukuumani tau sababu dusa lomongo dulaa̒lio. Eeya Allahu Taa̒ala tau̒daa̒ wau molotolo boli buheli daa̒; tanggulo Eeya yito Eeya Taa Laba-labaalo kawasa.

YEHESKIEL 18:19

Bo otanu woluo taa u mohintu yilongola walao̒ boito diila modudua̒ momanta duduu-sawaalo liyamolio. Tametio yito, sababu walao̒ boito mopiohu wau motulidu hale. Tio modungohe ngoa̒amila butoo̒o-U̒ wau mohutu mao̒ wolo tatapu wau molotolo hilao, yi tio debo tumutumulo.

YEHESKIEL 18:2

“Yilongola pohumaya botie tulusi helapa-lapaliyalo to Isirai̒lu? ‘Mongo dulaa̒ molamela hungo lo angguru u molotingo lasaalio, bo tau̒kekeei̒ wambao̒ tamolililu dungitio.’

YEHESKIEL 20:7

Ilahulaa-U̒ timongolio molapi bubuu-iyaalo moo̒olonuo̒ u otohilaa limongolio boito, wau dilini-U̒ timongolio moponajisi batanga wolo molubo babaa-laahalaalo monto Masiri, sababu Wau̒ulo Eeya Allahu Taa̒ala limongolio.

YEHESKIEL 39:25

Eeya Taa Laba-labaalo molanggato lotahuda mai, “Bo botia Wau̒ mamomonu mai umati lo Isirai̒lu wali mai lei Yako, wau mohutu olimongolio muli maa̒amulu. Lou̒ odito Wau̒ modaha alihu tanggulu-U̒ debo hulu-hulumati.

YEHESKIEL 8:3

Tio lohudu mai hitua-tuawua udebo odelo uluu̒, tulusi lopo tataambangao̒ huwoo̒ lowatia. Lapatao̒ todelomo bibilohu boito, watia bilintai̒o mola molanggato ode dulente lo Rohullah wau dilelolio ode Bele lo Eeya to Yerusalemu, ode huhebu potuwotalo ode palepelo delomio u to ambahu tilayo. Mota teto woluo bui̒ balaahala umalo potoodei muluka lo Allahu Taa̒ala.

DANIALI 1:2

Eeya lopoluasi olio lopo olaaheo̒ li Olongia Yoyakim wau helo lambata ngotayadu lonto babaa-langiyalo ohalaga to Bele lo Eeya. Tau-tauwala tahe tilawalo, dilelolio ode kuili lo builio to Babel, wau babaa-langiyalo ohalaga u yilambatio, tilahulio todelomo huhuu-dunguwalo lokuili boito.

DANIALI 3:18

Bo humayaalio Tio diila mohutu mai olo, wajibulio ti Tuani lowatotia maa̒alumu deu̒ mongowatotia diila tamolubo dewa li Tuani lowatotia wau diila olo molubo bui̒ hulawa u pilopo tihulao̒ li Tuani lowatotia boito.”

IMAAMATI 20:5

yi Wau̒ lohihilao tamamo hukuumani olio, ngoa̒amila ngaalaa̒lio, wau ngoa̒amila taa upee̒-pee̒enta wolio mololaa mao̒ ola-U̒ molubo Molokh. Timongolio diilalo pongawaa̒ lo umati-U̒.

IMAAMATI 26:1

Eeya lotahuda mai, “Diila mao̒ pohutua balaahala meaalo mopotihula bui̒ meaalo wolihi botu iluukili u tuboolo. Wau̒lo Eeya Allahu Taa̒ala limongoli.

IMAAMATI 26:29

Timongoli mapolaangolo, tunggula molamelao̒ mongo walau̒mu lohihilao.

NAHUM 1:2

Eeya Allahu Taa̒ala diila motohilaa obalii-Lio, taa u moluwali o-Lio, tantuulo moo̒tapu hukuumani. Wolo muluka daa̒, Eeya molontuli niyati ode limongolio.

YIA̒APO 14:18

‘Wau̒, Eeya, diila hua̒a muluka. Wau̒ mopo bilohei ponu-U̒ wau otatapu wau olootolo hilaa-U̒ wolo diila o enggadelio. Wau̒ mongambungu mai taa u odusa wau tamoluwali ola-U̒. Penu boli odito, totala lomongo dulaa̒ mapomalasi-U̒ ode mongo walao̒ wau mongo wombulio, tunggula wali u otolulio wau opatio mola.’

YIA̒APO 14:33

Wopato pulu lotaunu hiheolio mongo walau̒mu mamonao̒ ode utoonulalo mao̒ tohuta datahu wau luasi udelita. Sababu timongoli diila tatapu wau molotolo hilao, mongo walau̒mu boito mamodutolo, tunggula taa u pulitio towolota limongoli mailate.

YIA̒APO 25:11

“Tei Pinehas walae̒e Eleajar, wombu li Iimamu Haruna, lou̒ moo̒lohu helo poduulua ohulumati-U̒ tohuungo taulo Isirai̒lu, tilinggula omulukaa-U̒ yiloole wau Wau̒ diila lomata lopobinasa mai bangusa boito.

MATIUSI 4:9

Lapatao̒ loloi̒ya mao̒ Ibilisi odeli Isa, “Ngoa̒amila botie mawohiu̒ mai ole-Mu, wonu Yio̒ mosujudu molubo olau̒.”

YAHYA 15:18

“Wonu dunia molunui̒ mongoli, eelai mao̒ deu̒ Wau̒ maleimulo yilonuo̒ lodunia.

