PILOTIMUA̒TA 20:22 - KITABI HABARI MOPIOHE

²² Eeya lomalentao̒ olei Musa u lopoo̒taa tobangusa lo Isirai̒lu, “Timongoli maloo̒onto woloolo mola Wau̒, Eeya, helo tahuda mai olemu lonto hulungo.

PILOTIMUA̒TA 20:22 ပူးပေါင်းရင်းမြစ်များ

NEHEMIA 9:13

Lonto hulungo Eeya lotuhutai ode yitaato Hui̒dee Sinai, lapatao̒ Eeya helotahuda ode umati lo Eeya lohihilao. Heilohi mai lo Eeya butoo̒, wuu̒du wau palenta, u aadili, otutu wau ohuna.

TINGULI 4:33

Wolo tingga woluo bangusa tadebo tumu-tumulo lapatao̒ lodungohe ila tuwau helo bisala ode limongolio lonto tulu, debo odelo u ilolaasawa limongoli?

TINGULI 4:36

Lonto hulungo Tio lopo dungohei sualaa-Lio to olimongoli u longaajali olimongoli; todunia botie Tio malo pobiloheo̒ tulu-Lio upolu-polutuo̒, lonto tulu boito Tio helo tahuda mai olimongoli.

TINGULI 5:24

Uali mongolio mao̒, ‘Eeya Allahu Taa̒alanto malo pobilohei odudaa̒ wau ololama-Hio tou̒ ami loo̒dungohe helo tahuda mai lonto tulu. Todulahee botie ami malo sakusi deu̒ memangi otanu ode manusia u debo tumu-tumulo, eleponu Allahu Taa̒ala malo tahuda mao̒ olio.

TINGULI 5:26

Wolo tingga woluo manusia tadebo tumu-tumulo lapatao̒ loo̒dungohe Allahu Taa̒ala tatumu-tumulo helo tahuda mai lonto tulu?