PILOTIMUA̒TA 20:20 - KITABI HABARI MOPIOHE

²⁰ Tametao̒ lei Musa, “Diila mao̒ oohe, Allahu Taa̒ala dungga-dungga mai bo mai mohimontala olimongoli alihu timongoli debo modungohe o-Lio, wau diila odusa.”

PILOTIMUA̒TA 20:20 ပူးပေါင်းရင်းမြစ်များ

ILOOWALI 20:11

Tei Abraham lolametao̒, “Pikiliyalo mao̒, teewe diaaluo taa u moohe to Allahu Taa̒ala, tilinggula watia mapateelio mate-mateelo mao̒ lo taa u motohilaa todile lowatia.

ILOOWALI 22:1

Dengolo wakutu mola lapatio mao̒ Allahu Taa̒ala lotesi otatapu wau olotolo hilao lei Abraham. Allahu Taa̒ala longiibode: “Abraham!” Tulusi tei Abraham lolametao̒, “Yaa Eeya.”

ILOOWALI 22:12

“Diila mao̒ pongongota walao̒ boito meaalo pongo-pongolawa tio,” tahuda mai lo Eeya loli malai̒kati boito. “Botia maa ilotaawa-U̒ deu̒ yio̒ mohulumati wau modungohe ola-U̒, sababu yio̒ diila lotouli u mohudu mai walau̒mu ode ola-U̒.”

NEHEMIA 5:15

Mongo gubolonulu tou̒ dipo-dipolulio mai wau̒, malowali banta lo ulipu sababu timongolio helohile wopato pulu doi talaa̒ ngohui duo̒lo ua̒alo wau angguru. Tumbao̒, mongo pogawee limongolio olo helodeehe ulipu. Bo wau̒ diila mohuto mohutu mao̒ odito sababu wau̒ moohe to Allahu Taa̒ala.

AYUBA 28:28

Allahu Taa̒ala lopirimani mai to manusia, “U moo̒tapu mao̒ hikimati, Allahu Taa̒ala musi hurumatio limongoli. U moo̒toduo mai huhama, u moleeto musi poahalahu limongoli.”

PILOTIMUA̒TA 14:13

Tei Musa lolametao̒, “Diila mao̒ oohe! Posabalilo! Timongoli mamoo̒onto mao̒ wolo upohutuo mai lo Eeya u mopoa̒ahu mao̒ olimongoli. Taulo Masiri tao̒ontonga mao̒ limongoli botia, madiilalo oontonga limongoli poli.

POHUMAYA 1:7

U moo̒tapu mai ilimi ututuulio tutu, bohu-bohulio tau musi olaasa hurumati wau moohe to Eeya. Taa mohulodu diila momasisi hikimati wau diila mohuto aajaliolo.

POHUMAYA 16:6

Taa u tatapu wau molotolo hilao to Allahu Taa̒ala mamoo̒tapu ambungu; taa u saale mamoo̒hei monto totoonulalo u moleeto.

POHUMAYA 3:7

Diila mao̒ anggapua batangamu lebe motota wolo u otutuulio mao̒; podungohulo to Eeya wau pohalahulo monto u moleeto.

YESAYA 41:10

Diila mao̒ oohe, sababu Wau̒ wolemu, diila mao̒ polawalo, sababu Wau̒ Allahu Taa̒alamu. Yio̒ mapoo̒o lotolu-U̒ wau tulungiya-U̒, deloo-U̒ wolo uluu̒uu̒-U̒ upolu-polutuo̒.

YESAYA 41:13

Sababu Wau̒ Eeya, Allahu Taa̒alamu, modihu uluu̒umu olowala; pirimani-U̒ mai, ‘Diila mao̒ oohe, Wau̒ mamotulungi mai olemu.’ ”

YESAYA 8:13

Eelai mao̒ deu̒ wau̒ Eeya Taa Laba-labaalo kawasa yito mantali. Bo wau̒ulo tamusi oohemu.

TINGULI 10:12

“Botia, Mongo wutato, poo̒tuotalo wolo upilohile wolo moo̒ohuu̒ lo Eeya Allahu Taa̒ala limongoli monto olimongoli: Hulumatia mao̒ Eeya Allahu Taa̒ala limongoli wau pohutuwalo ngoa̒amila palentaa-Lio. Tolia̒ngilo Tio wau potabiyalo to Olio wolo lealeaatu lo jiwa wau batangamu.

TINGULI 13:3

diila mao̒ poo̒tuota tio. Eeya Allahu Taa̒ala limongoli momake tau boito u mohimontala olimongoli, u momilohe wolo timongoli tio̒otutua motolia̒ngo to Eeya wolo lea-leaatulo mao̒ meaalo diila.

TINGULI 4:10

pasali lo dulahee boito, tou̒ timongoli tilimihula totalu lo Eeya Allahu Taa̒ala limongoli to Hui̒dee Sinai. Tou̒ boito Tio lotahuda mai ode laatia, ‘Ambuwa mao̒ bangusa boito. Wau̒ ohilaa timongolio modungoheo̒ wolo umapo tunggulo-U̒ mai, alihu timongolio mobalaajali modungoheo̒ to Olau̒ ngotupa lo tutumulo, wau alihu timongolio mongaajali mao̒ mongo walai̒ mongolio u modungoheo̒ ola-U̒.’

TINGULI 6:2

Mamusi timongoli wau waliimu mola ngotupa lo tutumulo mohulumati to Eeya Allahu Taa̒ala limongoli wau modungohe ngoa̒amila buto-I̒o u potunggulo mai lowatia olimongoli, alihu timongoli otutumulo hayahaya tolipu boito.

TINGULI 6:24

Eeya Allahu Taa̒alanto lopoa̒hu mai olanto mohutu mao̒ ngoa̒amila palenta boito wau mohulumati o-Lio. Wonu ito mohutu mao̒ odito, yi Tio malaito molaalai bangusaanto alihu debo tumu-tumulo wolo moa̒ahu.

TINGULI 8:16

Tohuta luasi udelita Tio longohi mai manna utamelo limongoli, ua̒alo udiila otaawa linene moya limongoli. Eeya helohutu mai uito u mohimontala olimongoli wau mopodupapa hilaa limongoli, alihu to pulitio mao̒ Eeya moo̒hutu mai u mopiohe ode limongoli.

TINGULI 8:2

Eelai mola! Wopato pulu lotaunu hiheolio Eeya Allahu Taa̒ala limongoli lodelo olimongoli todelomo nonao̒ molaminga lolibaya tohuta luasi udelita. Nonao̒ boito milakusudu lo Eeya u mohimontala olimongoli, alihu Tio mowali moo̒onto mao̒ wolo ubuhu-buhulo todelomo hilaa limongoli wau wolo timongoli mamodungoheo̒ totoonulalo palentaa-Lio.

YOSUA 24:14

“Oditolio,” ualei Yosua wumbutio mola, “hulumatiyalo Eeya. Potiwatolo to Eeya wolo ihilasi boli tatapu wau molotolo hilao. Yinggila mao̒ ila-ila wewo u hetilubo linenemoyaamu muloololio mai to Mesopotamia wau Masiri. Potiwatolo bo to Eeya wambao̒.

BOHULO SEMUEL 12:20

Tei Semuel olo malo lametao̒, “Diila mao̒ oohe, eleponu timongoli malohutu u moleeto boito, diila mao̒ pohei monto Eeya, bo debo pomayaalo to Olio wolo lealeaatu lo hilaamu.