YAHYA 7:7

Dunia botie diila pongalo aakali molonui̒ mongoli. Bo Wau̒ memangi lonuo̒ lodunia, sababu Wau̒ laito hemo tahuda ode dunia deu̒ huhutuulio moleeto.

YAHYA 9:2

Tahidudua̒ li Isa lohintu mao̒ odeli Isa, “Paaa̒ Guru, yilongola tau botie pilotutulio mai pitoo̒? Wolo kalana tio lohihilao odusa meaalo mongo dulaa̒lio tao̒dusa?”

ROMA 1:30

motohilaa mopoo̒leeta tanggulo taa wewo; timongolio soombongi wau diila oa̒dabu, wau molonuo̒ to Allahu Taa̒ala, wau motohilaa mosilita toongi. Timongolio motota mololohe totoonulalo pohuli bohu wolo mohutu u moleeto. Timongolio moluwali tomongo dulaa̒;

ROMA 8:7

Taa pikiilangilio kiluwasa pii̒li lomanusia, tau boito mumuusua wolo Allahu Taa̒ala; sababu tau boito diila taa̒luku tobutoo̒ lo Allahu Taa̒ala; wau memangi tio diila mowali taa̒luku tobutoo̒ lo Allahu Taa̒ala.

1 KORINTUS 10:22

Meaalo ito ohilaa mohutu to Eeya mohiihia? Wolo ito lebe molotolo wolo Eeya?

TINGULI 32:21

Timongolio helohutu ola-U̒ lohiihia to udiila Allahu Taa̒ala, wau helo muluka tobui̒ lo balaahala limongolio. Yi pilohutu-U̒ umati-U̒ mohiihia to udiila bangusa, wau moingo tobangusa taa̒balolo.

TINGULI 32:41

Wau̒ mamo dumbata wamilu-U̒ u molilingga, wau moponao̒ polo hukuumani. Tontulio-U̒ ngoa̒amila tuwali-U̒.

TINGULI 4:24

sababu Eeya Allahu Taa̒ala limongoli debo odelo tulu umoo̒ pobu. Tio diila mohuto potutuu-wauwola penu boli loolo.

TINGULI 5:10

Bo Wau̒ mopo bilohei ponu-U̒ ode hilihu-lihua wali monto tau-tauwalo tamo tolia̒nga ola-U̒ wau modungohe palentaa-U̒

TINGULI 5:9

Diila mao̒ polubo bui̒ debo odelo uito sababu Wau̒ Eeya Allahu Taa̒ala limongoli wau diila mohuto potutuu-wauwola penu boli loolo. Tau-tauwalo tamolonua̒ ola-U̒ hukuu-maniyo-U̒ demola wali otolulio wau opatio.

TINGULI 6:15

Wonu timongoli molubo ila-ila wewo, yi timongoli mao̒dungga muluka lo Eeya Allahu Taa̒ala limongoli wau pobinasaa-Lio mai sama-samaata, sababu Eeya Allahu Taa̒ala limongoli tawoluo tohuungi mongoli diila mohuto potutuu-wauwola penu boli loolo.

TINGULI 7:10

Bo wolo diila moomu-moomu Tio mohukuumani mai olimongolio tamolonua̒ o-Lio.

YAKOBUS 4:4

Timongoli yito taa u diila tatapu wau molotolo hilao! Wolo otaawa limongoli deu̒ wonu timongoli mowaita wolo dunia, yi timongoli mowali musu lo Allahu Taa̒ala? Oditolio titaalo tita motohilaa mowali sahabati lodunia botie, tio mowali musu lo Allahu Taa̒ala.

YOSUA 23:16

Wonu bolo timongoli molambanga daantia u mapiloa̒hu olimongoli lo Eeya Allahu Taa̒ala imongoli alihu dungohelo, wau timongoli mota moi̒baadati to ii̒i-lawaalo wewo wau molubo mao̒ ii̒i-lawaalo boito, yi Eeya mamo muluka, wau mohukuumani mai olimongoli. To delomo wakutu u ngoi̒ntalo mola timongoli mabinaasa monto lipu u mopiohe botie, uilohi mai lo Eeya ode limongoli.”

YOSUA 23:7

Lou̒ odito timongoli diila tamo ulauwa wolo babaa-ngusawalo tadonggo hibiluloa̒wa towolota limongoli. Timongoli diila tamolapali tanggulo dedee-waalo limongolio meaalo motadia to tanggula boito. Wau olo diila moi̒baadati meaalo mosujudu to dedee-waalo boito.

YOSUA 24:19

Lapatao̒ tei Yosua loloi̒ya, “Bo timongoli otanu diila tamambo motiwato to Eeya, sababu Tio Allahu Taa̒ala tamantali, Taa Laba-labaalo Tuwaulo. Tio diilo mohuto o tuwaliilio. Wonu timongoli mololaa mao̒ o-Lio wau motiwato to ila-ila wewo, yi Tio diila tamo ngambungu dusa limongoli. Bolii̒o mao̒, Tio mamoluwali wau mohukuumani mai olimongoli. Tio mamopo binasa olimongoli, eleponu muloololio mai Tio mopiohe toli mongoli.”

MONGO HAKIMU 2:19

Bo wonu bolo tau̒wa boito mailate, bangusa boito owatade lebe moleetao̒ wolo hilaide tadipo-dipolulio mai. Timongolio hemotiwato to ila-ila wewo wau molubo ila-ila boito. Timongolio hemonguli to obobiasa limongolio u moleeto wau diila mohuto molomelo watade limongolio.