PILOTIMUA̒TA 20:26 - KITABI HABARI MOPIOHE

²⁶ Diila mao̒ pomongu mesba u molanggato tilunggula musi pia̒atolo wolo tutuua̒du, alihu diila mao̒ oontonga wimbihu wawau̒mu udiila patuti biloheelo.”

PILOTIMUA̒TA 20:26 ပူးပေါင်းရင်းမြစ်များ

JABURU 89:7

To hulungo diaaluo tadebo odelo Eeya, yaa Eeya, diaaluo mahaluku lo sologawi u tutuuwauwa wolo Eeya.

PILOTIMUA̒TA 28:42

Lapatao̒ pohutua mao̒ ode limongolio talaala ngoputu monto kaingi lineni, hayai̒o monto wohuta tunggula bungolopa u molanggu wimbihu ilangganga udiila patuti bilohelo.

PILOTIMUA̒TA 28:43

Talaala boito musi laito pomake mao̒ limongolio tou̒ tumuwotai ode delomo Kema-U̒ meaalo mohimbideo̒ mesba u moi̒baadati odelo iimamu to Huwali Leidaa̒ Mantali, alihu timongolio diila mate sababu iloontonga mimbihu ilanggangi mongolio udiila patuti oontonga. Wau̒du boito debo pohu-pohutu odelei Haruna wau waliilio mola.”

TAMOO-HUTUBAWA 5:1

Pomikilipo tou̒ diipo mobisala, wau diila mao̒ polamemeta daa̒ modanti to Allahu Taa̒ala. Allahu Taa̒ala woluo tosologa wau yio̒ woluo todunia, oditolio poheematilo wolo loloo-iyaamu.

YEHESKIEL 43:17

Bagiaangi huungio olo tutulio wopato, timii̒du biihio tuu̒udio pitu lomeeteri, wolo tuwau biihio to siipati bulemengio u langgatio ngotayade wopato lomeeteri. (Tanggalo tanggilio ngoputu lomeeteri). To biihio ambahu tiimuru otua̒adu dulu-dulunga ode bolitutuo̒ mesba.

IMAAMATI 10:3

Lapatao̒ tei Musa loloi̒ya mao̒ odelei Haruna, “Ui-uitolo u milakusudu lo Eeya tou̒ Eeya lotahuda mai, ‘Ngoa̒amila tamomaya ola-U̒ musi mohulumati omantali-U̒. Wau̒ mamopo ilaalo mai ololamahu-U̒ ode ngoilanggubu bangusaa-U̒.’ ” Bo tei Haruna wambao̒ lotipoo̒yo.

1 PETRUS 1:16

Todelomo Kitabi tulatulade, “Mamusi timongoli mantali, sababu Wau̒ mantali.”